المساعد الشخصي الرقمي

مشاهدة النسخة كاملة : لعبة الالغاز الشعريه / جرب حضك /


كورن فليكس
14 Nov 2003, 09:42 PM
بسم الله الرحمن الرحيم
السلام عليكم ورحمة الله وبركاته .................. وبعد

اقدم لاعزائي الاعضاء مسابقة الالغاز الشعريه والهدف هو الترفيه والتسليه

وطريقتها بسيطه هو عرض اللغز الشعري وحله اما بابيات شعريه او ذكر الاجابه مباشره.

ولا يذكر اللغز الذي يليه الا بعد حل الاول.

وارجو من الجميع المشاركه بالالغاز والحلول.


وانا أبدء باللغز الاول

يقول الشاعر حامد زيد ..

@@@@@@@@@@@@@@@@@@@@@@@@@@

بنشدك عن شي يجينا ولا نجيه ....................................
................................. مــــــره نهلي بـــه ومره نعـوفه
ان زارنا شفناه ونشوف وش فيه ....................................
................................. حتى العمى كلما يزوره يشوفه

@@@@@@@@@@@@@@@@@@@@@@@@@@


شدو حيلكم وبالتوفيق

اخوكم
كورن فليكس
الدب الداشر
16 Nov 2003, 06:28 AM
يا صااحب اللغز ماااااهو شهر رمضاان الكريم ؟؟
الزعيم
16 Nov 2003, 03:22 PM
أنا اقول الحلم

هاه صح
كورن فليكس
17 Nov 2003, 12:26 AM
الغالي الدب الداشر
مالك لوا حبيب البي وشكرا على المشاركه وياليت تحاول باللغز الثاني .

:::::::::::::::::::::::

الغالي ابو قلم ياسلاااااااااااام عليك جبت الحل صحيح (( الحــلــم ))

:::::::::::::::::::::::::::::::::::::::::

اللغز الثاني .

يقول الشاعر حسن الوطري .

##################################
ويــش بنــت بــطنها شالت ولـدها ...........................
................................. والــولد بالام ماسوى جــميل
تبكي امه دوم وتاكل من جسدها ...........................
................................ وان بغت فرقاه هذا مستحيل
##################################

انتظر الحل واتمنى لكم التوفيق .

اخوكم
كورن فليكس
الزعيم
17 Nov 2003, 01:12 AM
ياسلالالالام علي

حل اللغز الثاني ياراعي اللغز

الشمعة (( ولدها الفتيل اللي داخلها ))


بشر ... صح !!!!!!
كورن فليكس
17 Nov 2003, 07:45 PM
اخوي الغالي ابو قلم.

ياسلام عليك جبت الحل صحيح ونص هي الشمعه وولدها الفتيل .

اللغز الثاني يـــــقـــــوووووول :

@@@@@@@@@@@@@@@@@@@@@@@@@@@
ابنشدك عن شين وانا وجهتي غرب ...............................
...................................... غصبن على يابن الاجواد شرق
لولا وجــوده ماتــهـقــويــت بــالـــدرب ..................................
..................................... وجهه حسين مــير خـده مخرق
@@@@@@@@@@@@@@@@@@@@@@@@@@@@

مع تمنياتي لكم بالتوفيق .

اخوكم
كورن فليكس
الزعيم
18 Nov 2003, 09:01 AM
(( الاستبنه )) سبير السيارة



مادري صح والا ندور غيره
كورن فليكس
21 Nov 2003, 10:09 PM
جدا جدا أسف اخوي ابو قلم على تاخري بالرد كنت مسافر اما بخصوص اللغز وحلك والي هو الستبنه فانا اقول مـــــــــالك لوا جرب نوبتن ثانيه

وتقبل تحياتي

اخوك
كورن فليكس
الزعيم
22 Nov 2003, 04:12 AM
حمدلله عالسلامه ياجي من السفر


طيب نقول مفتاح السيارة


هاه حوله والا بعيد
رفحاوي
22 Nov 2003, 04:25 AM
وشلون مفتاح السيارة الله يفتح علينا وعليك؟
كورن فليكس
22 Nov 2003, 10:28 PM
ابو قلم
الله يسلمك وبخصوص الحل مالك لوا مع العلم ان اجوبتك كلهن قريبات للحل . حاول نوبتن ثانيه .

اخوك
كورن فليكس
المستكشف
23 Nov 2003, 12:24 AM
هاه نقول العفريته
الزعيم
23 Nov 2003, 04:02 AM
تدري لوحة السيارة
كورن فليكس
24 Nov 2003, 09:18 PM
اخواني المستكشف و ابو قلم

مالكم لوا اجابه غير موفقه مع انكم حول الحل لاكن تدورن معكم اخر محاوله وبعدها بحط الحل ولغز جديد . ولكم تحياتي

اخوكم

كورن فليكس
حنين الماضي
24 Nov 2003, 09:36 PM
انا أقول المرايه اللي تشوفون به السيارات اللي وراكم>> ماأدري وش اسمه:o

بليز لا تفشلني وتقول مالك لوا
قل حظ أوفر:I
كورن فليكس
24 Nov 2003, 09:44 PM
الاخت

حنين الماضي




يسلااااااااااااااااااااااااااااااااااااااااااااااا اااااااااااااااام عليك



اخيرا ماراح اقول مالك لوااااااااااااااااااا






اقول





اقول




اقول






مثل ماقلتي حظ اوفر .


