مكشاتنا . . وتقرير مصور .. عن (( الرجم )) تراث شمالي ..(~~

[عروووبة]

http://dc10.arabsh.com/i/02402/w792c9q3adlg.gif


جائنى اتصال من خالي
الو : عربرب ماودك نطلع اليوم نسوي جمري
انا : افا كيف ماودي . عند وجهك
خالي : اجل قولى للشعب يتولمون
انا : ابششششششششششر
.
.
وتولمنا
وشدينا الرحال

الجو كان : مشمس ودافى وتوجد غيوم متفرقه
والهواء ساكن
صراااااااااحه الجو جونان

الحين نشوف الصور
وهناك صور خاصة
لريانة .( نشرح فيها بعض الثراث الشمالي - وبعض ممارسات البدو سابقا
و لأبو نايف . ( له صور خاصة صورتها لعانه كع كع كع
ولابو محمد . ( كنت اقلده وهناك صورة

.
.
لنبدأ الرحلة


صورة جويه لحالة الطقس

1
http://dc09.arabsh.com/i/02465/a91t32meds5t.jpg

ابريق الشاي على جال النار . . حرم الله النار عن أوجيهكم


2
http://dc09.arabsh.com/i/02465/k9hgsrwphmes.jpg

وهذي كاسة الشاي المخدر
3
http://dc10.arabsh.com/i/02465/i1re6nchvh0m.jpg

وهذي عندما انهيتها
4
http://dc05.arabsh.com/i/02465/xihzmioc7fhd.jpg

وهنا وهي تقف شامخه بين الجبال <<< مونسه نفسه هالكاسه :)
http://dc10.arabsh.com/i/02465/vp5oza5tklw2.jpg



وهذي صورة احد الجبال الشامخه عندنا << تقرص عينهhttp://rafha.com/vb/images/smilies/03.gif
شفتى ريري عندنا جبال ياحولك
بس نسميهن (( قاره)) <<< ندلعه

http://dc09.arabsh.com/i/02465/u8rob6dn6rc7.jpg


ثم بدأ القرم اللى متزهل للجمرية وفسر عن ذرعانه وبدأ بالمهمة (( شوف ابو محمد المحافظة على الصحة :)

http://dc09.arabsh.com/i/02465/fafxew3y0zrg.jpg
.
http://dc09.arabsh.com/i/02465/mgd6p6iomafe.jpg
.
http://dc09.arabsh.com/i/02465/zjuyoinvwkok.jpg

ثم اتت لحظة الكشف عن المرحومة
القرم من كثر القرقر الى حوله نسي الجمرية . .!!
http://dc08.arabsh.com/i/02464/cm8ta0x2zksb.jpg
لكن مع هذا كانت طيبه مرتن بالحيل . . :)

[عروووبة]

الان نتوجه لريانة ونشرح لها عن بعض التراث الشمالي :

عندنا ياريري شي ينقاله (( رجم )) وهو بكسر الراء
وكان هذا علامة يبنيها البدو سابقا بالاماكن المرتفعه
وكان بعضها يصل طوله الى مترين لكن يكون بنائه محكم
لدرجة ان بعضهن له عشرات السنين . .

طبعا سألت خالتى :
خبيره بالقصص والروايات والحكيات
يانى سمعت كم قصة وكم خرافة وضحكت ضحك
المهم
سألتها : ليش انتم تقولون مايجوز ان احد يهد الرجم واذا شافه مهدوم يبنيه
قالت : والله مادرى ياوليدي مير من وعت اقلوبنا نسمع اهلنا يقولون هيك <<< لبنانية خالتي http://dc11.arabsh.com/i/01720/gs0p5c1pvlxv.gif
المهم
قلت : بس هذي خرافة اكيد ورها سر الله العالم ان كانوا يعبدونهن قبل وانتم مع الخير ياشقراء
ضحكت وقالت والله يمكن بس ابى اقولك قصة وعليها رجال شهود
قلت : هاتي
قالت كان به رجم طوله حول المترين
ويقول في يوم من ايام الشتاء ضربته صاقعه يوم جوه تقول كيف ياوليدى مكانه رماد
(( هنا توقفت )) لا اعلم عن صحة الرواية لكن . . تقول عليه شهود
والله العالم ان استنتاجي صح . .؟!!

