ساهر .. شاك فيك !!

[منبع الثلج]

بسم الله الرحمن الرحيم ..

بينما انا متوجه من المنطقه الشرقيه إلى رفحاء .. أمتطي صهوة ددسني وأحتسي قدحً من الكابتشينو ..
ولم يتبقى على رفحاء سوى 10 كيلو مترات " كنت بالقرب من منتجع هجرة الجبهان " ...... جاء في بالي ان ارسل رساله من جوالي العنيد استفسر
فيها عن عدد المخالفات ......... كنت واثق ثقه عمياء أنها ستأتي الرساله وهي تحوي في داخلها 400 ريال
كـ رقم لمخالفاتي .. هيَ في الاساس مخالفه واحده أخذتها عند مدخل مدينة عرعر .. كانت المخالفه 200 ريال وبعد شهر تدبلت واصبحت 400 ريال ..

المهم نرجع لمحور حديثنا .. وصلتني الرساله وكنت متوقع ان تكون كما قلت لكم 400 ريال ... تفاجأت أن الرقم الذي وصلني كان 1650 ريال .......؟!! إلى اليوم لا اعلم كيف اصبحت 1650 من بعد ماكانت 400 ريال فقط ..

طبعاً بحكم اني أمير وشيخ شمل كما تعلمون .. الـ 1650 ريال لاتعني لي شيء .. ولايحتاج ان اطلعكم على رصيدي في البنك ..

لكن الانسان المغلوب على امره .. من وين يدفع 1650 ريال ؟

رساله قصيره مني للمرور وبالعاميه لأني احس اني مقهور شوي . بفضفض وبعدها نرجع لمحور حديثنا ( لازم تعدلون شغلكم وساهركم .. اكد عليكم انا ،انتم تشترون ساهر وانا وغيري ندفع قيمته .......... مره ثانيه قبل تشترون شي وقبل تدخلوني بدفع القيمه ياليت تشاوروني . وشكراً )

نعود لمحور حديثنا بـ مثال سريع على المخالفات العشوائيه للأخ ساهر .

( ساهر يخالف مواطناً يعمل في السفاره السعوديه في كندا على الرغم من انه لم يزر السعوديه منذ 18 شهراً ، ولاتوجد سيارة مسجلة بإسمه ، ولم يدخل رقم هاتفه في النظام . )

فيه امثله كثيره . لكن اكتفي بـ واحد فقط .. مجنون انا اكتب لكم كل مشاكل هالعالم ههههه

أنا الحين جالس اكتب وركبي ترجف من الخوف ، خايف اشيك على مخالفاتي وألقى رصيد مخالفاتي مليون ( افا وين الامير وشيخ الشمل ؟ )


الاكيد ياقماعة الربع والربعات .. شيكو على مخالفاتكم .. واذا لقيت رصيد مخالفاتك مليون .. عادي لاتزعل ولاشي .. خذ الامر بأريحيه ومدد كراعينك وخذ شهيق وألحقه بزفير .. إعتبرها مزحه من ساهر .. بس مزحه ثقيله ^_~


اسسسسسسسسسسستودعكم الله قميعاً يا أحبابي .. على امل اللقاء بكم في حلقه قادمه من يوميات سعودي مواصل من عام 1406 هـ

[السلطه الخامسه]

طيب يا جدي واامير اشمل ليه ما اخذة برنة يوضح لك مكان وزمان اللمخالفات لانه صارة معي وطلعة انا المخطي

هنا لا ادافع ولكن لتاكد فقط

والله يعين المسلمين

[منبع الثلج]

طيب يا جدي واامير اشمل ليه ما اخذة برنة يوضح لك مكان وزمان اللمخالفات لانه صارة معي وطلعة انا المخطي

هنا لا ادافع ولكن لتاكد فقط

والله يعين المسلمين

اولاً الموضوع صادف يوم خميس وماضنيت انهم بيداومون يوم الخميس .. ولو كانو مداومين مارح امرهم ... قد مرهم غيري ودفع القيمه .. يعني اعرف الجواب قبل السؤال .

ثانياً . اي زمان واي مكان وانا لاتوجد لدي مخالفات .. اعرف نفسي .. مخالفه واحده والى اليوم وهي بدرج السياره " مخليها للذكرى " وانت تقولي زمان ومكان .

