مدونتي.. [الأرشيف] - موقع رفحاء منتديات رفحـاء

إحسـاس

15 Jan 2011, 10:36 PM

لو قلت كيفك ووشلونك وكيف الظروف؟
ابــــلــــغ اجــــابــــة انــــــــا (مــــانــــي عــــلــــى مــــايـــــرام)
الـظـلـم لـــه هـيـلـمـان (ن) فــــي فــــؤادي يــطــوف
والــــلــــي عــــــــرف قــصـــتـــي يـــقـــولـــي :يــــاحـــــرام!
انـزف مــن الخـلـف واتـحـدى جمـيـع الـظـروف
واحـــــــاول آقـــــــف بــعـــزمـــي !واتــــحــــرك امــــــــام!
بآآآقـف لــو الـجـرح اضنـانـي بـطـول الـوقـوف
والـصـبــر زادي لــــو ان الــلــي امــامــي عــتــام!]

إحسـاس

15 Jan 2011, 10:37 PM

ياللي على الكتف من همي كذا تربتين
ولا يهـمـك تــرى الاحــزان مـــن صـغــري!
يـومـي بـرابـع ..شـربــت الـهــم !تتخيـلـيـن!
والا الطفولة عرفت الخوف مـن بـدري!
والـحـيـن لـــوي شـبــاب ولواعـيـشـه حــزيــن
تـعـودالــقــلــب يــــوطـــــى دايــــمـــــن حـــــــــدري!
بـــس الـقـهـر طيـبـتـي والــــورد واليـاسـمـيـن
واشـيـاء كثـيـره احـسـه تسـكـن بـصــدري!
احطهـا ويــن !مــن هــو يشـتـري بالثمـيـن
احـطــهــا ويـــــن والله يـابــشــر :مــــــدري!!!

إحسـاس

15 Jan 2011, 10:42 PM

لاهـــنـــت قـــلـــي لـــيـــه (يـــاحـــظ) قـــاعـــد ؟
وخلق الله اللي حظها واقف وقوف !!
لـــيـــتــــك اذا شـــفـــتــــن تـــــحـــــاول تـــســـاعــــد
او ليـت لـو يوميـن فـي حالـي اتـروف!
قـــــــــال اســـكـــتــــي لا تـجـعــلــيــنــي اعـــــانـــــد
(وانـام) والتهديـد مـا يشـفـي الـجـوف ..
قــلـــت آآســفـــه يــاحـــظ : (خـلــيــك قـــاعـــد
الله هـو اللـي يشفـي الجـرح ويـشـوف !

إحسـاس

15 Jan 2011, 10:45 PM

عــلــى الله الــحــظ والا الـطـيــب مــالــه مــكـــان!=
لا يـــازمـــان الـعـجــايــب سّـــــــو.. مـــــــا بـــــــدك!

لافــيــك رحــمــة ولاعــنـــدك شــعـــور وحــنـــان!=
هــــاك ظــهــري واطـعــنــه ...تـــــراي مـــــاردك!

ماهـي جـديـده جـروحـك !ذقتـهـا مــن زمــان!=
يـــــــوم الـطــفــولــه وانـــــــا مــــــــن وقــتـــهـــا نــــــــدك!

له يا الفرح ..ليه في دنياي ماله مكان ؟!=
والا الـــحـــزن لـــيـــه فــيــنــي عـــابـــرن حـــــــدك؟!

دنـيـاي قـولـي عسـانـي (ناجـحـة بإمتـحـان)؟=
والا جـروحــي عـســى فـــي طـولـهـا قـــدك ؟؟

دنــيـــاي انــتـــي وصــدمــاتــك مـــعـــي هـيـلــمــان =
انـــــا عـرفــتــك مـــــن اول طـــفـــل لــــــي جــــــدك!

انـتــي مـــع الطيّبـه..جـرحـك بـكــل الـبـنـان !!=
ولـغـيـرهـا ..كــــل خــيــر وواااقــفـــه حـــــدك ! !

فتى نجد

15 Jan 2011, 10:50 PM

الله الله
ماركه الابداع هنا مسجله
اقف احتراما لحرفك احساس رفحاء

إحسـاس

15 Jan 2011, 10:56 PM

الله الله
ماركه الابداع هنا مسجله
اقف احتراما لحرفك احساس رفحاء"

شكرا فتى نجد وتوقيعك يزيد مدونتي شرفا ..

يامحكمة دنياي ماانتي عادله !
بالله قولي لي متى انتي تعدلين ؟

القلب بالاحزان ربي راد ..له
لكن ابيك انتي بحاله تعطفين !

