المساعد الشخصي الرقمي

مشاهدة النسخة كاملة : من يبارزني شعرا


إحسـاس
08 Feb 2011, 09:09 PM
ياليت منهو يجي ويبارزن مايخاف

وانا تراني اليا بارزت مابه غــــــدر


ماني بجساس بالتاريخ غدره خلاف

منهو بكم شاعر ويملك وساعة صدر

انتظر
ريانه
09 Feb 2011, 02:33 AM
كفوووو يابعدي
وانا راح اجلس في المدرجات واستمتع
عقارب
09 Feb 2011, 07:59 PM
اشوف شعارنا يمينك ويسارك تقل خافو

يحرضهم يبي احد يطلع


كبيره يا احساس تتحدين الشعراء وانتي شاعره كبيره



بانتضار من يمسك الطرف الثاني
شامي الدهيمان
09 Feb 2011, 11:14 PM
مساء الخير للجميع

انا اكتب بالسنة حسنه ولكن ابي احرك الماء الراكد لدى الشباب واكسر حاجز الحياء

وياليت توضحين لهم هل المبارزة بموضوع وقافية محددة

إن شاء الله تعجبكم :

ياوجودي وجد من جهزوها لزفاف """" واشترت الباسها من سوق الحفر
زفوه بالجيب مــــا زفـــوها بهــاف"""""وحددو عرسهاااااابآخر صفرررر
جمــعت حبــها مثل نقطــة قطــاف"""""وعاهدة حبـــهــا مثل فرض العصر
ليلة الجمعة والجمهوووور طاف"""""والعريــس بشــت في وسط القصـر
مرحبا والفــين زاف فــوق زاف """""ودعاء بالــخير مع طــول الـــعمر
قلط الضيفان والجمـهور شــاف"""""ضيــفتن مــا مثــلــها للــي حضــر
الشهبً موجود وسنونه نحاف """" "اشتهر بالشــررر وبنـــقل الخـــبر
ساق عينن مثل حد الرهــاف """""" لا ذكـر ربــه ولا غــض النـــظــر
لجة الصالة ونحاس الزفاف """""" راح قرم وراح حـلم ولا ينفع جـبر
جاه علمه ونزفة مثل الرعاف""" دمع عين ودم قلب وحرق حلمً منتظر
عاشة الدنيا على حلمً وطـاف """ كل ما سمعت بعرس قالت يالله الهمني الصبر



تقبلي مروري
إحسـاس
10 Feb 2011, 01:29 AM
الاحبة : ريانة --- عقارب --- .... شكرا بطهر السحاب

اما المبارزة فهي بكل بساطة رديات على الهواء مباشرة لا اكثر

السلهومي : ابياتك جميلة وذات شجن ..صح لسانك


..................

طبعا من بيتين او تلاث تكفي وانا اتولى الرد

المايك مع مين ؟؟
ريوف رفحاء
10 Feb 2011, 02:06 AM
الصدر واسع يا احساس مابه خلاف
مير البلا لياقله الحيله وضاع الصبر
يالله يالي جاعل امره بين نون وكاف
تفرج لقلبن مل صبره وطول ينتظر
إحسـاس
10 Feb 2011, 02:24 AM
الصدر واسع يا احساس مابه خلاف
مير البلا لياقله الحيله وضاع الصبر
يالله يالي جاعل امره بين نون وكاف
تفرج لقلبن مل صبره وطول ينتظر

مع ربكة الوزن لكني وجدت صدق الاحساس بأبياتك ياريوف

استلمي ::::
الصبر محمودن على كل الاعراف
واظن جرحك طول الايام له جبر

ياريوف وانتي سيدة كل الارياف
خلي دموعك يكتبه صادق الحبر

ربك كريم ولاتقولين ما شاف
ما ينقصك الا : مناجاة والصبر :a78k_36:
ابوبادي 12
10 Feb 2011, 01:58 PM
انا تحدى واجيب الشعر سعي وطواف
وارجوك لامن هزمتك لاتجيب العذر
خل المبارز نجيبه في مجله قطاف
يااحساس رفحاء نحدك لين تنزل حدر
ابوبادي
شمـــاليه
10 Feb 2011, 02:45 PM
صحت قلوبكم ولسنتكم دائما مبدعين شعراء منتدى النخبه
متابعتكم..
إحسـاس
10 Feb 2011, 03:33 PM
انا تحدى واجيب الشعر سعي وطواف
وارجوك لامن هزمتك لاتجيب العذر
خل المبارز نجيبه في مجله قطاف
يااحساس رفحاء نحدك لين تنزل حدر
ابوبادي

"]افاااا ( حدر)[/size]

تبي الصراحة وخذها صافية بإعتراف
الشعر لاجيتنا مثل إكتمـــال البدر

بس ايش بعض القوافي كن صابه رعاف
وش فيك نزلتني وانا رفيع القدر ؟!

لاتصير قاسي معي وتعاملن في جفاف
اللين متلي ومثلي في وجوده ندر
ابوبادي 12
10 Feb 2011, 07:28 PM
"]افاااا ( حدر)[/size]

تبي الصراحة وخذها صافية بإعتراف
الشعر لاجيتنا مثل إكتمـــال البدر

بس ايش بعض القوافي كن صابه رعاف
وش فيك نزلتني وانا رفيع القدر ؟!

لاتصير قاسي معي وتعاملن في جفاف
اللين متلي ومثلي في وجوده ندر

هذا قصيدن كتبته وقلتها بحتراف
وشعرا"كتبته مهو قاسي قضاء وقدر
لايروح فكرك مدى اكتب ولالا تخاف
و هذا قصيدن كتبته في مجالي صدر
والسالفه زبدة الموضوع قلبا"نظاف
مثل السحابه الياجات الشعيب انحدر
ابوبادي
الله يعطيك العافيه على المحاوره اللي شرحت صدري
إحسـاس
10 Feb 2011, 07:49 PM
هذا قصيدن كتبته وقلتها بحتراف
وشعرا"كتبته مهو قاسي قضاء وقدر
لايروح فكرك مدى اكتب ولالا تخاف
و هذا قصيدن كتبته في مجالي صدر
والسالفه زبدة الموضوع قلبا"نظاف
مثل السحابه الياجات الشعيب انحدر
ابوبادي
الله يعطيك العافيه على المحاوره اللي شرحت صدري

من قال يتعافى ابو بادي

دخلت مصادفه للردك استلم :



وفيت ياسيد الشّعار والرد كاف
والوقت ميزته لامن جيت ماهو هدر

ادري بأنك بياض وماعليها خلاف
ما انتم من اللي حضوره مثل وجهه (ودر)

(عزاه) ياقلبي اللي ساكنن بالنحاف
اقضيّّ الوقت والاحساس جدا كدر

ياليت ضيقي يعرف البعد والانصراف
المشكلة مانفع حتى غسول السدر
ابوبادي 12
12 Feb 2011, 11:22 PM
صح لسانك رديات جميله وممتعة ومونسة وذات طابع جذاب ومشدة للانتباة و اكتفيت بهذا الرد
ويعطيك العافيه