تاسعاً . أنت شي عادي انك تطلع المخطي ... بس انا صعبه شوي اطلع المخطي . اقولك شيخ وتقولي مخطي .؟

ومره ثانيه لاعاد تراجع المرور وخفف السرعه وسفط يمين . وشكراً لي

[مياح الشمري]

الله يعينك ياشيخ شمل

[ابومحمدالزوبعي]

الله يعينك المشكلة أخي منبع بن ثلج أن مضاعفة المخالفات يعد من الربا كما أفتى بذلك مفتي عام المملكة فهل ستدفع ما عليك من مخالفات ( ربوية ) ؟ واذا دفعت فهل ستكون من أهل الربا ؟

بالنسبة لي قبل فترة أخذت مخالفة بـ 300 ريال وبعد شهر (ربت) وصارت 500 ريال وهالحين ماني ناوي أسدد 500 ريال اذا يبون 300 أسددهم .

[الدب الداشر]

قبل فترة جتني مخالفة ..
كانت سيارتي واقفة لها 10 اياام ولا حركتها الا بعد 10 ايام .. :)

شيكت قبل شوي ما لقيت علي شيء ..

قلت ( كفى الله المؤمنين القتال ) ..

[أرطبون العرب]

عوداً حميداً ,,<<وينك ماتبين *ـ*

ساهر شي طيب وأنـا أحد الموؤيدين لنظام ساهر لأنه يقولون قلل عدد الوفيات
وهذا شي حلو ..
مثلك ياطويل العمر أنت جاي من الشرقية تمشي 200 أو تقوول ددسن يعني تمشي 170
بما أنك كشفت عن المخالفة وطلعت 1650<<وهذا شي طيب^ــ* وهذا وأنت شيخ قمت ترتجف
وشلون شرواي !!شرواي الطيب ^ــ ......
أكيد المرة الجايه تبي تمشي (119 ) 120 <<يعطون مخالفة


.

[أرطبون العرب]

أخي منبوع المثلوج أشترك في هذه الخدمة على شان المخالفات تجيك
على جوالك أول بأول قبل لا تتدبل عليك ياطويل العمر:6fhs:



*ويمكن للأشخاص الحصول على تنبيه عبر رسائل الجوال بالمخالفة مباشرة دون الحاجة في كل مرة للاستفسار أو الأستعلام عنها وذلك من خلال تحديث، بيانات رقم هاتفهم المتحرك الذي يرغبون استلام تنبيهات المخالفات علية من خلال الرسائل القصيرة وذلك على النحو التالي:يقوم المستخدم بإرسال رسالة تحوي رقم الهوية وسنة انتهاء رخصة القيادة لمن يحمل رخصة قيادة أو سنة انتهاء (الاستمارة) وذلك بالتاريخ الهجري .

بالطريقة التالية : رقم الهوية ثم علامة النجمة (*) ثم سنة انتهاء ( الرخصة) أو (استمارة) السيارة بالتاريخ الهجري بدون فرغات بينها .

مثال :1431* 1234567890



ارسال الرسالة الى :
شركة الاتصالات 888993
شركة موبايلي 623333
شركة زين 709422


بعد ذلك يقوم مركز المعلومات الوطني بالتأكد من صحة البيانات المرسلة ومن ثم يتم تسجيل رقم الهاتف في بيانات الإدارة العامة للمرور وإرسال رسالة تأكيد الخدمة خلال 24 ساعة . وبعد ذلك سيتولى نظام "ساهر" المروري إشعار المخالفين (بالمخالفة).

وتكلفة التحديث للبيانات هي 2.5 ريال تدفع مرة واحدة عند تحديث البيانات

ملاحظة : جميع الرسائل المستلمة من خدمات نظام ساهر "مجانية"

[منبع الثلج]

الله يعينك ياشيخ شمل

الله يعين الجميع يامواطن عادي

[منبع الثلج]

الله يعينك المشكلة أخي منبع بن ثلج أن مضاعفة المخالفات يعد من الربا كما أفتى بذلك مفتي عام المملكة فهل ستدفع ما عليك من مخالفات ( ربوية ) ؟ واذا دفعت فهل ستكون من أهل الربا ؟

بالنسبة لي قبل فترة أخذت مخالفة بـ 300 ريال وبعد شهر (ربت) وصارت 500 ريال وهالحين ماني ناوي أسدد 500 ريال اذا يبون 300 أسددهم .

كما تعلم اخي ابومحمد . اننا في هذه المسأله " اشخاص مسيرون لا مُخيرون " هناك اشياء كثيره تلزمك بدفع الغرامه . ابسطها تجديد الرخصه " ماتجدد الرخصه . بكل نقطة تفتيش راح يصرفون لك قسيمه الى ان يصبح رصيدك عندهم ألوف مؤلفه من الريالات " ..