طب ماعدلتي( لو حبيب ) ابادله !
وشفيك ياذا المحكمة ماتنصفين؟ ....................

شمـــاليه

16 Jan 2011, 02:53 AM

صح لسانك وعلا شانك

متااااااااااااااااااااااابعه شاعرتنا

شامي الدهيمان

16 Jan 2011, 03:12 PM

صح لسانك على الابداع الغير

مستغرب

تقبلي مروري

إحسـاس

16 Jan 2011, 03:17 PM

شمالية **************** السلهومي

صفوة الشعراء تأتي لمدونتي فأهلا بكم

الف شكر لهمساتكم ومتابعتكم ..

.................................................. .............

ابوبادي 12

24 Jan 2011, 10:52 PM

صح لسانك احساس رفحاء على القصايد الجميله

همّام

27 Jan 2011, 01:02 AM

صح لسانك

في حضرتك يحضر الابداع

وينتشي الحرف , وتنسكب المعاني في أبهى صورها

رغم أني
لازلت اتنقل بين الأوجاع إلى الآن من المدونه

راجيا أن تتفتح أزهار الآمال من جديد

عقارب

27 Jan 2011, 10:40 AM

مدونه جميله وبدايتها حزززينه حيل
الله يفرج كبرتك

صح لسانك يا احساس

عندي اقتراح بسيط وهو عدم الرد وحذف الردود وتبقى الردود خاصه لاختنا الشاعره بس
لانه مدونه لها

وسنكون من المتابعين لها بدون ردود

راجع للاخت احساس هذا الاقتراح والاخت شماليه

إحسـاس

27 Jan 2011, 03:56 PM

ابوبادي : شكرا لكلماتك الوفية
همام : اشكرك جزيلااا
عقارب : شكرا لك على اهتمامك وعلى راحتك رددتم ام تابعتم
في كلا الحالتين انا مدينة لكم ....

شكرا اخوتي............................................. .........

ابوعدك يادنيتي وابصبر ..............ولو تطلبيني ..ما اهل ادموعي
الهم يكبر والتحدي اكبر .......... والشكوى للي عارفٍ موضوعي
بإخلاقي يادنياي انتي اخبر ........ عشرة عمر ماهي تراه اسبوعي
سكت لاني في زمانن اغبر...... .. وكثر الحكي بالمجتمع ممنوعي
احسب كلامي قبل نطقة واشبر ......والصمت احيانا يجي مشروعي
ماادورالغرات ...واقفي وادبر ...... والتقوى ياربي تجي لي طوعي
ما افتخر ..الا صحيح ومخبر ......والا المظاهر ما تسد الجوعي

فزاع

04 Feb 2011, 12:36 AM

كلمات روعه
قرأتها اكثر من مره
واجدها تضيئ احساساً رائعاً
لاعدمناك

إحسـاس

04 Feb 2011, 10:58 AM

اخي فزاع: شكرا لكلماتك تلك شاعرنا .

.................................................. .................................................. .....

السلام عليكم إحساس ,ارجو ان تكون في تمام الصحة والعافية
اذا كان متصفحك لا يدعم الانتقال التلقائي فإضغط هنا ::

ايوالله ان متصفحي مايدعم التلقائي
هذا لأن الحظ يبدو لي.....فقير

هذا الاخير..يعاندن في كل ابو اشيائي
وانا عن اللي كاتبه ربي فلا اقدر اطير

لو اشرح اوجاعي اخاف اللي معي يستائي
وانا كثير احزنت حولي ..ناس له قلبٍ كبير

بغيت اطيح من الغبا ..معروف بي غبائي
لكن يدين اللي عرفته كانت بلمسة حرير

ادعي او اثني ؟ لكن اني ماآعرف ارائي
يارب حقق له مناه وخل ما يرجي يصير

انا لو اكتب !يمكن اني بالشعر روائي
لكن ظروفي.والظروف احيان تمنع عن كثير

بالاوله طعنه (كأنه من اعز ابنائي)
من يومها وانا احس اني فلا والله بخير

والثانية والثالثة طعنات ماله رائي
محدٍ يشوفه لانها متمكنة وسط الضمير

والحين انا من غرفتي للطهر ذا ولائي
اخاف ربي والامل بالله ياهو به كبير ...

واللي يمرن بالكتابة شرط له جزائي
يدعي لقلبي لان قلبي طفل بإحساسه صغير

والا المشاعر من زمان اكتب لها رثائي
ماتت بي الفرحة من الماضي وانا توي غرير..

.................................................. ................