الحين راح اوضح كيف يبنى (( الرجم بالصور ))
هد حيلى وانا أبنيه . .:0017:
أول شي لازم تكون القاعدة من حجر مصلفح <<< أما غبره من جد http://dc11.arabsh.com/i/01720/gs0p5c1pvlxv.gif

قصدي (( مسطحة الشكل ))http://www.pic.m3m2.com/data/thumbnails/6/113.gif

كما هو موضح بالصورة

http://dc08.arabsh.com/i/02464/2ta9h5520ofl.jpg

1
http://dc05.arabsh.com/i/02465/v5ouw38gkdin.jpg

2
http://dc05.arabsh.com/i/02465/h56iag444dyp.jpg
3
http://dc05.arabsh.com/i/02465/wph4rahsa4pi.jpg
4
http://dc10.arabsh.com/i/02465/244b0d580hkl.jpg
5
http://dc10.arabsh.com/i/02465/xgn91keaflkz.jpg

[عروووبة]

ايوه
من عادات البدو ياريري اذا كانوا يبون يعرفون هل الارض هذي اتها مطر او لا
خاصةأذا كانت نفود لآن النفود لاتتكون فيها خباري .. . يوووووه ( حنا عرب بررررب وتيت ولوووول . . قصدي( مستنقعات مائيه ) http://rafha.com/vb/images/smilies/04.gif

يقومون بالحفر وتلمس الثرى . . ووثقتها لك بالصور . .( ولكنها طريقة غير دقيقة لكن تبيلها ناس خبره )
1
http://dc05.arabsh.com/i/02465/e0wndhulf0io.jpg

2
http://dc05.arabsh.com/i/02465/zz0shjt4moqb.jpg

3
http://dc09.arabsh.com/i/02465/2cm4th3novkx.jpg


ثم بدأت ببناء قصر عربون . . لازم اذا طلعنا للبر نبنيه شي ضروري
به شي مستغربه منه
دايم يطلعون ناس يبنون قصور من الرمل على شواطئ البحار
طيب وليه مايطلعون لقطه واحد يبنى قصر على كثبان الرمال

ماش
غزوا فكري
كع كعhttp://dc11.arabsh.com/i/01720/gs0p5c1pvlxv.gif كع كع

1
http://dc09.arabsh.com/i/02465/2xvw6hlax13q.jpg
2
http://dc08.arabsh.com/i/02464/5ieasc7675or.jpg
3
http://dc08.arabsh.com/i/02464/c4j8r4i34emc.jpg
4
http://dc08.arabsh.com/i/02464/thj8m52nlnz9.jpg

[عروووبة]

هذي على قولت ابو محمد لقطات احترافيه <<< أيه هينhttp://rafha.com/vb/images/smilies/11owoff.gif


1
http://dc05.arabsh.com/i/02465/7wjuswa4s0rp.jpg

وهذي ما أقلد أحد أبدن بتاتن البته

http://dc09.arabsh.com/i/02465/zg05q3qfla25.jpg

3
http://dc09.arabsh.com/i/02465/obf1hui6r2an.jpg


أما هالصورة اول ماشفتها بعد التصوير ذكرتنى بحاجة كع كع كع

http://dc05.arabsh.com/i/02465/p039raroa077.jpg


5
http://dc08.arabsh.com/i/02464/zzwaf0448ui9.jpg

6
http://dc08.arabsh.com/i/02464/xo11mniekmmi.jpg

وهذي لآبو نايف الى يحب البقل
شو رايك بقل بملعقه <<< خوووووووش جمري وبقل بملقعه

http://dc05.arabsh.com/i/02465/b13v0y32pvkj.jpg


وهنا . . . .

http://dc08.arabsh.com/i/02464/289kwmbgaagg.jpg


ثم . . . . .
http://dc08.arabsh.com/i/02464/ndzbeq4c81nm.jpg

[ابومحمدالزوبعي]

وعليكم السلام ورحمة الله وبركاته

ماشا ءالله طلعة بر جميلة

فيه تقليد واضح لتقريري لكن عادي جميع الناجحين يُقلَدون ههههه

أعجبتني سالفة الرِِجم
لكن سالفة الجمري بقصدير أحس أنها ما تجي !

[النشمي عناد]

يمال العافيه ... جمري بشبكة
وجمري بالقصدير

والله بشتكيكم على تحريفكم لهذه الأكله الشعبيه ( مسامير الركب ) ههههههه

كل الشكر لك .