سأستفسر من احد مشايخ المملكه عن هذه المسأله بالذات . لأعرف مالي وماعلي ..

الله يتوب علينا ويعفو عنا يارب

شكراً ابومحمد

[منبع الثلج]

قبل فترة جتني مخالفة ..
كانت سيارتي واقفة لها 10 اياام ولا حركتها الا بعد 10 ايام .. :)

شيكت قبل شوي ما لقيت علي شيء ..

قلت ( كفى الله المؤمنين القتال ) ..

وين الشاهي اللي وصيتك فيه قبل شهرين :6fhs:

انت باين عليك من الاشخاص اللي يوقفون قبل الإشاره بكيلو .. المرور مفرغين 100 عسكري يراقبونك عشان يصكونك بقسيمه وحده ولاهم بقادرين هههههههه

عندما تحصل على قسيمه خبرنا . عشان نحتفل معاً بـ هالمناسبه الحلوه . وشكراً

[منبع الثلج]

عوداً حميداً ,,<<وينك ماتبين *ـ*

ساهر شي طيب وأنـا أحد الموؤيدين لنظام ساهر لأنه يقولون قلل عدد الوفيات
وهذا شي حلو ..
مثلك ياطويل العمر أنت جاي من الشرقية تمشي 200 أو تقوول ددسن يعني تمشي 170
بما أنك كشفت عن المخالفة وطلعت 1650<<وهذا شي طيب^ــ* وهذا وأنت شيخ قمت ترتجف
وشلون شرواي !!شرواي الطيب ^ــ ......
أكيد المرة الجايه تبي تمشي (119 ) 120 <<يعطون مخالفة


.

ابد . حولك حواليك .. وإن غبنا . فنحـن دائماً هنا . ( وش رايك بس .؟ )

أرطبون العرب عندما يأتي ساهر لـ رفحاء ......... أتمنى ان لاتغير رأيك وتكون احد المعارضين !!

انا مادخل مزاجي .. مدري ليه .. يمكن لأني انسان نظامي واخذت غرامه ضلم وبهتان .. يمكن ليه لا!!

أمنياتي لك بـ قسيمه . مكتوب في آخرها .. مع تحيات " ساهر "

شكراً على الخدمه التي كتبتها لي في الرد الاخير . سأشترك بها في " القريب الآجل "

[ريانه]

مساء الزهر

ساهر هذا جننا في الرياض

حلو من ناحية ان الناس انضبطت وخفت الحوادث
ومن ناحيه ثانيه له قوانين بايخه

قبل اسبوع طلعت لنا مخالفه ومكتوب فيها اسم الشارع ووقت المخالفه


ماعرفنا وين هالشارع عشان نعرف هي صح والا غلط


شكرا ً اخوي ..وتعيش وتاكل غيرها

[نوء المرزم]

هههههههههههههههههه
شيخ شمل يا حبي لك يا عمي الشيخ لزوم نذبحلك قعود ولزوم نغزلك بيرق

تصدق وانا اخوك فيه اخطاء بس الي استغربه فعلا انه اصدقائي في الرياض وفي الغربية مآخذين الدعوى عادي اقسملك بالله انو فيه عدد كبير من اصدقائي الي فالرياض عليهم مخالفات تتجاوز العشرة آلاف !! مدري كيف بيسددونها

الحقيقة قبل ايام كنت في الرياض واكتويت بنظام ساهر وانا راجعلها والله يعين المهم كان تبي سلف يا عمي الشيخ لزووووووووووووم نفزعلك

[منبع الثلج]

مساء الزهر

ساهر هذا جننا في الرياض

حلو من ناحية ان الناس انضبطت وخفت الحوادث
ومن ناحيه ثانيه له قوانين بايخه

قبل اسبوع طلعت لنا مخالفه ومكتوب فيها اسم الشارع ووقت المخالفه


ماعرفنا وين هالشارع عشان نعرف هي صح والا غلط


شكرا ً اخوي ..وتعيش وتاكل غيرها








مسمسك الله بالخيرات اختي .

المشكله ان الناس تجيك وتقولك ليه مارحت تتأكد يمكن غلطان ..؟ أعتقد وبكل بساطه انني لم اصل لتلك المرحله التي تجعلني اكذب نفسي واصدق المرور ..

