مصلى العيد

[الـوايـلـي]

ياناس من عنده خبر مسجد العيد = علامهم يوم اقبل العيد هدوه
انشهد انا ياهل رفحاء مقاريد = مافيه مشروعن على الصح سووه
والا انصلي بالمواتر مفاريد = مادامهم بالقار يالربع رصوه
تقاطعوه عبيد واخوه مع زيد = ياما على هاكشجيرات حدوه
من عقب ماهو ياخذ الناس ويزيد = بين الرصيف وبين قارين حطوه

[تربوي]

صح لسانكـ ..

ولعلها خطوة إيجابية نحو التطوير والتجديد ...

[النشمي عناد]

صح لسانك ....

ياليت تعبر لنا عن بعض الملاحظات في محافظتنا بأبيات شعريه

تكون ذات تأثير أكبر .

المهم أنهم مايصلون هذه السنه ع خير في مسجد العيد

والصلاة في المساجد كالمحمديه وغيره ..


لاهنت يالوايلي
.

[بصمة مبدع]

صح لسانك


اتوقع الصلاه هالنسه بالجوامع

[همّام]

صح لسانك شاعرنا الجميل

وعاش من شافك

وين الغيبه ؟؟

يبي يصير هالعيد عيدين يوم شفناك

[عروووبة]

صح لسانك

وعودا حميدا

[أرطبون العرب]

صـح لسانك ,
عاد تصدق أن يوم يهدون مسجد العيد و يحطون به شوارع أنـه بخاطري

والله مادري هالمسجد صار به شارع وصار به بعد تقاطـع
والعالم الله يبون يحطون كبري *ـ
عاد أني معارض بموقـع هالمسجد وقايل قبل أن موقـع المسجد
خطـا المفروض أنـه خارج رفحاء ^ـ
بعيداً عن الحواري والزحمـه ,

وبعدين يابن وايل هقوتـي الي ماغيرهـ هقوهـ أن هالعيد
هذا برد وتخبر العالم يختشون .^ـ
يعني ياطويل العمر صلاة العيد بهـالجـوامـع .

[نوء المرزم]

ماذا حل بمصلى العيد ؟!!!

[ابونايف]

صح لسانكـ شاعر المنتدى ...

وحياكـ الله ...

[الـوايـلـي]

تربوي
صح بدنك ونرجوا ذلك

[الـوايـلـي]

الله لايهينك يابو عمر

يابو عمر ماينفعن القصايد@الناس قول الحق مايشتهونه

ياكثر ناسن صيحو بالجرايد@ ماكنهم ياصاحبي يسمعونه

خله على الله لاتزيد النكايد @ وتسلم ياخو ميثاء ولالك مهونه

[شمـــاليه]

صح لسانك وعودا حميدا ً شاعرنا..

[الكاشف]

صح لسانك وسلمت على هذه الأبيات تمنيت أني شاعر ورديت عليك بالمثل .
العزيز الوايلي
العلم عندي والسبب عارفينه ......... حتى المساجد صار فيها طلايب .
اسمح لي هذا أقصى حد لي بالشعر .
لعلمك أخي العزيز تقدم أحد أهالي المحافظة القدامي من أهل الخير وتبرع بمبلغ وقدره ستة ملايين ريال لبناء أكبر جامع في المحافظة مع مكتبة ومغسلة أموات ومرافق أخرى لم أذكرها الآن واختار هذا الموقع وتم الموافقة عليه من قبل أوقاف رفحاء وعندما سمع البعض عارض على هذا المشروع بحجة أنه قريب من جامع آخر .
أرجو أن تعذرني عن التفاصيل والتوضيح أكثر لكن هذا ديدن أهل هذه المحافظة حتى المساجد لم تسلم منهم .
دمت بحفظه .