تكفين يالصدفه ترى الحظ مقرود

[دموع الجن]

تكفين ياصدفة ترى الحظ مقرود
الصدر ضاق وصاحبي وين دنياه ..

عمري قضى وانا انتظر ناعم العود
ومهما نساني صاحبي ما اقدر انساه ..

امشي بنص الليل والعالم رقود
قلبي مشى صوبه ضمى الحب وداه ..

بيت الوليف وشفت انا الباب مردود
والشارع المظلم طوت رجلي خطآه ..

الشوق ما ينفع ولا في البكاء فود
في حال منهو بـ الهواء جاه ما جاه ..

له في القصيد حروف وابيات وردود
لعيون محبوب تمناه وياه ..

قلبي واعرفه من ردى الحظ موعود
مافي نعيــــــــم الحب درب وخلاه ..

الحال صعبه والامل شبه مفقود
على الورق حبه وفي النوم لقياه ..



* منقول

[شامي الدهيمان]

تسلم وننتظر ابداعاتك القادمة

[ريانه]

الحال صعبه والامل شبه مفقود
على الورق حبه وفي النوم لقياه ..

عزاااااه لك !!


شكرا ً لمشاركتنا بهذه الابيات الراقيه

لاهنت وننتظر جديدك بشوق

[فتى نجد]

الحال صعبه والامل شبه مفقود
على الورق حبه وفي النوم لقياه

صح لسانك دموع الجن ونزلت دموع الانس من ابياتك

[دموع الجن]

شاكر ومقدر لكم التفاعل الرائع

[أخو عنقاء الجنيدي]

موفق
الله يا عين

[شمـــاليه]

صح لسان شاعرها ولاهنت على النقل

[المفتون]

أبيات جميلة ,, وشكرا لك على النقل الأجمل