المساعد الشخصي الرقمي

مشاهدة النسخة كاملة : قصيدة رديه بعنوان ابوبدر



ابوبادي 12
31 Jan 2011, 01:08 AM
ارسلي خوي قصيدة مااعلم هل هي لبوبدر اوارسلها شخص ثاني تقول القصيدة


الغرس جوف الأرض يحتاج للمي
والطيب بالتشجيع يثمر زياده
والناس ماتشكر على الموقف السي
وتعطي على طيب الفعايل شهاده
واللي فعوله في ظلام الدجى ظي
نشيد فيه ويستحق الاشاده
وأظيف للأبيات بيت مهو لي
بيت من العرفان هذا مفاده
من لايحطك تاج راسه وهو حي
عساه لفراش المذله وساده

رديت عليه قلت

يامرحبا لامن نطق منطقه شي
لصاحب اللي عارفينن مراده
ثامر وانا اشهد طيبكم وارفع ايدي
في طيبكم ياشيخ سكر زياده
وحي الله اللي لاذكرته وهو حي
لامن دعيته يعجبك في معاده
عقبك ترى الهباس مظلم ولاشي
ياابوبدر يحرصك رب العباده
قبل النهايه ياولد عمي شوي
انا اشهدنك من رجال القياده
وختامها ياالقرم تر صحبتي ذي
اشهد شهادة حق هذي سعاده
ابوبادي الحصين

شمـــاليه
31 Jan 2011, 02:39 AM
صح لسانك ولسان الشاعر
قصائد جزله من شعراء متميزين لاهنت ابو بادي

ابوبادي 12
31 Jan 2011, 12:04 PM
صح لسانك ولسان الشاعر
قصائد جزله من شعراء متميزين لاهنت ابو بادي

صح بدنك شماليه اشكرك على المرور الرائع ولاهنتي مشرفتنا

عيد ثاني
31 Jan 2011, 02:42 PM
أبو بادي ...

صح لسانك ولسان ابو بدر .. قافيه فيها صعوبه ...

ابوبادي 12
31 Jan 2011, 11:05 PM
أبو بادي ...

صح لسانك ولسان ابو بدر .. قافيه فيها صعوبه ...

صح بدنك عيد ثاني الله يعين الجميع

همّام
31 Jan 2011, 11:20 PM
صح لسانك ولسانه
ابيات جميله
في مكارم الاخلاق شيء يبهج النفس

ابوبادي 12
01 Feb 2011, 12:55 PM
صح لسانك ولسانه
ابيات جميله
في مكارم الاخلاق شيء يبهج النفس

صح بدنك همام ولااجمل مرورك وماعليك زود ومرورك شرف لنا

شامي الدهيمان
01 Feb 2011, 01:39 PM
لا هنت ابو بادي أنت وابو بدر والله يديم المحبة

ابوبادي 12
02 Feb 2011, 12:58 PM
لا هنت ابو بادي أنت وابو بدر والله يديم المحبة

لاهنت على مرورك الجميل والله يعطيك العافيه وماعليك زود

فزاع
03 Feb 2011, 11:52 PM
صح لسانك ابو بادي

ابيات جميله ورائعه كروعتك لاعدمناك

عقارب
04 Feb 2011, 12:47 AM
صح لسانكم على الرديه

ابوبادي 12
05 Feb 2011, 06:28 AM
صح لسانك ابو بادي

ابيات جميله ورائعه كروعتك لاعدمناك

صح بدك فزاع ولااروع مرورك لاعدمناك

ابوبادي 12
05 Feb 2011, 06:30 AM
صح لسانكم على الرديه

صح بدنك على المرور الجميل عقارب