إحسـاس

04 Feb 2011, 11:00 AM

إحسـاس

16 Feb 2011, 12:24 AM

من ذاقها الغربة ودق اطبوله
كنه ديارن ما هي بمأهولـــــــــه

اذوب بوجيه البشر وادور
ابي حبيب اقول هذا زوله

يمين والا لليسار اتوجه
ماهي حياة ولاهي بمعقوله

كانه شجاعة فالشجاعة تقصر
وكانه كرم والله معي محلوله!

ماهمني كثر الحياة وقلة
حتى الذهب اشريه انا وشوله !!

( ترى الحظيظ اللي خشى من ربه
واليا توفى كلهم يدعوا له ))

اما الحياه اللي نعيشه هذي :
وهم .. ولي فيها عمام وخوله

دنياي والغربه ولا قصرتي
في شاعرن قلبه حزين ويوله

على دياره ضاق ليمن غنى
ولاله ..ولا حتى معه ..او حوله ..

.....

ياليتني ياليت ماني (شاعر)
داله مع الدنيا وبعض خبوله

....

ياليتني قلبي بليد وقاسي
ان كان ما زادت عليّ احموله

.....

انا اتمنى والله اللي يعطي
ياربي احزاني تبي له دوله

همّام

16 Feb 2011, 12:31 AM

( ترى الحظيظ اللي خشى من ربه
واليا توفى كلهم يدعوا له ))

سبحان الله أغلب حديثنا اليوم في معنى هذا البيت

لله رك أختي إحساس

جعلنا الله وأياك ممن ينالهم حسن الدعاء

ويتقبلهم الله في عباده الصالحين

حفظك الله من كل سوء وفرج همك ويسرّ أمرك

إحسـاس

16 Feb 2011, 12:43 AM

سبحان الله أغلب حديثنا اليوم في معنى هذا البيت

لله رك أختي إحساس

جعلنا الله وأياك ممن ينالهم حسن الدعاء

ويتقبلهم الله في عباده الصالحين

حفظك الله من كل سوء وفرج همك ويسرّ أمرك

حديثكم ؟؟ هل كان في مصلى او مكان دعوي ؟؟

قلها لنا كي نحذوا حذوكم .. تبارك الله

وجزاك الله خيرا مشرفنا الراقي فأنا لا احتاج الا الدعاء ,,

همّام

16 Feb 2011, 12:54 AM

حديثكم ؟؟ هل كان في مصلى او مكان دعوي ؟؟

قلها لنا كي نحذوا حذوكم .. تبارك الله

وجزاك الله خيرا مشرفنا الراقي فأنا لا احتاج الا الدعاء ,,

الله يكتب لنا ولك ما فيه الخير

حديثنا في أماكن متعددة
ولو كان مرة واحدة لما دفعني ذلك للرد
لكن المحافظة الأيام الماضية شهدت حالات أمراض ووفايات
وبعد انقطاع الاجازة تتجدد أحاديثها

وقد حدث ذلك الضحى
وفي المسجد بعد المغرب مع أحد جماعة المسجد بعد أن سلم علي
ذكر لي الوضع الصحي لشخص من أقاربه أجرى عمليه شفاه الله وشفى مرضانا ومرضى المسلمين
وقبل وبعد العشاء تحدثنا في هذا المعنى

لا يوجد ما يستحق أن يحتذى به
هي صحوة بسبب الأحداث
نسأل الله أن يفتح على قلوبنا
ويعلقها به دون غيره ويغنينا بفضله عن سواه

إحسـاس

16 Feb 2011, 01:52 AM

اثابك الله أخــــي همام ..

...........................

كــــــــــــــــــــــــــــــرامــــــــــــــــ ــــة :

القلب يسأل ؟؟ قلت يا قلب صديت
وانا تراي أهيم بإسم الكرامة ..

لو جيتني وبعالي الصوت ناديت
ما جيك.. لو زادت عليّ المـــــلامة!

ما اخاصمك وافجر ! لو انك تعديت
الكبر للـــــــــــــــــــــــــــــــــــــــه والعطا والزعامـــــــــــة

على الادب والطيب والله تربيت
وانت ابخص بقلبي وكيف احترامه!

لكن صراحة ياجماعة تأذيت !!
ولالي طموح الا حدود الســــلامة

ماهي شجاعة بس الاحساس بي ميت
مليت من فلم ٍٍ حزين الدرامــــــه

ماتشوف يوم اني اقابلك صديت
تدري وش الاسباب؟؟ عندي كرامة

إحســــــاس

12-3-1432

إحسـاس

21 Feb 2011, 02:11 AM

هو بقى به ياعـــــــــرب نفسيه !
والظلايم جور والصبح ادهم

الحياة بنظـــــــرتي ....مرثيه !
والفرح لجروح لا ,مايشهم!