[ابومحمدالزوبعي]

أما هذي فعلاً احترافية

http://dc08.arabsh.com/i/02464/ndzbeq4c81nm.jpg

[عروووبة]

وعليكم السلام ورحمة الله وبركاته

ماشا ءالله طلعة بر جميلة

فيه تقليد واضح لتقريري لكن عادي جميع الناجحين يُقلَدون ههههه

أعجبتني سالفة الرِِجم
لكن سالفة الجمري بقصدير أحس أنها ما تجي !

اضحك الله سنك
سالفة الرجم خطرت ببالى عشان نوضح
للشعب النجدي ان عندنا معالم تراثية خطيييييييره
لها دلالات عميقة مستوحات من عصور سابقة <<< يازينك ساكته http://dc11.arabsh.com/i/01720/gs0p5c1pvlxv.gif

وين اشوفك حلم
مايبحث بماضوع الرجم :)

بعدين القصدير
بس مهمته يحافظ على المرحومة من الرمل
والملة
اما طقطقتها بالسنون يووووووه توجع
ولا هي هي
جمرية جمرية
.
.

[ابونايف]

هذا الرد يحمل الرقم 8855 ...


ماشاء الله تقرير متكامل وتقرير رائع جدا ...

لقد استمتعنا بالتقرير بكل تأكيد كانه بالتصويت صوتي لهذا التقرير متمنين لك مركز متقدم ...

[عروووبة]

يمال العافيه ... جمري بشبكة
وجمري بالقصدير

والله بشتكيكم على تحريفكم لهذه الأكله الشعبيه ( مسامير الركب ) ههههههه

كل الشكر لك .

يعافيك ربي

مير وش جاب
جمرية ام شبكة
لجمرية ام قصدير

الله خلق وفرق
.
.

[عروووبة]

أما هذي فعلاً احترافية

http://dc08.arabsh.com/i/02464/ndzbeq4c81nm.jpg

هذي الحركة
خاصة للشعب التكنلوجي
بالفوتو
.
.

[ابومحمدالزوبعي]

أختي عروووبة
بخصوص
عدم جواز هدم الرجم الكلام صحيح 100% ولاهو خرافي
وفيه حديث للرسول صلى الله عليه وسلم يقول

لعن الله من لعن والديه، لعن الله من آوى محدثا، لعن الله من غير منار الأرض

[عروووبة]

هذا الرد يحمل الرقم 8855 ...


ماشاء الله تقرير متكامل وتقرير رائع جدا ...

لقد استمتعنا بالتقرير بكل تأكيد كانه بالتصويت صوتي لهذا التقرير متمنين لك مركز متقدم ...

ماعندك واسطه منا منا
ندخله بالتصويت
لآن القنديل سكر البقالة من مبطي
:)

شرفنا مرورك ابو نايف
.

[أبو غلا]

مشكوووووور والله يعطيك الف عافيه

[عروووبة]

أختي عروووبة
بخصوص
عدم جواز هدم الرجم الكلام صحيح 100% ولاهو خرافي
وفيه حديث للرسول صلى الله عليه وسلم يقول

لعن الله من لعن والديه، لعن الله من آوى محدثا، لعن الله من غير منار الأرض

سبحان الله اول مره اسمع بهذا الحديث
.
فعلا خالتى تقول حرام مايهدم واذا مهدوم يبنى
والسبب عندهم مجهول

ومن صغرنا يقولون لنا كذا . .
.
.

[البرستيج]

هههههههههههه شكلي طق براسي البر على هالصور شكر عروبه.

[السلطه الخامسه]

اول شي الله يديم الوناسه على الجميع ويرزقناء الربيع الطيب

اما الرجم كما قلتي صحيح وقد تغناء به الكثير من الشعر

واما القصر فقد اعجبني وبكل قوه
ابداع احتراف

الف شكر

[شمـــاليه]

الحين نشوف الصور
وهناك صور خاصة
لريانة .( نشرح فيها بعض الثراث الشمالي - وبعض ممارسات البدو سابقا
و لأبو نايف . ( له صور خاصة صورتها لعانه كع كع كع
ولابو محمد . ( كنت اقلده وهناك صورة


وهذي تقليد لمن :ebt2028:

http://dc08.arabsh.com/i/02464/xo11mniekmmi.jpg

[همّام]

