اقرب شاعر يتفضل

[فتى نجد]

سلام الله على اهل المنتدى شيبان مع شبان=سلامٍ يدهل الديرة ويمشي في نواحيها
انا اللي فايهٍ ذكري واقوم حارة الميدان=صبي الحرب ابقلط كل ما شبت حواميها

[إحسـاس]

سلام الله على اهل المنتدى شيبان مع شبان=سلامٍ يدهل الديرة ويمشي في نواحيها
انا اللي فايهٍ ذكري واقوم حارة الميدان=صبي الحرب ابقلط كل ما شبت حواميها


زاد فضلك :تفضل :

وانا جيتك ارد القاف دامه فزعة القيفان
عسى الله يحفظك في نجد والا في حراويها

سلامن كثر صدماتن بداخل قلبي التعبان
طلبتك لاتقول ان الحمامه صايرن فيها !!

فقدت احبابي اللي بالمحبة للأسف كذبان
اثاري يافتى قلبي عطيته ال حراميها

بكيت وماتوقعت البشر فيها الغدر الوان
ويأست من الحياة اللي تشوفه..بس مابيها ..

حمامة الوادي
إحساس ...

[عيد ثاني]

فتى000

وين رحت يافتى لاتطول علينا ترنا متشوقين للمحاوره000

[فتى نجد]

عسى الله ينصرك ياللي هديلك يوقض النعسان=زرعتي في ضميري حسرةٍ مالوقت ماحيها
علامك ياحمام الورق ماتاقع على الاغصان=وش اللي طيرك عنا لحونك ماتغنيها
ليا منك عطيتي القلب لاتعطينه الخوان=عطيه اللي وفيٍ والامانه مايخليها
صحيح الحب لاوقع علينا عميت الاعيان=معاد نشوف غير الزين وعيوبه نداريها


صح لسانك حمامه الوادي....واصلي

[شمـــاليه]

صح لسانك فتى وصح لسانك حمامة مبدددعه .. متاااااااابعه :shy

[شامي الدهيمان]

لا هنتوا جميعاً

ذكرتني بعنوانك بيت للشاعر بندر ابن سرور

انا الذي ماقول في نجد شعار ::::::::ولكان به شعار محداً حكالي
.................................................. ..

دمتم بخير

[vipقطريه]

تسلم ع الكلماات الرااائعه...

لاتحرمنااا جديدكـ ...

محبتكم... قطريهvip

[إحسـاس]

عسى الله ينصرك ياللي هديلك يوقض النعسان=زرعتي في ضميري حسرةٍ مالوقت ماحيها
علامك ياحمام الورق ماتاقع على الاغصان=وش اللي طيرك عنا لحونك ماتغنيها
ليا منك عطيتي القلب لاتعطينه الخوان=عطيه اللي وفيٍ والامانه مايخليها
صحيح الحب لاوقع علينا عميت الاعيان=معاد نشوف غير الزين وعيوبه نداريها


صح لسانك حمامه الوادي....واصلي

صـحت احاسيسك على الرد الرائع جدا ..استلم :

الا يارب تجزى لي فتى في دعوته بإحسان
وانا والله ترى قصدي اكحلها ولا اعميها

حزينه يافتى لا والله الا تبطي الاحزان
انا قصة غدر ماهو مسلسل واقدر احكيها

سهام الجرح تنزف واتحمل لاجل هالوغدان
واوفر لقمتي لاجل السياكل اقدر اشريها

تجيني هالصغيّره تسألن عن دمعة الاشجان
واقول انه مطر ماهي دموع اللي تشوفيها

افضفض والبقا في خاطر اللي شاف بالاعيان
لو هي حب وخرابيط الغزل ...والله مااشكيها

امانة من قراني يرفع ايديه لعظيم الشان
يقول لمن (ظلمني )ياكريم انك توريها ..

حمامة الوادي

[فتى نجد]

عسى الله يفرج الكربه انا طالبك يامنان=تزيح الهم عن نفسٍ كثيرات عباريها
وحنا نعين ونعاون ترانا اسرةٍ واخوان=ليا منه شكى عضوٍ تداعت كل اساميها

[فتى نجد]

شماليه - السلهومي -قطريه -

حياكم الله وشكرا على المتابعه

[إحسـاس]

والشكــــــــــــــــــر لك فتى نجد على الشعر الجميل
انبسطت مره وفضفضت ...