البلا بي : كنت رومنسيه !
والغلط مني !انا اللي ما افهم !

طيبتي كانت كذا (غبيّه)
بس ربي هو كريم وملهم

صدمتي كانت علي قويه !
ولا لقيت لجرح قلبي مرهم

إحسـاس

21 Feb 2011, 02:21 AM

جيت ابفرح لو فؤادي... عيا
لامتى وانا كذا !....واعاني !!

بس صار (اكشن) وقلت بليا
هالفرح .. هالحين صار الجاني

يوم قررت انبسط واتريا ؟
ذكرياتِ موجعه ...تتنااااني !

عيد والضحكة هنا وهنيا
قلت ابضحك وابمثل ياني

ادري ان الضحك ماهو ليا
والفرح لي طالب ويعصاني

اصعبت نفسي وقلت اخطيا
احسب ان العيد يستناني

لا جهلت ولا سلكت الغيا
مؤمنة واخاف كل احياني

اه يالضيقات وش به فيا ؟!!
كني الطيب وهي تنصاني !

ذقت منك يازماني.. شيا
العذاب اصناف مع الواني

ادعي الله له رفعت يديا
انه يخفف علي احزاني

ريانه

21 Feb 2011, 04:39 AM

صباح الياسمين ياغاليه

بعض المواضيع تبلغ حد الفخامه وكثرة الردود تخدش جمالها ..
ترددت كثيرا ً قبل الرد ولكن الجمال مبهر ولم استطع مقاومته فعذرا ً ياساميه

شكري وتقديري لمنحنا هذا الرقي

خلووها

21 Feb 2011, 12:38 PM

كلام جميل ومواضيع متعددة جميلة
لقدانسجمنا مع هذه القصائد
شكرا احساس

إحسـاس

27 Feb 2011, 01:30 AM

ريـــــــــــــــــــانة : لحضورك معنى ياغالية
خلوهـــــــــــــا : حديثك سرَ اختك ,,اهلاً بكما جميعا يا غوالي ..

.................................................. ...........................................

كله من الهم ..خلاني كذا شاعرة
وانا امنياتي ..صراحة كانت اشياء غير!!

حلمي بيوم الطفوله اركب الباخره
كنت اتمنى بوقته لي جناحن واطير !

من اول العمر لين الحين صار آخره ..
وانا اتجرع طعوني يادموع الفقير ..

عمري (..ثلاثين. .).يادنياي وش ذاخره ؟؟
وانـــا (يتيم المشاعر )..مالبست الحرير !

ماعشت لحظة اقول (الله ذي فـــــــــاخره )!!
انزف ! واليا قيل كيفك ..؟قلت : شكرا .. بخـــير

إحسـاس

27 Feb 2011, 01:34 AM

الرســـــــــــــــــــــــائل الخاصة :

ضحكت ..من بعض الرسايل على الخاص
حب وغرام وطول الليل....... ردي !

ضيعت عنوانك ولا عندي اخلاص..!
ما تزهمن لو تعرف افعال جدي

بدويتن مع الغنم واركب الشاص
والا الشرف ياويه فوق التحدي ..

بدويتن مع الغنم واركب الشاص
والا الشرف ياويه فوق التحدي ..

فلص عيونك ..لا تجيني على الخاص ......
ترى عليك ( ا ت ف ل ) ولاهو بودي..

إحسـاس

28 Feb 2011, 12:52 AM

http://www.m5zn.com/uploads/2011/2/27/photo/gif/0227111302154egrzmjtlqny8okqqr.gif (http://games.m5zn.com/****ing_games.html)

شمـــاليه

28 Feb 2011, 01:04 AM

سهرانه

28 Feb 2011, 01:42 AM

رااااااااااااااااااااائعه صح لسانتس ;;)

علميني انتي بس واتوطالتس في حوض بطنه :shy

يا لبى قلبس يا شماليه

لا تخافي مو بذا المنتدى

واحساس رفحا من احسن الشاعرات شعر وخلق

مبروك للمنتدى وجودها فيه << مبسوطه

شمـــاليه

28 Feb 2011, 01:53 AM

يا لبى قلبس يا شماليه

لا تخافي مو بذا المنتدى

واحساس رفحا من احسن الشاعرات شعر وخلق

مبروك للمنتدى وجودها فيه << مبسوطه

سهرانه !!

وجهتس والا القمر؟

يامررررررررررحبا ومسهلا منورررررررره بالحيل بالحيل

< تقولتس ان عتبتي همس القوافي ماكتبتي قصيده وريتس الشغل :MonTaseR_158:

إحسـاس

28 Feb 2011, 01:11 PM

انا مافتحت مجلس حريم انا فاتحة مدونه <

بس بما انه ثناء فإن اختكم تعشق الثناء !