والشارع اللي قالو لكم اسمه .. لاتستغربين ان تجديه بـ " رفحاء "

شكراً لك . وانتم بعد تعيشون وتاكلون غيرها , بس بشارع غير الشارع اللي اكلتو فيه المره الاولى

[أبو غلا]

بسم الله الرحمن الرحيم
السلام عليكم ورحمة الله وبركاته
ماشفت شي للحين غيرك كثييييييييييييييييييييييييييييييييييير


مشكوووووور والله يعطيك الف عافيه

[منبع الثلج]

هههههههههههههههههه
شيخ شمل يا حبي لك يا عمي الشيخ لزوم نذبحلك قعود ولزوم نغزلك بيرق

تصدق وانا اخوك فيه اخطاء بس الي استغربه فعلا انه اصدقائي في الرياض وفي الغربية مآخذين الدعوى عادي اقسملك بالله انو فيه عدد كبير من اصدقائي الي فالرياض عليهم مخالفات تتجاوز العشرة آلاف !! مدري كيف بيسددونها

الحقيقة قبل ايام كنت في الرياض واكتويت بنظام ساهر وانا راجعلها والله يعين المهم كان تبي سلف يا عمي الشيخ لزووووووووووووم نفزعلك

أنا بذبح القعود وإنت تقشره :biggrin:

وبالعافيه علينا مقدماً .

نرجع لمحور حديثنا .. ماقلت لك ياخوي انهم يشترون ساهر وحنا نسدد قيمته .. تخيل انا اشتري بيت لأسكن فيه .. واجي واقولك يالله ياموبايلي تعال سدد قيمته .؟
طبعاً انا افضل منهم بمراحل لأني وقتها بعطيك شيك مكتوب فيه " بيض الله وجهك " .. طبعاً الشيك هذا بتاخذه وبتروح للبنك وراح يصرفون لك بداله " ذبيحه " ههههه

واي سلف الله يسامحك . اقولك شيخ وتقولي سلف !!
لاتخدعك الددسن وجوال العنيد .. ترى هذا تمويه :ebt2024:

شكريا شكريا

[منبع الثلج]

بسم الله الرحمن الرحيم
السلام عليكم ورحمة الله وبركاته
ماشفت شي للحين غيرك كثييييييييييييييييييييييييييييييييييير


مشكوووووور والله يعطيك الف عافيه


عليك السلام ورحمة الله وبركاته

عارف ياخوك ان فيه غيري كثير .. مير وش نقول غير ربك يعين

العفو وترليون شكراً لك حبيب قلبي

[همّام]

أنا من المؤيدين لنظام ساهر وبقوة
لأسباب متعددة
منها أنه تسبب في عودتك إلينا من جديد : )
ومنها الضبط الحاصل في الطرقات
أرتحنا يا رجل من المتهورين نسبيا
فالاسبوع الماضي مثلا
كنت على الطريق بين المجمعة والرياض الحبيبة
افتقدت التكبيسات والازعاج
تصدق ما طافوني بالهمجية السابقة إلا اثنين فقط ( مع أن سرعتي نظاميه )
واقصد بالطريقة الهمجية الذين يزعجونك الانوار الزينون على بعد كيلو وهو ياشر ولا يرديك أن تتجاوز
بل تبقى وتهدي بعد وتعيد برمجة مثبت السرعه ولكن لا تؤخر سعادته ثانية

.
.
في دبي مثلا
تجد في المولات التجارية
ماكينة شبيهه بالصراف الآلي للبنك
تستفسر عن مخالفاتك وتسددها
والناس متعودين
عادي شهريا ثلاث او اربع مخالفات
سنويا عشرين او 16 وهكذا

لكن هو لو وضعوا فيه نقطه واحدة كان خوش برنامج
وهي : أن يتم استثناء شيوخ الشمل شرواك كان ما عليه كلام : )

[منبع الثلج]

أنا من المؤيدين لنظام ساهر وبقوة
لأسباب متعددة
منها أنه تسبب في عودتك إلينا من جديد : )
ومنها الضبط الحاصل في الطرقات
أرتحنا يا رجل من المتهورين نسبيا
فالاسبوع الماضي مثلا
كنت على الطريق بين المجمعة والرياض الحبيبة
افتقدت التكبيسات والازعاج
تصدق ما طافوني بالهمجية السابقة إلا اثنين فقط ( مع أن سرعتي نظاميه )
واقصد بالطريقة الهمجية الذين يزعجونك الانوار الزينون على بعد كيلو وهو ياشر ولا يرديك أن تتجاوز
بل تبقى وتهدي بعد وتعيد برمجة مثبت السرعه ولكن لا تؤخر سعادته ثانية