شئ رائع أختي عروبة


بالنسبة للعن تغيير منار الأرض
على قولين الاول
الرأي الاول : وهو الذي اشتهر عند الناس
أن المقصود به العلامات . ولكن العلامات التي تفصل بين أراضي الناس وهي ما تسمى مراسيم الأرض او حدود الأرض
فيعرف كل انسان حقه بها
وكانت سابقا توضع علامات بين الجيران
فبعضهم يقوم بازاحتها لجهة ارض جاره حتى تتسع أرضه
وهذا الرأي يرجحه الشيخ ابن باز رحمه الله ويقول ان منار الأرض هي مراسيمها وحدودها
ولا يكاد يذكر أهل العلم غير هذا الرأي

الرأي الثاني : علاماتها كالجبال والاشياء التي تدل .
وهذا فيه مشكله كبيره لانه لو تم منحك قطعة ارض وطلعت على جبل
او امتلكت مزرعه وفيها تل تريد ازالته وغير ذلك



أما رجم الأخت عروبه فتجوز ازالته بلا خلاف بين أهل العلم : )

[المفتون]

شكرا عروووبة على التقرير الجميل وأسأل الله سبحانه

أن يديم عليكم الصحة والسعادة ,

من أجمل صور التقرير الصورة الاحترافية الاخيرة

أما بالنسبة للرجم فإنه يجوز إزالته بجميع المذاهب

السنية وغير السنية , والطوائف بجميع أنواعها ... خخخخ

شكرا مرة آخرى

[ريانه]

وعليكم السلام ورحمة الله وبركاته

وانا اقووووول وين عروبه غايبه فيه ..اثاريها تبني في الرجم .. اللي يهد الحيل :)

يامال العافيه على هالتغطيه الحلوه عن الرحله

وهالجميري له حس ورس عندكم >>لازم تسوونه بكل رحله افكر اسويه ..لكن هو يتكون من دقيق وملح ومويه والا فيه اضافات ثانيه ؟

والرجم انا اشوفه في البر احيانا ً واتوقع حتى اهل نجد يعرفونه بسأل لك جدي واعلمك .. لكن اول مره اعرف كيف ينبني .. وبنسميه روك مان مثل سنو مان بدل رجم ..محدش احد من حد
<< يسمعون بالدلع
بس لو حطيتي عليه شماغ وعقال وعيون وفم كان طلع شي
خخخخخخخخخخخ


http://www.up.qatarw.com/up/2010-12-25/qatarw.com_588380347.jpg (http://www.up.qatarw.com/)


اما القصر الرملي شي .. تصدقين عروبه اشوف اخواتي واخواني اذا طلعنا البر
جابو عدة الحفر واللعب في الرمل الخاصله بالشاطى للبر لاولادهم .. ويستمتعون الاطفال كثيرر بها ..يعني اللي ماعنده بحر مايحق يحوس ويحفر بالرمل :)

براافو عروبه يعجبني اللي يتحرك ويمتع نفسه مو بس يقعد وياكل كانه طالع عشان ياكل




شكرا ً بحجم السماء ..جعل الله لك قصورا ً في الجنه ومن تحبين وأحب ومن يقرأ


تحيتي

[شامي الدهيمان]

تقرير رائع

بالتوفيق

يارجم مامرتك بتلاء......... مع أول الزمل وراااااده

تقبلي مروري

[أرطبون العرب]

خوش طله ماشاء الله بالجوء الحلو
بس وين رجمك والله لو ألقاهـ لا أهدمه <<جاري البحث عنه بشراسه

بعدين حلاة الجمري بدون قصدير أما جمري بقصدير عدك أكلت خبزه بدون ملح <<^ـ^ ملح ههههه


((مو على كيفك تشاركين بتقريرين ))>>هذا القرار مني ^ـ^

[بصمة مبدع]

يا عيني على الكشته



http://dc08.arabsh.com/i/02464/ndzbeq4c81nm.jpg


اما ذي الحركة شي



شكراً عروووبة

[عروووبة]

مشكوووووور والله يعطيك الف عافيه

ويعافيك ربي على مرورك الكريم

حياك

[عروووبة]

هههههههههههه شكلي طق براسي البر على هالصور شكر عروبه.
يازين البر
اعلمك متى تطلع

خارج النص (( جدتى تزعل اذا قلنا اليوم الفلانى راح تمطر تقول جايين من الله انتم ))