سهرانه متى المعرفه ههههه < اول مرة اشوف معرفك والمشاركات الفين !!

< بس والله اخجلتيني بشهادتك :shy

اشكرك والله ولكن هي ابيات لاتدل على حقيقتها <<

شكرا شمالية وسهرانة واتشرف بكن (لبى قلوب بين اضلعكن )< القهوة الظهر ماتنفع

سيرن العصر

إحسـاس

03 Mar 2011, 03:15 AM

للأسف بي صادق احساسن وروح
والمشاعر في يدي كله عطيته

طيبتي والقلب مليانن جرووح
ما بقى بي دمع ما والله نخيته !

( حالتي ) مايلزمه وصف وشروح
ولا بقى بالكون حزنن ما رثيته !

غلطتي متعامله مع قلب لوح
ومثل قلبك لا سمعت ولا رأيته !!

جيت والدنيا تقل عني تشوح
طفلةٍ .. والهم من مبطي لقيته

من (ظلم) بكرى على ظلمه ينوح
في حديثن للنبي والله قريته

لاتعذر او تقول ا نه مزوح
الفراق اليوم في مالي شريته

ماكرهتك وانت عندي مثل روح
رغم فعلك يستحق اني شنيته

طفلتك حتى كلامه به وضوح
الكرامه من هلي والله خذيته !!

اسألك بالله خذ بعضك وروح
وما الومك كل عمرك لو بكيته

من يدك ضيعت مثلي بالجروح
ومثل ( قلبي ) حتى انا ما قد رأيته !!

!!!!!!!!!!!!!!!!

إحسـاس

09 Mar 2011, 07:16 PM

مادام هالحزن عيا لا يفك الاسير
اللي بديره غريبه يــــذكر وينسى

مسجون ماله عن المكتوب حيل ومطير !
مربوط والقوم حوله تظلم وتقســــى !

الظلم ماعاش بس الحزن هذا مرير
بالجوف مامنه لا منفذ ولا مرسى

ياحزن وش فيك قاسي ما تعرف الضمير !
ماترحم اللي جروحه عوّدت خرســـــــــا

يعني لاني جريحه ! طيب الله يجــــير
هو راحم العبد ! خص اليا غدى تعـــسا

جـــــدران والا بشر مافيه فرقن كثير
جربت والتجربه خيرن من الدرســــا

ولو كان به نور وش ينفع عيون الضرير
ولو كان به ونس ما حسيت بالونـــسا

يامصعب اللغز ! حل اللغز هذا عسير
اصعب من الصبح للي خايفن وامسى

ومادام هالحزن عيا لا يفك الاسير
خلوه ................................................!!

همّام

09 Mar 2011, 09:28 PM

رائعة أختي إحساس رفحاء

متابعين لكل ما يدون هنا

فرج الله همك ويسر أمرك

ننتظر بزوغ الفجر

ودفء الشمس

لنستمتع بالجميل من الأبيات هنا

وقد خلعت عباءة الحزن

إحسـاس

09 Mar 2011, 09:54 PM

شكرا اخي همام وهي ليست حروف بل وسام منك اتقلده !

نعم اكتب من معاناة ولم تضعضعني الخطوب :

تفضـــــــــــــــــــل :

والله واللي رفع سبعه ونزل سبع .........................ان التعاسة وعمري سبـــــع خاوتني!

لاناس حولي ولالي بالبسيطه ربع!...................... دام السكاكين من أقرب ظـــهر جتني!

( والحين الأحزان ياربي غدت بي طبع!) .............. لاطاح من هامتي حملن على متني !

ولا جف دمع العيون بداخلي لي نبع ................... تنبت على جاله الأشواك وأدمتــني !

ولو قيل وش هالنهاية ؟ سبع والا ضبع ؟؟........... اقول دايم ضباع العــــــــمر ضامتني

إحسـاس

10 Mar 2011, 12:34 PM

بالله شف لي بالظهر طعنة كليب
قلي اذا الغدار نــــاوي بغدري؟

وان كانها يعني مجرد تصــــــــــاويب
مصيرها الاوجـــــــــاع في يوم تبري

ابسألك ياللي تربى على الطــــيب
وانا اهيم بكل طيـــــب .....وتـــدري

ابسألك وابيك في ردك اتجيـــــــــب:
الطيـــب له تدريس او شي فطري ؟؟
.
.
.
اموت باللي قايمن بالمواجــــيب
حلو النبا ماهو على النطق كدري

هو منيتي يوم امنيات الرعابيــــب
لكن خساره امنياتي بصــــدري !