.
.
في دبي مثلا
تجد في المولات التجارية
ماكينة شبيهه بالصراف الآلي للبنك
تستفسر عن مخالفاتك وتسددها
والناس متعودين
عادي شهريا ثلاث او اربع مخالفات
سنويا عشرين او 16 وهكذا

لكن هو لو وضعوا فيه نقطه واحدة كان خوش برنامج
وهي : أن يتم استثناء شيوخ الشمل شرواك كان ما عليه كلام : )

ههههههههههههههههههههههههه

أعجبتني النقطه الأخيره وااااااااااااااايد وااااااااااااجد :ebt2024:

بالنبسه للي يكبسون . دايم تحصل معي هـ الحركه .. وانا ماشي بأمان الله واشوف السياره تمشي وراي " طبعاً فيه مسافه بيننا " الى الآن لم يقترب ويصل لمرحلة التكبيس .. طبعاً انا قبل يقترب مني افتح له الطريق ( اتغدى فيه قبل يتعشى فيني ) ...... اول مايشوفني بفتح له الطريق يجلس يكبس !! " مايبي التكبيسه تفوت عليه " ههههههههه

أما الأماراتيين ... الماده عندهم اتوقع لاتعني لهم الكثير . ماديتهم زينه . صحيح انهم لم يصلو لمستوى ميزانية شيخ مثلي .. لكن ماديتهم عاليه .. موش مثل " ربعنا "


أخيراً . بالنسبه لتواجدي بالمنتدى ..... لابد ان اتواجد لأتفقد أحوال الرعيه من حين لآخر

ثانكس من الأعماق همام باشا

[نوء المرزم]

نظام ساهر
اخترعه مفحط سيارات
الرجال تاب وجاب العيد بأخوياه

[ابو متعب]

كنت سابقاً من المؤيدين لنظام ساهر واشرح لزملائي عنه وانه كيف بيحمينا وبيحمي ارواح السائقين وكنت متحمس

مع نظام ساهر عندنا في الرياض يعني لدرجة اني احاول اقنع الشباب حتى انهم شكوا فيني ان لي نسبة منهم

وسارعت بالتسجيل لدى مرور الروضة ثم حدثت نقطة التحول اني علي مخالفة من 25/7 ووصلت الضعف وانا آخر من

يعلم ولا علمت فيها الا بعد مراجعتي لهم ......

فالآن تأكدت انه ليس المقصد سلامتنا كمرتادي طريق ولكن مضاعفة المخالفة هو سبب جلب ساهر

وبالتوفيق منبع بن ابي ثلجه ووداعاً ساهر على ايدك ان شاء الله

[منبع الثلج]

نظام ساهر
اخترعه مفحط سيارات
الرجال تاب وجاب العيد بأخوياه

جاب العيد بـ خوياه وجاب العيد بنا ..

ليته ماشغل مخه ولا فكر وجلس على التفحيط افضل له ولنا

[منبع الثلج]

كنت سابقاً من المؤيدين لنظام ساهر واشرح لزملائي عنه وانه كيف بيحمينا وبيحمي ارواح السائقين وكنت متحمس

مع نظام ساهر عندنا في الرياض يعني لدرجة اني احاول اقنع الشباب حتى انهم شكوا فيني ان لي نسبة منهم

وسارعت بالتسجيل لدى مرور الروضة ثم حدثت نقطة التحول اني علي مخالفة من 25/7 ووصلت الضعف وانا آخر من

يعلم ولا علمت فيها الا بعد مراجعتي لهم ......

فالآن تأكدت انه ليس المقصد سلامتنا كمرتادي طريق ولكن مضاعفة المخالفة هو سبب جلب ساهر

وبالتوفيق منبع بن ابي ثلجه ووداعاً ساهر على ايدك ان شاء الله

أهلاً زميلي عقيد ركن ابو متعب .. بصراحه انا لم اكن مع ولا ضد الأخ ساهر .. كنت مآخذ موقع المتفرج . اشجع الطرفين ..................................... لكن !! الآن انا ضد ساهر .. لاتلومني فقد اخذ مني 1650 ريال يا ابو متعب .. انا اتعب واصحى كل صبح في هذا البرد وحنوكي من البرد ماني قادر اسيطر عليهن انواع الطقطقه ... وآخر شي يجي الاخ ساهر وياخذ نسبه من مرتبي .؟؟ " وبغيــــــــــــــــــر وجه حق " !!

بصراحه كنا بخير قبل ساهر .. أتمنى تتحسن الامور . أتمنى ^_^

ثانكس أوي ابو متعب .. كرر الزياره بأقرب فرصه