المهم
أطلع الاربعاء الجاي
سيكون هناك غيوم متفرقه
http://up.z7mh.com/upfiles/x1p09262.gif (http://up.z7mh.com/)

[المفتون]

إيه عروووبه نهاية الشهر الحالي الميلادي

تكون هناك أمطار إن شاء الله ..... يعني بعد كم يوم

وستشمل رفحاء إن شاء الله والعلم عند الله وحده

[شريدة الشريدة]

أما رجم الأخت عروبه فتجوز ازالته بلا خلاف بين أهل العلم : )





تقرير رائـــــــــــــــــع

سأقوم بإعداد تقرير عن كيفية هدم الرجم

و سأطبقه على رجمك أختي عرووووبه

ههههههههههههههههههههه

[عروووبة]

اول شي الله يديم الوناسه على الجميع ويرزقناء الربيع الطيب

اما الرجم كما قلتي صحيح وقد تغناء به الكثير من الشعر

واما القصر فقد اعجبني وبكل قوه
ابداع احتراف

الف شكر

وسعدك ربي برضاه
بما ان القصر اعجبك
نبي نتقاول معك المره الجايه
:ebt2026:
وخصوصا ان عروضكم زينه

حياك ربي

[عروووبة]

وهذي تقليد لمن :ebt2028:

http://dc08.arabsh.com/i/02464/xo11mniekmmi.jpg

لتس
http://www.pic.m3m2.com/data/thumbnails/6/113.gif

[عروووبة]

شئ رائع أختي عروبة


بالنسبة للعن تغيير منار الأرض
على قولين الاول
الرأي الاول : وهو الذي اشتهر عند الناس
أن المقصود به العلامات . ولكن العلامات التي تفصل بين أراضي الناس وهي ما تسمى مراسيم الأرض او حدود الأرض
فيعرف كل انسان حقه بها
وكانت سابقا توضع علامات بين الجيران
فبعضهم يقوم بازاحتها لجهة ارض جاره حتى تتسع أرضه
وهذا الرأي يرجحه الشيخ ابن باز رحمه الله ويقول ان منار الأرض هي مراسيمها وحدودها
ولا يكاد يذكر أهل العلم غير هذا الرأي

الرأي الثاني : علاماتها كالجبال والاشياء التي تدل .
وهذا فيه مشكله كبيره لانه لو تم منحك قطعة ارض وطلعت على جبل
او امتلكت مزرعه وفيها تل تريد ازالته وغير ذلك



أما رجم الأخت عروبه فتجوز ازالته بلا خلاف بين أهل العلم : )

ربي يجزاك خير على التوضيح

.
.
لكن هذي الجملة:sm104:
أما رجم الأخت عروبه فتجوز ازالته بلا خلاف بين أهل العلم : )
تحريض واضح على غارة
جوية غير متوقعه
.
.

[عروووبة]

شكرا عروووبة على التقرير الجميل وأسأل الله سبحانه

أن يديم عليكم الصحة والسعادة ,

من أجمل صور التقرير الصورة الاحترافية الاخيرة

أما بالنسبة للرجم فإنه يجوز إزالته بجميع المذاهب

السنية وغير السنية , والطوائف بجميع أنواعها ... خخخخ

شكرا مرة آخرى

الله يسعدك يارب

تصدق
حتى رجمي افتى همام بهدمه
http://rafha.com/vb/images/smilies/124.gif
وبدأت تجيش الجيوش للبحث عنه ودكه دكا
حتى يستوى مع صحن غدانا

http://rafha.com/vb/images/smilies/04.gif

[الكاشف]

يقولون الرجم إذا قرب منه أو نط عليه يهيض المشاعر ويعيد الذكريات خاصة الحزينة منها .
أحد الشعراء وصف الطيب بالرجم لعلامته ومعرفته بين الناس وقال :
الطيب ياللي تدورونه ......انا لقيته لدواره
الطيب بين تشوفونه ........ رجم طويل بله قاره
مير البلا شعيب دونه ......كله خناتيق وجحاره.
أخت عروبة أنتي دائما مبدعه ومتميزة بيننا إبداعك لا يقتصر على هذا التقرير ، عندما نخفي أو نتجاهل دورك وجهدك بيننا لم ننصف ونهضم حقك ، لا أبالغ عندما أقول عروبة منتدى لوحده فهذه الحقيقة والحقيقة صعب تجاهلها .
حفظك الله .

