المساعد الشخصي الرقمي

مشاهدة النسخة كاملة : قصه للعريس يوم راح يخطب . . .(~~



عروووبة
06 Jan 2011, 03:42 AM
السلام عليكم ورحمة الله وبركاته



هذي القصة لقيتها تصلح لقرطبون
عاد الله يرزقك بنسيب دومقراطيا حيل :)
.
.
منجولة نجل <<< منقوله نقل
:)
.

قصه للعريس يوم راح يخطب
...........................................

حبيت أحكي لكم اليوم عن خطوبتي وبالتحديد أول يوم رحت أشوف فية خطيبتي

طبعاً البنت راقية و سنويا تطلع مع أهلها إجازة أستجمام في سويسرا

وأهلها أغنياء جداً ماشاء الله لكن فيهم تواضع جميل

وماينظرون للمظهر بقدر ماينظرون للجوهر وهذا الي خلاني أتجراء

وأخطب بنتهم ,, ووافقوا الحمد الله لأسباب أمنية

المهم جاء اليوم المهبب بالنسبة لي والي هو يوم شوفة البنت

طبعا أنا آخر بنت شفتها هي بوسي http://www.rafha.com/vb/images/smilies/04.gifايام التلفزيون ألأسود والأبيض بعدها

أنقطع البث التلفزيوني عن حارتنا:I

وصار مافية صور ترمز للأنوثة في مخيلتي غير أمي وخواتي الله يحفظهم والباقي شنابات

المهم أنا مو متعود أشوف بنت قدامي بدون عباية أو حتى مطلعة عيونها

كيف عاد اذا شفت بنت لابسة فستان من باتشي وتسلم علي طبعا اكيد راح اهبب

وفعلا هذا الي صار

الوالدة الله يحفظها عارفتني الذوق بدولة وانا بدولةhttp://www.hawaaworld.com/sites/default/files/ose01q1rle.gif?1263646493

عشان كذا كانت هي وخواتي كل الليل يعلموني الأتكيت وفن التعامل مع

الآخرين .. وكيف أحكي مع البنت الذوق

طبعا كنت متكشخ على الآخر ,,:6: لدرجة العطر استعملت علبة كاملة حتى الجزم الله يعزكم عطرتها

المهم رحت لهم البيت وقبل ما أوصل بيتهم وقفت عند محطة

وشلت الحذاء ولبست كندرة أعزكم الله ( كنت مخبيهم آخر شيء لانهم جدد وما ابغاها تتوسخ والبنت ماشافتني لابسهم)

طبعا أكتشفت أن الكندرة الي أنا لابسها ضيقة بشكل لايطاق

بس أيش اسوي أختي موصيتني تقول لازم تلبسها ما ابغاهم يشوفوا

اصابيعك الي زي الفطر والله مافيهم شيء حلوين بس هي دقيقة بزيادة

المهم لبستهم ودخلت بوابة القصر بسيارة ودعست ورد مادريت أحسبه أسفلت http://www.hawaaworld.com/sites/default/files/bfl40as407.gif?1263646663طلع مسطحات خظراء

المهم وقفت السيارة ونزلت ومشيت للباب الداخلي للبيت طبعا الي

يشوفني وانا امشي يقول هذا أكيد عندة أعاقة أو يعاني من عاهه أبديةhttp://dc11.arabsh.com/i/01720/gs0p5c1pvlxv.gif

(( طبعا بسبب الكنادر ضيقة مرة ومو قادر أمشي والله بس قلت يالله كلها كم خطوة وأفسخها))

استقبلني ابوها عند الباب الداخلي للقصر ورحب فيني أشد ترحيب وأصر

علي أني أدخل جوات البيت بالجزمة اعزكم الله وقال هم يسوو كذا لان

ارضية البيت رخام

طبعا دخلت للبيت وامري لله مجبراً أخاك لابطل ولما وصلت نهاية المجلس

كان الدم محبوس في سيقاني ومتجمع في الركب ورجولي ناشفة مافيها دم

طبعا قدمو لي الشاي والقهوة وكان الشاي تبعهم مررر بشكل لايطاق ( أختي تقول السكر تلاقية مكعبات في علبة كريستال!! )

المهم بعدها قالي ابوها انت مستعد ابغى انادي البنت
قلت لاوالله ماتناديها أجلس يارجال خلني اسمع علومك http://www.rafha.com/vb/images/smilies/biggrin.gif
'طبعا أنا مرره مستحي وابي أتهرب 'http://www.hawaaworld.com/sites/default/files/arab-smile.gif?1263707387