الجواب هو الكلبليتر او الكمبليتر

لانه هو الي يخلي السياره تشرق



وياليت الي عنده لغز شعري يحطه لنا واذا ماعندكم علمون عشان احط
ولكم تحياتي

اخوكم
كورن فليكس
الزعيم
25 Nov 2003, 06:02 AM
كل عام وانتم بخير وعساكم من عواده

وهذا اللغز عيديه لكم واتمنى ان تقبلوا العيدية . وقبولها بحل اللغز

ولـــــــــــــــــــــــكم تحـــــــــــــــــايــــــــا ي


ابي اسئل اللي للمعاني يعرفون......................................
.......................................... عــن ورعٍ لـزومن امـه تباريــه
يشرب من أمه وأفهموا لاتضيعون ...................................
................................. وان ماشرب منها ما شيفت مواطيه
المهندس
26 Nov 2003, 01:53 PM
اهلين

كورن فلكس لغزك دوخنا صرنا نفكر مشرق يعني متجه شرق وطلعت خدعه
حركااااااااااااااات

ابو قلم

اتوقع حله ينطبق على القلم والمحبره

يابو قلم
الزعيم
26 Nov 2003, 08:01 PM
المهلي ما يولي يا بش مهندس


نقول مالك لواااااا
وانت منت بعيد ..
المهندس
27 Nov 2003, 01:10 AM
الختم واللي يسمونها ستمبه
الزعيم
27 Nov 2003, 02:59 AM
يااااااسلالالام علييييييك


يا مهندس هندستها وجبتها صح


اللغز التالي عندك
الزعيم
30 Nov 2003, 01:24 PM
المهندس

وينك ..... شكل ماعندك لغز ....

طيب انا اعطيكم اللغز .....


أسئلك عن رجــلٍ رفيعــاً مقامــه ......... له منزل بين الرجاجيل عالي

يفرض على بعض الرجال احترامه ........ والا العذارى مالهن به مجالي
طلال الشمال
06 Dec 2003, 05:52 PM
وش هو حنين حظ أوفر من الحين يمكن حلك صح

<<< يدري إنك منتي حوله لكن يبي يرفع معنوياتك

اقول اخوى كورن فليكس كان مو




الصطب ...
المهندس
06 Dec 2003, 07:29 PM
هلا ابو قلم

لا والله بس انشغلت شوي

يعطيك العافية على اللغز

ماهو العقال؟
الزعيم
08 Dec 2003, 02:20 AM
والله مانت بسيط يالمهندس

الحل صحيح

واللغز عندك !!!!!!!!!!!!
المهندس
11 Dec 2003, 05:16 PM
هلا ابو قلم

لا لا تراني ابسط من البسيط .. لا ترفع بي بعدين اصدق :I

استعد للغز الخطير


اسألك عن شيءٍ له حنوك واسنون=اعمى ولكن ان لفا ضيف يوذيه
حامي حماه ولا يامنه غير مجنون=الغدر طبعه والعهد خاينن فيه


فكر يامفكر
الذيب
12 Dec 2003, 01:18 AM
السلام عليكم
ألغاز وعلوم طيبه ولا درينا
عموماً يالمهندس لغزك ثمين
وعندي رميعة صغينونه

وهي .................... الفخ

هاه وش قلت
المهندس
14 Dec 2003, 07:19 PM
اهلين الذيب

رررررررررررررائع صح ونصصصصصصصصص

وبالمناسبة اللغز هذا انا سويته للموضوع هذا وان شاء الله يكون اعجبكم

دورك باللغز
هرطمان
16 Dec 2003, 10:21 PM
تسلم مهندس تسلم وصح لسانك

خوذوا اللغز والله يعينكم متى ادخل اقول لكم صح:D

والي يعرفه من اول يعطي الشباب فرصه او يتا بع
ويقول صح اذا ما قدرت ارد انا لان عندي ظروف كم شهر:p


الا ياويش شي(ن) ما يجيك الا بوقت شين
$$$$$$ $$$$$$$ والا يا شينها ياصاحبي حزة مطاليعة
ينام الوقت كله في بويتٍ ما يجي شبرين
$$$$$$$$$$$$$$ واليا جت حزته بامر الولي بانت منافيعه
المهندس
19 Dec 2003, 01:41 PM
هلا هرطمان

ماهو المسدس؟
هرطمان
20 Dec 2003, 08:32 PM
هلالالالالالالالالالالالالالالا

اسف يالمهندس ما يحصل لي الدخول بسهولة هالايام

هههههههههههههههههههههه
هههههههههههههه
هههههه

تذكرت الضب :D




اجابتك طيبه وهقوتك ما هي سهلة

لاكن ما لك لوا ( ان الحل الذي طرحته غير صحيح ):p
المهندس
05 Jan 2004, 12:34 AM
طبعا الخنجر نفس الكلام ؟؟!
الفيلسوف
18 Jan 2004, 01:20 AM
اهلا هرطووووووووووووووووووووووم
اذا ماهو (المهدي المنتظر) وضح شوي الله لا يهينك
هرطمان
21 Jan 2004, 11:19 PM
مااااااااااااا لكم لوا ومحاولاتكم حلوه زيكم يا حلوين:p

ابي اعطيكم لغز ثاني

يقول الشاعر صاحب اللغز

انشدك عن رجل مكتف ومسجون $$$$$ وربعه تخاطفهم سهوم المنيه
يطيع كل الناس عاقل ومجنون $$$$ ولا يطلقونه غير يذبح خويه
المهندس
22 Jan 2004, 12:52 AM
هلا هرطمان
مانسمح لك تطلع من لغز الا بعد مانحله او تحله

بس خلك حولنا علشان تصير حامي بحامي

اللغز الثاني مر علي قبل كذا واعرف حله لذلك اترك الفرصه لغيري