[عروووبة]

وعليكم السلام ورحمة الله وبركاته

وانا اقووووول وين عروبه غايبه فيه ..اثاريها تبني في الرجم .. اللي يهد الحيل :)

يامال العافيه على هالتغطيه الحلوه عن الرحله
يعافيك ربي

وهالجميري له حس ورس عندكم >>لازم تسوونه بكل رحله افكر اسويه ..لكن هو يتكون من دقيق وملح ومويه والا فيه اضافات ثانيه ؟





اهاا هالجمرية تقطع وتاصل عندنا اصلا ماتحس انك طلعت ان ماسويت جمري والبريق على جالها
وقاعدين حولها تحرونها . . أجواء شاعريه <<< امحق شاعرية
وهي ابد دقيق وماي وملح . . تعجن ثم تفردها وافضل شي اقلبى صحن وافرديه عليه زي ماهو مسوي ابو محمد بتقريره بس لاترققينها خليها تقريبا 3 الى 4 سم . . لاحظي جمرية ابو محمد
ثم احسن شي تحطينها بقصدير . . طبعا قبل تكونين شابه الحطب وصاير ملة وجمر بسيط
توسعين لها بالملة ثم تحطينها ثم تحطين الملة فوقها وتوقتين لها عاد الناس الخبرة يعرفون متى تنضج




والرجم انا اشوفه في البر احيانا ً واتوقع حتى اهل نجد يعرفونه بسأل لك جدي واعلمك .. لكن اول مره اعرف كيف ينبني .. وبنسميه روك مان مثل سنو مان بدل رجم ..محدش احد من حد
<< يسمعون بالدلع
بس لو حطيتي عليه شماغ وعقال وعيون وفم كان طلع شي
خخخخخخخخخخخ




<<<<< عروووبة تلطمhttp://rafha.com/vb/images/smilies/bb38.gif
يعنى الشاعر بدل مايقول
الطيب بين تشوفونه ........ رجم طويل بله قاره

يقول :
يالرجم يالابس الغتره . . . العقال يزهى على راسك

http://www.up.qatarw.com/up/2010-12-25/qatarw.com_588380347.jpg (http://www.up.qatarw.com/)






اما القصر الرملي شي .. تصدقين عروبه اشوف اخواتي واخواني اذا طلعنا البر
جابو عدة الحفر واللعب في الرمل الخاصله بالشاطى للبر لاولادهم .. ويستمتعون الاطفال كثيرر بها ..يعني اللي ماعنده بحر مايحق يحوس ويحفر بالرمل :)

براافو عروبه يعجبني اللي يتحرك ويمتع نفسه مو بس يقعد وياكل كانه طالع عشان ياكل

شكرا ً بحجم السماء ..جعل الله لك قصورا ً في الجنه ومن تحبين وأحب ومن يقرأ


تحيتي



بكل طلعة ابنى قصر
اما لو كانت تخييمه
لازم
الورقة ( الشدة - الجنجفة )
الضومنة
الاونو
ولعبة تشبه الصكه <<<< http://rafha.com/vb/images/smilies/04.gif

اسعدنى انه اسعدك
.
.

[عروووبة]

تقرير رائع

بالتوفيق

يارجم مامرتك بتلاء......... مع أول الزمل وراااااده

تقبلي مروري
الله الله ورااااااااده
هجينية شي
هيضاناك يامشرفنا
.
.
بس وين ريانة
تترجم لنا البيتhttp://rafha.com/vb/images/smilies/04.gif

ريري ترجمي

[إحسـاس]

لعروبه اسلوب ممتع ...جدا الله يونسها بالتوفيق

متابعه جدا

[مياح الشمري]

امممممممممممممممممم
شهيتينا على الجمريمه ياعروبه
يعطيك العافيه على التقرير فالك المركزالاول
تقبلي طلتي

[فزاع]

كل طلعه على جمريه وبقل ...؟

ذي طلعه شيبان الله يحيك ههههه

يعطيك العافيه

[الصرح]

تقرير رائع وشامل >> ترفيهي تعليمي

وكذلك فيه احياء للتراث

يعطيك العافية

[عروووبة]

خوش طله ماشاء الله بالجوء الحلو
بس وين رجمك والله لو ألقاهـ لا أهدمه <<جاري البحث عنه بشراسه