ماحقق الله شيء من هالمطاليب
واكيد ربــي يمتحن فيــــه صبـــري

إحسـاس

10 Mar 2011, 08:03 PM

طـــعنة كليب :

بالله شف لي بالظهر طعنة كليب
قلي اذا الغدار نــــاوي بغدري؟

وان كانها يعني مجرد تصــــــــــاويب
مصيرها الاوجـــــــــاع في يوم تبري

ابسألك ياللي تربى على الطــــيب
وانا اهيم بكل طيـــّــب .....وتـــدري!

ابسألك وابيك في ردك اتجيـــــــــب:
الطيـــب له تدريس او شي فطري ؟؟
.
.
.
اموت باللي قايمن بالمواجــــيب
حلو النبا ماهو على النطق كدري

هو منيتي يوم امنيات الرعابيــــب
لكن خساره امنياتي بصــــدري !

ماحقق الله شيء من هالمطاليب
واكيد ربــي يمتحن فيــــه صبـــري .

والغيب من يعلم بمستقبل الغيب!!
بسكت عشان الله.. يحقق به اجري

يامعتذر ..سواء ( مخطي أو مصيب)
عقب السنين اللي مضت جيت؟ بدري!

الحين مايبطي ترى يطلع الشيب
ابعتذر . ياليت يقنعك عذري

مو مسألة عمر وتعذر واكاذيب
تبي الصراحة صرت كني اهذري!

خذها صراحة منت في عيني الذيب
ولا لقيت اللي...... يثمنه قدري !

رح لا انت ضيف ولا مع اللي معازيب
يكفي طعنوك دايم الدوم تطري !!

إحساس

إحسـاس

11 Mar 2011, 10:55 PM

حلمت حلم وياعسى الحلم ينعاد !

حلمٍ ..تمنيت بحياتي اشوفه !!

بشرى من الرحمن يارب الاضداد

يارب قلبي وانت تعرف ظروفه!

إحسـاس

12 Mar 2011, 10:39 PM

تسمح ابفتح لقلبك .....صفحة اكتابـــــي
ياللي ثقيل بحضورك ,, والعجب محتريه !

ابسألك هل شعرت بنظرة اعجــــــــابي؟
والا مكفيك همك ! ليت لي تشتــــكيــه ..

سميتك الصدفة اللي يعشــــقه بـــــــابـــي
وسمن على ماتبي ..( اسمي نعم وش تبيه؟)

مابي ازيدك اهموم واشكي اتعابي
قلبك كفاه الزمان المر واللي يجيه ..

ياللعجب نجتمع في صدفة : اغرابي
تبيع قلبك وفاء ! وانا وفاك اشتريه !!

قررت احبك ولا اعلم به اقرابي
بس انت وشوا قرارك ؟عاشقك يرتجيه ..

ياللي غديت بغلاك توازي احبابي
يكفي اليا من ذكرتك قلت ( يستر عليه !)

إحسـاس

14 Mar 2011, 11:23 PM

الضيق يبدو ماله اعــــــلاج!

والا لضيقي يوجد علاجـــــــــــــات ؟؟

كم لي وانا للأنــــس محتاج!

وياما بنفسي راحت الحاجــــــــات!

عن اذنكم ابضبط المــــــــزاج

ماهي (سيجارة) !لا ابد.. (ركعـــات )

إحسـاس

16 Mar 2011, 03:28 PM

سافر وانا بقيت من عقبه اضيق
عقبه احس الكون طعمه مرارة !

كتب على قلبي عهود ومواثيق
الامر امره يتخذ بي قراره!!

سافر وانا فوق السما له بتحليق
قلبي خفق خلفه وعني تواره

غصب ٍ علي من بد كل المخاليق
ماهو انا اخترته ..ولا اعرف داره

الله بلاني فيه وسط المعاليق
يارب فكن من فؤادي وعاره ..

إحسـاس

19 Mar 2011, 01:47 AM

تبيني احلف لك قسم لاحلف لك
اسمع : قسم بالله والله العظيم ..

اسمع لحلفي ..ليه انا بسمع لك
والا انا من طيبتي قلبي غشيم !

كانك تبي ترحل فأنا ما اسمح لك
الكون عقبك في نظر عيني يتيم

اغليك وازعل منك ......وازعل لك
طفل يلوذ احماك واحساسه سليم

ان ما تجي والا انا....... برحلـك
اقسم لك اني ماني بمثل الح ر ي م

همّام

19 Mar 2011, 10:48 PM

حديقة غناء في كل زاويه منها أشكال متنوعة من الأزهار

ومعين لا ينضب من الحس المتدفق

حفظك الله من كل سوء

ورعاك في عينه التي لا تنام

اكثر من 1000 زيارة دليل جمال المكان هنا

فشكرا لك

إحسـاس

20 Mar 2011, 01:31 PM

شكرااخي همام وحديثك زاد اختك فرحا..في مدونتي البسيطة..
دمت بخير ..
.................................................. .................................................. ..........