قال أنت جاي تخطب ولا تسلم قلت طيب لازم اشوفها عادي ماعندكم نمونة ( أختها الصغيرة مثلا ) قل لا ما ابغاك تقول ماشفتها قلت أستحي قال عادي بجلس معك (قلت بقلبي توي ما أستحي صدق)

طبعا قام ونادها ,, أنا كنت جالس أتأمل في رجولي

من الحياء ما أسمع الا كعب البنت وكان مع كل طقة للكعب 10 طقات لقلبي ,, لين جلست قريبة كان قلبي شوي ويوقف

قالت : السلام عليكم

أنا أرتبكت ورديت عليها وقلت : السلام عليكم !!http://www.rafha.com/vb/images/smilies/ebt2026.gif

طبعا انا من هنا بديت أهبب لاني أشوف سراب فستان ينت على الأرض جالسة قدامي

طبعاً كنت مازلت اتأمل برجولي من الحياء

قام ابوها قالي أتكلم معها عشان تقدرون تشوفون بعض

قلت : أأأأأأأأأأأأأأأأأأ

أأأأأأم م م م م م م م

كح كح

ثم سكتت

قال أسئلها طيب

قلت بسرعة : ماعندي أسئلة ولا شروط والله !! ههههههههههه

قال طيب أسئلها وين تدرس قلت عارف سنة ثانية في الجامعة

قال أسئلية أنتي ,, ماردت علية وكانت مرة مستحية

قام قال يالله أسئلية عشان يشوفك

طبعا انا في ها الاثناء جاني ضعف حاد في حاسة السمع

قامت سئلتني أنت : مدرس

قلت لا أنا مدرس ( أحسبها تقول أنت تدرس )

أبتسمت ونزلت راسها

قالها أبوها ارفعي راسك يالله وأسئلية ,, أستحت في البداية بعدين

قالت: كم عمرك

قلت 8 الآف ( أحسبها تقول كم راتبك )

هناابوها مات ضحك ,,وهي كمان ضحكت شوي وهي مستحية طبعا أنا ماادري وش السالفة !!

بعدها كانت بتقوم لكن ابوها أجبرهاتجلس ,, لانهاكانت مرة مستحية وكاتمة ضحكتها

بعدها قالها يالله كملي ..

قالت : متى أنت متخرج

قلت في الأجازة الجاية أو زي ماتحبون ( أحسبها تقول متى تبغى نتزوج )

طبعا هنا انفجر أبوها من الضحك ,, والبنت صارت تضحك وأستحت وقامت تركض ودخلت البيت

طبعا انا قلت أكيد شكلي فية شيء غلط ( قلت يمكن عقالي يضحك زي العادة 'مفتوح أقصد' ,, أو فية صرصار رايح جاي على راسي بس قلت لا بيتهم قصر وأكيد مافية صراصير )

لما خلص ابوها ضحك قالي هاه أعجبتك البنت ؟

كان نفسي أقول حلوة بس أخاف يذبحني ,, قلت له برسلك ردي على الجوالhttp://www.hawaaworld.com/sites/default/files/v9v9net_017.gif?1263708031

ثم أستاذنت وطلعت وأنا مدري لية يضحكون !! لين هي علمتني ليه

بس بجد ياناس مجلسهم ماشاء الله كبير ومترامي الأطراف لدرجة انو

المسافة الي بيني وبين طاولة الشاي تقريبا مساحة ثلاجة

عقارب
06 Jan 2011, 03:49 AM
ههههههههههههههههههههههه

الله يقطع ابليسه

والله يعطيك العافيه يا عروووووبه

ضحكتني على الصبح

ريانه
06 Jan 2011, 04:05 AM
http://www.up.qatarw.com/up/2011-01-06/qatarw.com_1372148968.gif (http://www.up.qatarw.com/)

فتى نجد
06 Jan 2011, 05:10 AM
يعطيك العافيه ياعروبه على سالفه الخطوبه
ننتظر القصه الجايه على احر من الجمر
لك تحياتي

شمـــاليه
06 Jan 2011, 07:14 AM
خخخخخخخخخخخخخخ اجل هي اللي تسعله اوييييييييييييييطي بص :shy

عروووبة
08 Jan 2011, 12:43 AM
ههههههههههههههههههههههه

الله يقطع ابليسه

والله يعطيك العافيه يا عروووووبه

ضحكتني على الصبح

تضحك بالجنة
بركة اللى جازتلك

عقبالك خيي عقارب
:)

اهم شي ركز على الاسعلة
.
.

عروووبة
08 Jan 2011, 12:45 AM
http://www.up.qatarw.com/up/2011-01-06/qatarw.com_1372148968.gif (http://www.up.qatarw.com/)

تضحكين بالجنة انتى وقريناتس
:)
.
.