بعدين حلاة الجمري بدون قصدير أما جمري بقصدير عدك أكلت خبزه بدون ملح <<^ـ^ ملح ههههه


((مو على كيفك تشاركين بتقريرين ))>>هذا القرار مني ^ـ^

ان لقيت رجمى فيه شي
ما عرف الا انت وصاحب السمو وهمام

.
اما القصدير بالعكس
تطلع الجمرية شي مرتب

.
ثم ان قرارك صدر بالوقت الضائع
لآنى . . . اجلت اصداره
حتى ما اكتسح التصويت
:)

حياك

[عروووبة]

يا عيني على الكشته


http://dc08.arabsh.com/i/02464/ndzbeq4c81nm.jpg


اما ذي الحركة شي

شكراً عروووبة

كشتت مستعجل

اما الحركة . . تعرض روحه
بس تتنازل عن اصواتك


حياك

[عروووبة]

إيه عروووبه نهاية الشهر الحالي الميلادي

تكون هناك أمطار إن شاء الله ..... يعني بعد كم يوم

وستشمل رفحاء إن شاء الله والعلم عند الله وحده

أن شاء الله يارب
اشتقنا للمطر
وربي

بشاير خير أن شاء الله

حياك

[عروووبة]

تقرير رائـــــــــــــــــع

سأقوم بإعداد تقرير عن كيفية هدم الرجم

و سأطبقه على رجمك أختي عرووووبه

ههههههههههههههههههههه

اضحك الله سنك
ترى مايردن
الا هيئة الامم المتحده

وراح اعس رجمي
واشوف الاثر . . .

حياك

[عروووبة]

يقولون الرجم إذا قرب منه أو نط عليه يهيض المشاعر ويعيد الذكريات خاصة الحزينة منها .
أحد الشعراء وصف الطيب بالرجم لعلامته ومعرفته بين الناس وقال :
الطيب ياللي تدورونه ......انا لقيته لدواره
الطيب بين تشوفونه ........ رجم طويل بله قاره
مير البلا شعيب دونه ......كله خناتيق وجحاره.
أخت عروبة أنتي دائما مبدعه ومتميزة بيننا إبداعك لا يقتصر على هذا التقرير ، عندما نخفي أو نتجاهل دورك وجهدك بيننا لم ننصف ونهضم حقك ، لا أبالغ عندما أقول عروبة منتدى لوحده فهذه الحقيقة والحقيقة صعب تجاهلها .
حفظك الله .

ربي يرفع قدرك على كلامك الطيب
واتمنى اكون استحقه . . .
نبي من الله رضاه وجناته
ويجعل نياتنا خالصه لوجهه

بس هذا مايمنع أننا هيضنا مشاعرك أيها القائد
مثل راعي بتلاااء :)
.
.
حياك

[عروووبة]

لعروبه اسلوب ممتع ...جدا الله يونسها بالتوفيق

متابعه جدا

يامرحبا بالاحساس كله

كبر أمس واليوم
والقابله واللى بعد من ورهااا
:)

يارجم يامرتك أحساس
. . . . . . . . . . قله ترى انفوسنا شانت

كان الرجم زمان بقصائد الشعراء
رمز لمن يشده الحنين
رمز للنفوس الطاهره
رمز يشكيله وهو صامت

والحين
تسدحبه عروووبة هنا وهناك
الله يعين
.
.
حياك

[عروووبة]

امممممممممممممممممم
شهيتينا على الجمريمه ياعروبه
يعطيك العافيه على التقرير فالك المركزالاول
تقبلي طلتي

ربي يجيب المطر ويصير الخميس الجو جوناااان
وتشبع جمري
:)

حياك

[عروووبة]

كل طلعه على جمريه وبقل ...؟

ذي طلعه شيبان الله يحيك ههههه

يعطيك العافيه



الله يهديك يافزاع
أجل تبي البيني . . بالسنين العجاف الله يستر
ويرزقنا المطر

تدرى وين المشكلة
أن هالشباب موتهم قولت نبي نطلع للبر
متخبين تقل جرابيع بالاستراحات
وأن اطلعوا

على ببسي ونفيش بفك <<<<< قويه ذي :)

المهم الله يخليلنا هالشيبان يارب
ولو على جمري وبقله

بس نشم ريحة البر
.
.
حياك

[عروووبة]

