المساعد الشخصي الرقمي

مشاهدة النسخة كاملة : رديت على حمامه الوادي يادفتري مديت بالحب ايدي


ابوبادي 12
11 Dec 2010, 02:11 PM
يادفتري مديــــــت بالحب ايدي
ابغى معاك اعقد صداقة وجلسات !!

لاتصدمن قلبي ترى مو حديدي
على الاقل تقبلن لو لساعات

خلك رؤوف باللي لجا لك وحيدي
يبغى الوناسة ضايق الصدر مابات !

متعقده ! لا زيد منك اتعقيدي . .
عفت البشر ابغى اصادق جمادات !!

في حالتي يادفتري.. لاتزيدي
جيتك ادور في سطورك وناسات

يادفتري ابشتكي لك ..وديــدي
اللي غلاه اغلى من الروح والذات !

قام وطعني طعنةٍ ..في وريدي
خلى (جروحي)من نزيفه خطيرات

انزف وهو عايش حياته سعيدي
غير الطعون اللي بظهري قويات !

جيت المكان اللي جمعنا بعيدي
وعلى هذاك السفح هليت عبرات

عقب الغدر ..ماعاد عندي جديدي
الا الدموع اللي تجيني وفيات !!
__________________

رديت على حمامه الوادي قلت00

حمامه الوادي لوعندي رصيدي
اهديك باقه ورد وفيها عطورات
انا اشهدنك صادقن يالعنيدي
هذا كلام الصدق مابه دعايات
يشهد على هاالقول كل العبيدي
ومن عادت الدنيا تجيب المتاهات
حذراك لاتخدع بشخصن فريدي
وعقبآ تردد من بعيد الطويلات
جب الكلام المختصر والمفيدي
لاتنزل الدمعه طلبتك بظحكات
واكتب على مهلك بوسط الجريدي
والاسئله فيها جميع الخيارات
وارجوك ياحساس الوفاء لاتعيدي
لاتشتكيلي من جميع المجالات
نطلب من الله جعل قيدك وقيدي
يفرجلنا ربي رفيع السموات
وختامها يارب حسن القصيدي
وتنومسن بالمنتدى والمهمات

مع تحيات ابوبادي
إحسـاس
11 Dec 2010, 07:53 PM
حيا الله اللي للقصايد يجيدي
ماهي دراسة ماخذه بالشهادات

يارب خله في حياته سعيدي
اللي يبي مني على طول ضحكات

ماهي سوالف منتدى في بريدي
اللي جرى لاختك ..جروحة عظيمات

عطيته الدم الذي في وريدي
تقدر تقول ان العطايا كثيرات

ليت الخطا مني وانا اقول بيدي
ما اخطيت يوم النسا له خطّيات

كنت اعتبر في ضحكته يوم عيدي
ودامه معي مابي خوات وصديقات

يعني كذا؟؟ لا يالزمان العنيدي
ارجال بالصورة ..ولابه مروات

يالشمري هاك الكلام الاكيدي
جرح الكرامه ماتفيده علاجات

وانا الكرامه هي حياتي وسيدي
كلش ترى الا جروح الكرامات

والله فلا ارجع دام شوري بأيدي
ولو جاب لي مال وووساطه وزورات

ماعاد عندي له مجالٍ يفيدي
بقضي حياتي بين روحه وجيات

ومشكور ياللي له كلامن سديدي
الرد واضح والمعاني جزيلات
ابوبادي 12
11 Dec 2010, 10:59 PM
صح لسانك ورد اروع ولاهنتي واشكرك
إحسـاس
11 Dec 2010, 11:20 PM
شكرا لك لاهنت

ليت الخطا مني وانا اقول بيدي
ما اخطيت يوم ان النسا له خطّيات



بس تعديل للبيت سقط (ان)

دمت شاعرنا بخير واحساس
شمـــاليه
11 Dec 2010, 11:43 PM
صح لسان حمامة الوادي " إحساس رفحاء " وصح لسانك ابو بادي
جميعكم شعراء نفتخر بتواجدكم بيننا وفي همس القوافي
صح لسانك مره اخرى ومعارضه جميله جدا لاهنت


* واسمح لي بحذف الموضوع المكرر
ابوبادي 12
12 Dec 2010, 11:57 AM
من اول احذفيه ابيك ياشماليه على العموم يعطيك العافيه وماقصرتي
ودمتي بخير ياحمامه الوادي ويعطيك العافيه والله يعوضك بااحسن منه ويستر على الجميع