اول غرامي

[فتى نجد]

مداد شعري من عروقي سقيته لين فالجو حـام=واطلق هجوسي وفل اسبوقه وحول على فالهـا
يالجادل اللي هواها يشغف القلب ويسم العظـام=ياأول غرامٍ على نفسي يمـر ويـاأول امالهـا
لو وزع الزين بين البيض خذته يارفيع المقـام=يانافل الجيل ترجـح كفـه الميـزان باجيالهـا
ولعتني يانعيم العود حالـي تستحـق الرحـام=ماترحم اللي على شانك تبـدل حـال باحوالهـا
لك في خفوقي غلا لو ينتشر فالارض عم السلام=والذيب يسرح مع الرعيـان لامالـه ولامالهـا
ياحلى حلم في حياتي ماتحقق غير وسط المنام=ماودي اصحى تضيع الصورة اللي عشت بظلالها
ياذكريات الطفوله عجز فكري لايصـوغ الكـلام=في وصفك اللي تجاوز وصف رسامٍ بيختالهـا

[إحسـاس]

الله رائع

كم هي محزنه وانا اقرؤها ..

حلم تحقق في المنام ( تصوير قاسي)

و لو انتشر في الارض لعم السلام = اعجبني تصويرك

هاهي قلوب الشعراء باذخة الثمن ..

استمتعت بقرائتها فتى نجد وانتظر القادم

[فتى نجد]

احساس رفحاء اسعدني مرورك
وتشرفت القصيدة بقرائتك لها
لك تحياتي

[عروووبة]

صح السانك
المشاعر الصادقة تنساب بلا تردد

شكرا اخى فتى

[في دروبي ورود]

فتى نجد,,
الله عليييييييك
كلماااااااااات رااائعه وطرح رااااااااااقي,,
كلمااااااااااااتك جزله مافيك حييييييله راااائع,,
سلمت الايدي وننتظر جديدك الرااااااائع,,

[فتى نجد]

صح السانك
المشاعر الصادقة تنساب بلا تردد

شكرا اخى فتى

شكرا على مرورك العطر عروبه
ولك تحياتي

[فتى نجد]

فتى نجد,,
الله عليييييييك
كلماااااااااات رااائعه وطرح رااااااااااقي,,
كلمااااااااااااتك جزله مافيك حييييييله راااائع,,
سلمت الايدي وننتظر جديدك الرااااااائع,,



في دروبي ورود صح بدنك
رائعه في حضورك دائما
والحمد لله على السلامه فاقدينك

[همّام]

قصيده جميله أخي فتى نجد
صح لسانك

وعندي سؤال : الضمير في قولك ( فل سبوقه ) يعود الى مداد الشعر ؟ في قولك ( فل اسبوقه وحول على فالها ) أم غيره

وشكرا

[عــازف]

الله الله

صح لسانك

[فتى نجد]

قصيده جميله أخي فتى نجد
صح لسانك

وعندي سؤال : الضمير في قولك ( فل سبوقه ) يعود الى مداد الشعر ؟ في قولك ( فل اسبوقه وحول على فالها ) أم غيره

وشكرا


صح بدنك اخوي همام
الضمير يعود على الهاجس
مرورك اسعدني

[فتى نجد]

الله الله

صح لسانك


صح بدنك عازف
وهلا بك

[شمـــاليه]

صح لسانك شاعر جزل وقصيده جزله
لاهنت

[فتى نجد]

صح بدنك شماليه
تشرفت بمرورك الكريم