تقرير رائع وشامل >> ترفيهي تعليمي

وكذلك فيه احياء للتراث

يعطيك العافية

يعافيك ربي
وشرفني مرورك أخي الكريم

[عروووبة]

هذه محاورة شعرية جرت احداثها بين رجم وبرج الجوال.
وهي من نظم الشاعر فهد المفرج


ــــــــــــــــــــــــــــــــــــــ

البرج :

يارجم ياللي غزاك الكبر والشــــيبي === انا اشهد انك كبرت وحالتـــــك غبرا
عزيل حالك غريب وبين اجـــانيبي === واهلك تحت الثرى يا مخاوي القمرا

ــــــــــــــــــــــــــــــــــــــ

الرجم :

يكفي تراني تعــــبت وزاد تعــــذيبي === انشد نخيل الجماعة وأسأل المــــجرا
ياما وياما تحضــــنت اشهب الذيبي === يرتاح عقب التعب ومواصل المـسرا

ــــــــــــــــــــــــــــــــــــــ

البرج :

انا حضاري ومشــــروط بتركيبي === والا انت خــــلك على مر الزمـــن ذكرا
انا بناني خبـــير له تجـــــاريبي === والا انت بانيــك لا يكتب ولا يقـــــــرا

ــــــــــــــــــــــــــــــــــــــ

الرجم :

انا بـنوني عطيبيـــن المضـاريبي === مير اقصر الهــرج يا ابو لمـــــبة حمرا
بنوني ربع توفـــوا وافــــري جيبي === الله يجبر عـــــزا يمــــنا بلا يســـرا

ــــــــــــــــــــــــــــــــــــــ

البرج :

من اولك لأخـــــرك كلك عـــذاريبي === يخـــاف من طالعـــك بالليلة الغدرا
إن خبت من خيبتي وان طبت من طيبي === وجروحك اللي مضت ما ظنتي تبرا

ــــــــــــــــــــــــــــــــــــــ

الرجم :

رجم التمارى وكل الناس تدري بي === لاشاب رأس الرضـــــيع وصاحت العذرا
والا انت مشخول من بد المراقيبي === لا منــــك فيــــــه ولا في جانـــبك مذرا

ــــــــــــــــــــــــــــــــــــــ

البرج :

أخطيت ما ابطيت في حق المعــازيبي === أغواني إبليــــس راعي النية القشرا
أنا اعتذر منك وأرسل لك منـــــاديبي == =يا جعل بانيك قبــــــره روضة خضرا

ــــــــــــــــــــــــــــــــــــــ

[شمـــاليه]

http://dc10.arabsh.com/i/02465/xgn91keaflkz.jpg




عديت في رجم عرّوبه ...// ... وفي خاطري ضيق و اوجاعي (http://www.rafha.com/vb/showthread.php?p=478187#post478187)




:shy

[عروووبة]

رفع لجمال الردود

[فزاع]

ماشاء الله يقولون الرجم اصبح معلم من معالم الثراث
هل صحيح الخبر ولا اشاعات ههههه

[عروووبة]

ماشاء الله يقولون الرجم اصبح معلم من معالم الثراث
هل صحيح الخبر ولا اشاعات ههههه

هو بس يسلم من ابو نايف تشوفه ناطحت سحاب

[شمـــاليه]

بي الصيحه والله مدري وش ارد عليه ومدري وش اقراء :124:


والله كنا مبدعين وثقافتنا واسعه وبكل المواضيع نقراء ونشارك
شكرا ً لأنك رفعتي هالمواضيع الجميله ممكن كنت في حاجتهن في ذا الوقت تحديداً
احبك صديقتي :a78k_104:

الله يجمعنا بالجنه..

[عروووبة]

بي الصيحه والله مدري وش ارد عليه ومدري وش اقراء :124:


والله كنا مبدعين وثقافتنا واسعه وبكل المواضيع نقراء ونشارك
شكرا ً لأنك رفعتي هالمواضيع الجميله ممكن كنت في حاجتهن في ذا الوقت تحديداً
احبك صديقتي :a78k_104:

الله يجمعنا بالجنه..

اصلا حنا من صنع الابداع ونحن له جوده (((( دعاية تايت هههه

[شامي الدهيمان]

يارجم يالي في شمال الرميلة
رجم من الماضي يازين مبناه

[فزاع]

صح لسانك
كل ماشوف رجم بالبر اتذكررك رجم عرووووبه هههههه