اعـــد الـلـيـالـي انـتـظر... رجـعـتــي لــلــدار !=ابـشــكــي لـهـــا ..يــاربـي تـعـرفـنــي الــديـــره !
انا لارجـــعــت لــديـــرتـــي ديـــرة الاحـرار=هــي تـذكـرن ؟ والا نستـنـي مـثـل غـيــره ؟
اضيق بضلوعي ودي اطلـع مـن الامـرار=واقـــول الـمـآسـي كـــل ابـوهــا مـــن الـخـيـره .
انا من كثر ماحاش صدري من الاسرار=عـــجـــزت اتــحــمــل واتــظــاهــر بـتـصـغـيــره .
اكـــيــــد الـنــهــايــه كل ظــالـم كــــذا بــالنــار=وربـي كـريــم اشـوف بـه (حـلـقـة اخــيــره )
ولـكــن يـأسـت مـــن الـمـكـايـد مــــع الاشــرار=ولاعـــاد عـنــدي غــيــر وجــهــي لــــه اديــــره

إحسـاس

20 Mar 2011, 01:40 PM

ليه اسجل خروج وينكتب لي فشلتي !=وارجــــــع اســـجـــل ابــطــلــع ويــكــتــب خــطـأ
يعـنـي حـتـى بـهـذا ..يافـلانـه عـثـرتـي =ول يـاحـظـي الـلــي لابـســن لـــك غـطــا !!

إحسـاس

20 Mar 2011, 01:45 PM

ليلة الجمعة سواء اويوم سبت =المشاعر كل ابوها ف اغتراب
يازماني أرفق بحالي تعبت =لامتى وانا على طرد السراب
ماذكر اني حتى للدنيا طربت =مر هذا العمر ماكني شباب
ليه ياللي لظلايم دوم جبت =يعني مافكرت في يوم الحساب!
والاكيد اني من الدنيا شربت = من ثلاثه مع ثلاثين العذاب ..
والله اني ماهقيت ولاحسبت =كل هذا صار!!ياعظم المصاب
اكثر بنيه بها الدنيا لعبت =أرسم احلامي على سطح التراب
خيبة الآمال خابت بي وخبت =اثرها الدنيا تحرى صك باب
بس ابشركم انا هالحين طبت =ليه في نظراتكم بعض ارتياب ؟

إحسـاس

20 Mar 2011, 01:52 PM

ما اغيب من قلة عذر الا كثير اعذاري =ولو جيت ابشرحها يطول الشرح يا قو....الظروف
كن الحياة اتقولي ( يا احساس دوك اختاري) =تخيري صدمات او طعنات او غربة وخوف
والغربه اللي جردتني ..من طوارف داري =ماتدري ان الحزن عقب الدار انواع وصنوف
الذنب يادنياي وشوا؟ لا تزيدي ناري =والله فلا اتردى عن الهقوة رغم انف الانوف
غبا لمن يطعن يحسبن باحثه عن ثاري !=ماهي انا اللي اخذ بثاري وبه ربٍ يشوف
الثار ياخذه العزيز المنعم الجباري =درسن تعلمته من الدنيا على طول الوقوف
ياقلب عقب اللي جرى وشفيك عني ساري =ياقلب ياليتك من اللحظة براعيك تروف ...

إحسـاس

20 Mar 2011, 01:58 PM

ويبقى الشعر هو : رافد الترفيه اليتيم .. لإحساسكم ......!

إحسـاس

20 Mar 2011, 02:04 PM

احـس بالـيـأس ! وش مـنـه !=والـضـيــق بـيـتــه اهــــو بـيـتــي!
والــدمـــع يــاســـرع مـــــا دنــه !=مـن عـالـم الظـلـم ياخيـتـي ..
قــلـــبـــي وانــــا عــــارفــــه فــــنـــه=شـفــاف مـــن ويـــن مـاجـيـتـي!
يشفى من الجرح؟ ما ظنه !=لـكـن يسـامـح اذا اخطـيـتـي !
تـعـــبـــت يــادنــيــتــي لانـــه :=بإحـسـاس مـايـوم حسيـتـي !!
دنــيـاي لـي جـرحـهــا ســنّـــه!=مــعــقــول لــلجـرح سـنــيــتــي ؟
!تـــدريـــن دنـــيـــاي لــك مـــنــه=انــــك.. كــريـــمـــة ووفـــيـــتــي!
الــيــا مــتـــى غــربـــة وونـــــه ؟!=نفسي اجي للوطن,, ليتـي !
واحـضـن تـرابـه واقــول انـــه :=مــن فـارقـك بالجـسـد ..ميـتـي