.....الف شكر لك...وجزيت خيرا

[عيد ثاني]

[quote=حمامة الوادي;472788]



سهام الجرح تنزف واتحمل لاجل هالوغدان
واوفر لقمتي لاجل السياكل اقدر اشريها

لا يقول هذا البيت إلا إمرأه تقوم مقام رجال 00 أعانك الله ويسر أمرك



أبياتك ليست وزن وقافيه فقط , أبيات مشتمله على كل مقومات النص الادبي الرفيع , ولايهون اخوي فتى نجد فهو كذلك في الابيات 000

شكرآ لإنك إستنطقتيني 000

[عروووبة]

صفحة حملت الابداااع

لله دركم

وصح السنكم
.
.

[إحسـاس]

هيضت جرحي عيد ياعيد هيضت
خل الجروح ..بهردستها ولفـه

عيد شكرا لاحساسك الحي

[إحسـاس]

هلا عروبة
والابداع من فتى نجد اولا
للشكر اهديكم

[فزاع]

صح لسان فتى نجد

وصح لسان الشاعره حمامه الوادى

لاعدمناكم على الامحاوره الطيبه والممتعه

واتمنى من الاداره والاخت شماليه ان تقيم مسابقه شعريه بين الاعضاء

لكي نراى الابداع ونتعرف اكثر على الشعراء


تحياتي للجميع.

[عقارب]

كملو كملو لا توقفون

نبي نشوف الي عندكم


يلا ابد يا فزاع وترادد انت وفتى وحمامه
والي يفوز

اعطيه درجتين بماده الرياضه بالعظله الصيفيه

[شمـــاليه]

صحت قلوبكم والله ابداع
كملوووو لا توقفوون

متآبعه

[شامي الدهيمان]

صـحت احاسيسك على الرد الرائع جدا ..استلم :

الا يارب تجزى لي فتى في دعوته بإحسان
وانا والله ترى قصدي اكحلها ولا اعميها

حزينه يافتى لا والله الا تبطي الاحزان
انا قصة غدر ماهو مسلسل واقدر احكيها

سهام الجرح تنزف واتحمل لاجل هالوغدان
واوفر لقمتي لاجل السياكل اقدر اشريها

تجيني هالصغيّره تسألن عن دمعة الاشجان
واقول انه مطر ماهي دموع اللي تشوفيها

افضفض والبقا في خاطر اللي شاف بالاعيان
لو هي حب وخرابيط الغزل ...والله مااشكيها

امانة من قراني يرفع ايديه لعظيم الشان
يقول لمن (ظلمني )ياكريم انك توريها ..

حمامة الوادي


حمامة الوادي اسئل الله العلي القدير إن يعينك وييسر أمورك آبيات تجبرك على الرد حتى لو ما كنت شاعر تقبلي هذه الابيات ال متواضعه بعد إذن أحي فتى نجد


الا يالله يامجري الدم بالشريان
لك رحمةً كل المخاليق ترجيها
تفرج همومً ( للحمامه ) كنها بركان
تعصر الفؤاد وبسرة القلب تصليها
الا يافتاتن همها ينطق الطرمان
بكت لإجله عيون الي نظر فيها
الا يالله تلهما عظيم الصبر والسلوان
وتباركلها في بذرةً أنت معطيها

[إحسـاس]

حمامة الوادي اسئل الله العلي القدير إن يعينك وييسر أمورك آبيات تجبرك على الرد حتى لو ما كنت شاعر تقبلي هذه الابيات ال متواضعه بعد إذن أحي فتى نجد


الا يالله يامجري الدم بالشريان
لك رحمةً كل المخاليق ترجيها
تفرج همومً ( للحمامه ) كنها بركان
تعصر الفؤاد وبسرة القلب تصليها
الا يافتاتن همها ينطق الطرمان
بكت لإجله عيون الي نظر فيها
الا يالله تلهما عظيم الصبر والسلوان
وتباركلها في بذرةً أنت معطيها


السلهومي جزاك الله خير

لم اعلم انك بهذا الابداع

يارجل صح قلبك وانتظر المزيد منك

[إحسـاس]

صح لسان فتى نجد

وصح لسان الشاعره حمامه الوادى

لاعدمناكم على الامحاوره الطيبه والممتعه

واتمنى من الاداره والاخت شماليه ان تقيم مسابقه شعريه بين الاعضاء

لكي نراى الابداع ونتعرف اكثر على الشعراء


تحياتي للجميع.

صح بدنك اخوي فزاع
وننتظر ابداعك ترى :note:

[إحسـاس]

للرفع اين شعرائنا فتى نجد -ابو بادي- السلهومي- فزاع-شمالية -ع يد بن ثاني(اتوقع عيد شاعر

نبي رديات ..همتكم

من معه المايك انا جاهزه