المساعد الشخصي الرقمي

مشاهدة النسخة كاملة : يا تافه . ارخ السمع


شامي الدهيمان
06 Mar 2011, 11:18 AM
فيه شخص ثقيل دم كل ماقابل خويه يدور شيء ينتقده
وكل سوالفه كنها سوالف نسوان ..

مره يقول (نعالك مو ماركه)

ومره (قماش ثوبك صيني)

وآخر مره قاله
(قلمك رخيص مو زي قلمي الـ dior)







فكتب له بقلمه [الرخيص] هذي الأبيات:


في جيبي العلوي قلم بأربعه ريال
وأخطّ به مالا يخطّه (ديورك)

هذي علومك،،، كلها عوج وهزال
اسمعني، اللــه لايجبّر كسورك

فرحان.. تشري بـ(ألف وشويه) نعال!
تمشي بك دروب المذله بـ شورك

ومفصّل بـ (حول الثلاثميه) عقال!
وتحته عقل فارغ سوى مـن غرورك

يا تافه .. ارخ السمع للي بينقال
وتراه ماهو مـن دواعي سرورك

اللبس ماعمره ستر عيب رجّال
هذا انت ماتستر خَواك بـ قشورك

ومادامك تقيس الأوادم بالأشكال
عندي تساوت غيبتك مع حضورك

رح خاو خاوي مثلك أشبه بـ تمثال
يرضي برستيجك ويسعد شعورك

ما اتشرف بمعرفتك ولا انت فـ البال
ولا عاد أشوفك عندي ولا بأزورك

مغنيني اللـه عنك برجالٍ ثقال
مافيهم اللي حب تمثيل دورك

أقلّهم لو شاف تقصير وإهمال
يسد نقصك ما يدوّر قصورك..
ابوبادي 12
06 Mar 2011, 12:58 PM
صح لسانك السلهومي قصيدة رائعه
إحسـاس
06 Mar 2011, 01:29 PM
الله الله يالسلهومي صح لسانك وصح قلبك وسلمت يمينك ياليت صاحب

Diorيقراها ! تمنيت لو يقرأها كل شاب !

حاولت اقتبس بيت لكني اعترف لك احترت ..

موضوعك موفق ....وما شاء الله تبارك الله .. عقلية تدل على نضوج ..

ابدعت جدا ..
الصرح
06 Mar 2011, 02:02 PM
ومادامك تقيس الأوادم بالأشكال
عندي تساوت غيبتك مع حضورك


ماشاء الله وش الأبداع يابو سلهم

صح لسانكـ << يزيد من جمال القصيدة ذكر مناسبتها

أبدعت في جميع الأحوال
شامي الدهيمان
06 Mar 2011, 02:45 PM
صح لسانك السلهومي قصيدة رائعه



صح بدنك يابو بادي

والقصيدة ما هي لي

منور
شامي الدهيمان
06 Mar 2011, 02:49 PM
الله الله يالسلهومي صح لسانك وصح قلبك وسلمت يمينك ياليت صاحب

diorيقراها ! تمنيت لو يقرأها كل شاب !

حاولت اقتبس بيت لكني اعترف لك احترت ..

موضوعك موفق ....وما شاء الله تبارك الله .. عقلية تدل على نضوج ..

ابدعت جدا ..


والعلم عند الله انه قراهااااا

والقصيدة ما عي لي

انتظري معلقتي قريباً . اذا ما تعوذ من ابليس راح اشرشحه انا معطيه كم يوم

منوره
شامي الدهيمان
06 Mar 2011, 02:50 PM
ماشاء الله وش الأبداع يابو سلهم

صح لسانكـ << يزيد من جمال القصيدة ذكر مناسبتها

أبدعت في جميع الأحوال




يزيد الموضوع شرف مرورك طال عمرك

دمت بخير
ريانه
07 Mar 2011, 08:54 AM
وكل سوالفه كنها سوالف نسوان ..




http://up.a7bk-a.com/img2/6jx77179.gif (http://forums.a7bk-a.com/)




http://up.a7bk-a.com/img2/kjz77179.gif (http://forums.a7bk-a.com/)
شامي الدهيمان
07 Mar 2011, 11:06 AM
http://www.alshamsi.net/islam/ramadan/ram8.jpg



اهم شي شركة متيح لا يدروووون تشرشحنا عروبة
شمـــاليه
07 Mar 2011, 11:12 AM
صح لسان شاعرها ولاهنت على النقل مشرفنا
شامي الدهيمان
07 Mar 2011, 03:11 PM
صخ بدنك منور المتصفح