إحسـاس

24 Mar 2011, 02:47 PM

علمه ياوقت وش قيمة (حضوره)!=تصبح الساعات لا شفته ..دقايق!
وان درى بي بلغن (وشوا شعوره؟)=هو معي مبسوط والا صار ضايق.
(علمه)قلبي وصل غاية سروره =الغريبه ماعليه من... الخلايق!
لادرى بي ..خايفه:ياصل غروره!=(للتغلي ) عاد انا ماني برايق!
اشربه مثل(الدوا)عند الضروره=عتق الايام واحتل الدقايق..(1)
يسبقه في جيته ريحة عطوره=صامت وثرثار في قول الحقايق!
ماحسبت ان الغلا ترسخ جذوره=ياسلام الله عليه الحب لايق!
ودي (استفتي) اذا كنت معذوره؟=الغلا هو يعقبه نار وحرايق؟؟
كان حبه ذنب او به لي خطوره؟=لا ..انا والله من دنياي (ذايق)!
بنسحب والقلب ما يخفي شعوره=واطلبك يارب(بالجنة )رفايق .

(1)-الضلوع

إحسـاس

27 Mar 2011, 04:37 PM

الظــــــلام: مثل احساسي بأن الهم خــــال !
والمــــــــــــــــواجع لي عمام!

الــــــظلام : عمري اللي راح من عمري ظلام :لا صلاة ولا قيام !
والحبيب الاعظم اللي بآآآخر الليل ايتحرى ! فيه داعي ؟
ومانجيب اللي ينادي ! ( هذا اقسى من ظــــلام)

الظـــــلام : غربتي والناس حولي : هذي من بيشة وذيك من الحجاز !
غـــــربتي عن ديرتي رفـــــــــــــحاء ,,,,ظلام
رفحــــــــاء: من مرك يقول انك وطن !

والـــطــــفولة : فيك لو كانت حزينة ! بس كانت ياسلام !!
رفحاء لو جيتك تعرفيني سؤاااال ؟؟؟؟؟؟؟

بنتك اللي مرت بكل المدينة ! من حدود الشرق لين اقصى الحزام !
ان نسيتيني ترى هذا ظـــــــــــــــــــــــــلام ..

إحسـاس

02 Apr 2011, 02:08 PM

مع كثير الجروح ومن كثير الأسى
جيت ألوذ بحماك ..ولا لقيت الأمـــان !

علمن كيف قلبك للمحبة نسى؟
كيف ماحن بي وانا كثيرة حنان!!

ليت ماني أنا ! او لي فؤادن قسى
مار حظي اعرفه ..خان بي من زماان!

إحسـاس

02 Apr 2011, 06:57 PM

تقول خيره يوم انا (اعلنت الوداع) = يعني وداعي صار بالله خيره !

لاتعتذر كلمتك وافلته بساع ! = يمكنها داخل فؤادك تديره!

سفينتي فلت لفرقاك الشراع=امودعه: هل فيه كلمة اخيره؟

همّام

02 Apr 2011, 08:57 PM

الروعة دائما هنا

شعر جزل وفي متابعته متعة وألم

أسأل الله لك التوفيق في حركاتك وسكناتك

بـــــــــرق

04 Apr 2011, 01:13 AM

احس باليأس ! وش منه !=والضيق بيته اهـو بيتـي!
والدمع ياسرع مـا دنـه !=من عالم الظلم ياخيتـي ..
قلبي وانـا عارفـه فنـه=شفاف من وين ماجيتـي!

من هُنا

سيُجاورْ إحْساسِك هِذْياني

فهل اكون الوصِيف؟؟

كنْت

هُنا

برق

فزاع

04 Apr 2011, 03:21 PM

بوح ومشاعر ولا اجمل لاعدمنا
التواصل وبيض الله وجهك وصح قلبك

متاااااابع بصمت

إحسـاس

25 Apr 2011, 01:32 PM

همام..برق ..فزاع : شكرا شعرائنا على كرم الحضور

....................................
الظاهر انه( يحسبوني من جماد!!)
اجل علام اطعونهم تاتي جميع ...!

وانا الصراحة مامعي حتى عتاد
حتى لساني مايرد ويستطيع

اسكت مع ان الحق في ضغطة زناد
واصد والصدمات تركض لي سريع

دايم جروحي من عنا الواقع جداد
ومليت من (قلب ٍ)من الطيبه رضيع