شمرية رفحاء
08 Jan 2011, 01:06 AM
أضحك الله سنك عررررووووووبه.

همّام
08 Jan 2011, 01:31 AM
اضحك الله سنك

ترى ارطبون شاف الموضوع بس ما قدر يجي يشارك
ما يقدر يمشي
الجزمة ضيقة مرة : )

ابومحمدالزوبعي
08 Jan 2011, 03:05 PM
هههههههههههه

يعطيك العافية على النقل قصة طريفة .

أرطبون العرب
09 Jan 2011, 11:44 AM
فعلا هذا ماحصــل لي اللـــه يقطعهم تولجتن العروس قدام أبوها
وقامت تسعل سوعالات وأبوها يضحك أحس أنهم متفقين علي
أنا مادري أراعي لوجهها أو أرد على أسعلته البايخه
أو أتوجـع من رجليني الكنادر لا بارك الله فيهن صغار هي نوبــه <<يعني صغار هي مرة

بسس أبشششركم رديته في ليلة الدخله كانت لابسه التشريعة وأنـا أغوووله
قلت وش عندك تضحكين أنتي وأبوك قالت اسألك بجهه وترد بجهه ثانيه .
شكرا لعرووبة لنقلها لقصتي المؤلمة , ^ــــ^


,

أرطبون العرب
09 Jan 2011, 12:06 PM
خخخخخخخخخخخخخخ اجل هي اللي تسعله اوييييييييييييييطي بص :shy
أيــه هــي الي تسعلن وش براسك :004[1]: هذي خطيبي
مافيــه علوم رجاجيل
ماسمعتـــي بالمثل الي يقول ((من تمسسسكن تمكن))

أرطبون العرب
09 Jan 2011, 12:26 PM
اضحك الله سنك

ترى ارطبون شاف الموضوع بس ما قدر يجي يشارك
ما يقدر يمشي
الجزمة ضيقة مرة : )

كنت متابع للقصـه بصمت بس أنت كبيت العشاء على راسي :p

عروووبة
09 Jan 2011, 11:45 PM
يعطيك العافيه ياعروبه على سالفه الخطوبه
ننتظر القصه الجايه على احر من الجمر
لك تحياتي

يعافيك ربي
ويسعدك

كل يوم سير على القسم
:)

عروووبة
09 Jan 2011, 11:50 PM
خخخخخخخخخخخخخخ اجل هي اللي تسعله اوييييييييييييييطي بص :shy

ابوه دومزراطي :)

ياحليلة ويقول اسعليه اسعليه:ebt2026:

بس انا مع النظر الشرعية
.
.
لكن تصدقين شوشو رحمة للبعض ان مابو نظرة شرعية

وحده من خويات اختي
تقول والله لو فيه نظر كان ما اعرس طول حياتى:109:
مع انها حبيبة وطيبة
والحين طاير فيها الرجال
.
وسبحان الله مع العشره
يغلب طيب الخلق
على الجمال
.
.
حياتس

عروووبة
09 Jan 2011, 11:52 PM
أضحك الله سنك عررررووووووبه.

تضحكين بالجنة
أمين
.
.
حياك

عروووبة
09 Jan 2011, 11:54 PM
اضحك الله سنك

ترى ارطبون شاف الموضوع بس ما قدر يجي يشارك
ما يقدر يمشي
الجزمة ضيقة مرة : )

أبشرك ادلى بجميع الاعترافات
بعدما تم كشفه

.
.
تضحك بالجنة

عروووبة
09 Jan 2011, 11:56 PM
هههههههههههه

يعطيك العافية على النقل قصة طريفة .

تضحك بالجنة

يعافيك ربي ابو محمد
.
.

عروووبة
10 Jan 2011, 12:00 AM
فعلا هذا ماحصــل لي اللـــه يقطعهم تولجتن العروس قدام أبوها
وقامت تسعل سوعالات وأبوها يضحك أحس أنهم متفقين علي
أنا مادري أراعي لوجهها أو أرد على أسعلته البايخه
أو أتوجـع من رجليني الكنادر لا بارك الله فيهن صغار هي نوبــه <<يعني صغار هي مرة

بسس أبشششركم رديته في ليلة الدخله كانت لابسه التشريعة وأنـا أغوووله
قلت وش عندك تضحكين أنتي وأبوك قالت اسألك بجهه وترد بجهه ثانيه .
شكرا لعرووبة لنقلها لقصتي المؤلمة , ^ــــ^


,

جبناك ياقرطبون
وتم فضحك على رؤس الاشهاد
كع كع
.
.
يعافيك ربي