kermalk
08 Dec 2010, 01:27 AM
اقدم لكم هذي القصيدة اللتي تعتبر من افضل قصايد النصائح من الدنيا ودوراتها وهي للشاعر/ عامر بن نوطان المري (رحمه الله)
لاخـير بالدنيا ومن يرتهـي بها
لابد ترجـع للردا عقب طيبها
لو ساعدت وياك يومٍ من الدهر
تصير من عقب الصداقة حريبها
ولو عطتك أيام من حلو درها
لابد من يومٍ ترجـع حلـيبها
لا تقول لي معها معرفة وصحبة
أكثر بلاويها تفاجـي صحيبها
هذي هي الدنيا ويكفيكم اسمها
مـواعظٍ قدامنا نكـتفي بها
لا ممـلٍ فـيها ولا واثـقٍ بها
واظنها ما تختلف هقـوتي بها
كم لاعت الأيام من كان قبلنا
ذلت معزة قوم واخلت شعيبها
كلٍ من الأيام يشكـي مصايبه
كم لوعت نفسٍ بفرقى قريبها
مهما تكون الناس زانت حياتها
من لوعة الأيام تاخذ نصيبها
كم واحـدٍ فيها بخـيرٍ ونعمة
تاتيه غارات الدهر ما دري بها
حافظ على نعمتك واحذر زوالها
سـود الليالي ما تعلم بغيبها
إن اقبلت دنياك زين قـبولها
وإن دبرت على العدا يندعي بها
اليوم عـيني ما تباخل بدمعها
ومن أولٍ ما كل شيٍ يجيبها
تبكي على قومٍ تقافت رحالها
معاد نرجي شوفها من مغيبها
هـذي منازلها وهذي ديارها
وعدودها ما عاد يشرب قليبها
يا عونة الله وين هاك الرفاقه
ما حسب دورات الزمان تغدي بها
نفسٍ غدت الايام باخيار قومها
لو كان ترفع صوتها من يثيبها
كم فرقت قومٍ وهدت بيوتهم
ناسٍ تذري كل من يلتجي بها
أهل مظاهـيرٍ وهجنٍ أصايل
وخيلٍ على الركاب يضفي سبيبها
بكيت والنفس الحزينه تأثرت
وكم قبلها عـين تزايد نحيبها
لو أن كثر الدمع يرجع بمن غدى
بكيت ليت العين يرجع حبيبها
لاخـير بالدنيا ومن يرتهـي بها
لابد ترجـع للردا عقب طيبها
لو ساعدت وياك يومٍ من الدهر
تصير من عقب الصداقة حريبها
ولو عطتك أيام من حلو درها
لابد من يومٍ ترجـع حلـيبها
لا تقول لي معها معرفة وصحبة
أكثر بلاويها تفاجـي صحيبها
هذي هي الدنيا ويكفيكم اسمها
مـواعظٍ قدامنا نكـتفي بها
لا ممـلٍ فـيها ولا واثـقٍ بها
واظنها ما تختلف هقـوتي بها
كم لاعت الأيام من كان قبلنا
ذلت معزة قوم واخلت شعيبها
كلٍ من الأيام يشكـي مصايبه
كم لوعت نفسٍ بفرقى قريبها
مهما تكون الناس زانت حياتها
من لوعة الأيام تاخذ نصيبها
كم واحـدٍ فيها بخـيرٍ ونعمة
تاتيه غارات الدهر ما دري بها
حافظ على نعمتك واحذر زوالها
سـود الليالي ما تعلم بغيبها
إن اقبلت دنياك زين قـبولها
وإن دبرت على العدا يندعي بها
اليوم عـيني ما تباخل بدمعها
ومن أولٍ ما كل شيٍ يجيبها
تبكي على قومٍ تقافت رحالها
معاد نرجي شوفها من مغيبها
هـذي منازلها وهذي ديارها
وعدودها ما عاد يشرب قليبها
يا عونة الله وين هاك الرفاقه
ما حسب دورات الزمان تغدي بها
نفسٍ غدت الايام باخيار قومها
لو كان ترفع صوتها من يثيبها
كم فرقت قومٍ وهدت بيوتهم
ناسٍ تذري كل من يلتجي بها
أهل مظاهـيرٍ وهجنٍ أصايل
وخيلٍ على الركاب يضفي سبيبها
بكيت والنفس الحزينه تأثرت
وكم قبلها عـين تزايد نحيبها
لو أن كثر الدمع يرجع بمن غدى
بكيت ليت العين يرجع حبيبها