اكبر عرض كسر سوووق الانترنت من الاتصالات

[الجندي المخلص]

السلام عليكم ورحمة الله وبركاته


أخباركم حبايبي اللي شغال على كويك نت والا يلطش من عند الجيران

الفرصة جت الى عندك عرض ولا في الخيااال من الاتصالات السعودية باقات انترنت بنصف السعر لمدة ست شهور

يعني نصف سنه وبدون رسوم تأسيس على الباقات التالية
باند جود M
برود باند جود
باند جودX


http://im2.gulfup.com/2011-03-26/1301127785121.jpg (http://www.gulfup.com/)

[منبع الثلج]

بنصف السعر !!

لو يقولون لي اشترك بـ بلاش ما اشتركت مع stc

مير شكراً لك اخي فالأول والأخير ..

[أرطبون العرب]

وأنــا بعد لو يعطــونـي فلوووس ويقولون اشترك ما اشتركت مع stc

موبايلــي.. كونكت ..وبسس <<أحسس أني موظف عندهم ^,^

ويعطيك العافيه يالجندي المخلص .

[ثاني التومي]

stc
يابن الحلال لو يجوني بالبيت ومعهم عدتهم
ويقولون ياولد تكفى اشترك مجانا مانبي شيء منك
والله لإشترك على طول " شين بلاش ربحه بين "

يعطيك العافية

[أرطبون العرب]

ابن الغــابة
^
^
^
أنت متأكد هههههههه .

شكلك مااشتركت معهم .

لاياملا الغنيمه . stc بهم من النصب وعرووضهم اغلبها كذب .

وهذي قصص حصلت لي هههههه
حارتنا مابه DSL وشغال أنا على كونكت .واموري طيبه . قلت خلني اروح يم الاتصالات وانشدهم ^,^ وش عروضهم
وجيت الموظف قلت أبي أركب DSL <<أدري أن حارتنا مابه DSL قال وين حارتكم قلت حارتنا بهكا الحارة قال
لاماوصلكم دي سي ال .. بسسس تقدر تقدم طلب وان شاء الله كم شهر وجايكم المهم أني عبيت النموووذج
من اسم ورقم جوووووال إلى أن وقعت . خذيت ممكن شهرين ومريتهم وقالو لا للحين ماجاء شششي
وبعد سنه قلبي أوجعــن ^,^ ومريتهم والله العظيم قال عليك هالمبلغ هذا قلت اي مبلغ قال أنت مشغل دي سي ال
قلت عين خير ياولد قال أنت مقدم طلب وجاك الطلب و الحارة شغال عندهم DSL وانت شغال عليك له 9 ششهور:a78k_29: .
قلت طيب ليه مادقيتوا علي!! والله مادري وش قال بوقته انا دوخان هههههههه
قلت طيب خلاص خلاص أفصلوووه قال مانفصله إلا لازم تسدد ... سددة مجبووور ^,^

القصة الثانــية خخخخ

أنا عندي شريحه من stc فاتوره جتني رساله يقووول ارسل ببلاش لمدة ششهر .
هذا طبعـاً الظاهر لي لحالـي . عاد انا قلت ابي احللهم . وحدد أغلب الاسماء طال عمرك
وارسلهم رسايل قصايد الله لايوريك والقصيده الوحده أقل شششي 20 بيت ويتصلون علي
الزقرت أقولهم لا أنـا فسسسقان ^,^ طول الشششهر طبعاً
وتجينــي الفاتورة الله لايوريك مبلغ يخرع *,* <<ماني معلم كم .. الزبده نهجت يمهم =رحت يمهم
وخذيت كششف منهم إلا كل الفاتورة رسسسايل قلتلهم ماأنتم قايلين ببلاش الرسايل
قالوا أيه بلاش الصفحه الاولى . أما الصفحه الثانية والثالثه تحسسسب عليك , ..


أما شين بلاش ربحه بين <<هذا زمان هههههههههههههههههههههههه

[بصمة مبدع]

من النصب الواجد !!

[ثاني التومي]

أرطبون

خلاص ياولد إذا جوني وقالوا نبي نركب لك بلاش
أبي أرفض ..
شين بلاش خسارته بينه

الظاهر إنك تقصد سيارات هالحين .. ؟

[أرطبون العرب]

نعــم ابن الغابة إذا جوك لا تركب :109:

((ششين بلاش من stc خسارته مفلصـه)) :113:

شكراً لك