المساعد الشخصي الرقمي

مشاهدة النسخة كاملة : تدرين ليه المطر يشتاق لك يالرياض



همّام
03 Dec 2010, 02:27 PM
مساعد الرشيدي
فيها من الوصف والتصوير الشيء الجميل
علِقت في ذاكرتي كثيرا
بسبب أني عندما سمعتها في السيارة ووصلت الرياض ومكثنا أياما ثم مطرنا بفضل الله
فكنت اردد بعض أبياتها

للاستماع لها بلحن جميل اضغط تشغيل
width=350 height=300

تدريـن ليـه المطـر يشتـاق لـك يالـريـاض
مـن بيـن كـل الفيـافـي والـقـرى والـمـدن

يبغى يفضفض لصدرك عن حنين الفياض
عن لهفة الشوق عن لحظه حنين وشجـن

يبغـى يبلـل شعـرك ويفتـرضـك افـتـراض
وإلا يـجـدل مـســاك ويـاخــذك بالـحـضـن

هـذا المطـر كــل ماسـيّـل حنيـفـة وفــاض
قــال السـحـاب تـدلــل يـاسـحـاب وتـمــن

أن قـادة الوسـم قيـل فـي شعيـبـك وراض
وإن حدة الشـوق جـاء يمـك دخيـل وزبـن

يـا شيخـة الرمـث حتـى بارقـة يـوم نـاض
ناض ولبسلك من الفرحة مـعمّ و ردن

مـن يآمـر المـزن لا عـدى وقلتـي تغـاض
لايحسبـنـة تــرك ويحسـبـن أنـــك مـــزن

ياما عبرتي على جفن الزمـن وأستهـاض
يامـا خطرتـي علـى بـال السحـاب وطـمـن

يامـا غـدا شالـك الشعبـي حديـث الريـاض
كـم هـب عطـرك وكـم مـره تلعثـم غـصـن

يالـي زمانـك سـرى ليلـة كسـاك البـيـاض
ماكـن ربـي خلـق بالـكـون غـيـرك وطــن

فـز لمـهـرك اربعـيـن ومنكبـيـن عــراض
كلن يقول ابشـري شلفـى وسيـف ورسـن

شمـتـي لعبدالعـزيـز وماعلـيـك اعـتـراض
مـودك عذيـه وريضـانـك مـرابـط حـصـن

ليـا ضميتـي تجافـل مـن ضمـاك الحيـاض
وليـا ضفـرتـي تجـاوزتـي حــدود الـزمـن

ابو متعب
03 Dec 2010, 02:41 PM
الله يرزقنا المطر

وصح لسان مساعد ولسانك همام

همّام
03 Dec 2010, 02:45 PM
الله يرزقنا المطر

وصح لسان مساعد ولسانك همام

آمين

وصح بدنك أخي الكريم

أإآسؤؤؤؤؤله
03 Dec 2010, 04:29 PM
ابياات رائعه وجميله لاهنت وتسسلم على النقل

همّام
03 Dec 2010, 11:27 PM
ابياات رائعه وجميله لاهنت وتسسلم على النقل

الله يسلمك أختي
وشكرا لتواجدك

عروووبة
04 Dec 2010, 12:01 AM
ابيات رائعه وتصوير جميل

الله يرزقنا ويرزق بلاد المسلمين بالمطر والخير
يارب

صح لسانه وطاب نقلك
مشرفنا القدير

همّام
04 Dec 2010, 12:59 AM
ابيات رائعه وتصوير جميل

الله يرزقنا ويرزق بلاد المسلمين بالمطر والخير
يارب

صح لسانه وطاب نقلك
مشرفنا القدير


آآآمين الله يسمع منك اختي عروبه
النفوس تشتاق للمطر

والوسم قرب يخلص
وما جانا مطر
وديرتنا بدون ربيع ما تصلح

اللهم اغثنا

في دروبي ورود
04 Dec 2010, 05:06 AM
رااااااااااائعه كلمااااات اتت في غايه الروووووووعه والجماااال
سلمت الايدي وننتظر جديدك

فتى نجد
04 Dec 2010, 01:49 PM
صح الذوق اخوي همام
يعطيك العافيه

شامي الدهيمان
04 Dec 2010, 03:22 PM
الله يرزقنا الغيث

حتى المطر حجبته الذنوب ومنع الزكللللة

تقبل مروري

شمـــاليه
04 Dec 2010, 05:18 PM
صح لسانك وعلى شانك اختيار جميل ويازين الرياض انا شخصيا ً احبها
لاهنت مشرفنا

أبو هيا
04 Dec 2010, 06:35 PM
صح لسانك ياهمام

الله يجيب المطر,,ذبحنا الشعير الكيس ب55 ريال اللي كان ب7 ريال ومايلقى اللي يشتريه,,

ابوبادي 12
04 Dec 2010, 06:44 PM
صح لسانك همام ولسان الرشيدي قصيدة جميله

تربوي
05 Dec 2010, 02:47 PM
صح لسان الشاعر , وتسلم على النقل

همّام
05 Dec 2010, 08:19 PM
رااااااااااائعه كلمااااات اتت في غايه الروووووووعه والجماااال
سلمت الايدي وننتظر جديدك

الله يسلمك
وشكرا لتواجدك في هذه الصفحة

همّام
05 Dec 2010, 08:20 PM
صح الذوق اخوي همام
يعطيك العافيه

صح بدنك أخوي فتى رفحاء

همّام
05 Dec 2010, 08:21 PM
الله يرزقنا الغيث

حتى المطر حجبته الذنوب ومنع الزكللللة

تقبل مروري

آآآمين الله يرزقنا ويغيثنا بالأمطار وقلوبنا بالإيمان
شكري لك أخي العزيز

همّام
05 Dec 2010, 08:22 PM
صح لسانك وعلى شانك اختيار جميل ويازين الرياض انا شخصيا ً احبها
لاهنت مشرفنا

صح بدنك أختي شمالية

ولا تهونين

همّام
05 Dec 2010, 08:24 PM
صح لسانك ياهمام

الله يجيب المطر,,ذبحنا الشعير الكيس ب55 ريال اللي كان ب7 ريال ومايلقى اللي يشتريه,,

هلا وغلا
عاش من شافك يا رجل
وإلا بعد لا مطر ولا أبو هيا : )

همّام
05 Dec 2010, 08:25 PM
صح لسانك همام ولسان الرشيدي قصيدة جميله

هلا بالشاعر
صح بدنك
والأجمل وجودك هنا

همّام
05 Dec 2010, 08:25 PM
صح لسان الشاعر , وتسلم على النقل

صح بدنك
والله يسلمك أخي العزيز