هـ ذ يــ ا نــ ي

[بـــــــــرق]

اعشق الهدوء


وهنا سانثر مابحت به


وسيكون هذا الموضوع خاصا بي


شاكرا كل من قرأ لي هنا

0


0



خالي ترى ( السمن العرابي ) يكنّا=وانا بعد ( طنب الجبل ) كنيةٍ لي
من روس قومٍ ضدّها ماتهنّا=نضرب على العايل بسيفٍ يسلّي
ياسعد من هو صار فينا ومنّا=ينام ليله مايجزّيه ذلّي
حنا الطنايا ذروة المجد حنّا=وحنا هل الرّدات للي يزلّي
وحنا ذهابك ياخبيثٍ تجنّا=فعلٍ وكادٍ والذي له نصلّي
وحنا الصعوط لمن خشر فيه جنّا=وحنا لمن مثلك لروحه نسلّي
خذها نصيحه لاتناوش وطنا=جاك النذر وافهم تر الموت حلّي
كل الطنا حرجم براسي ودنّا=والصبر ملّ ولك تزهّبت كلّي

[بـــــــــرق]

ماقويت النّوم والْحاله وِزا = والهواجِسْ مايِعادِلْها هجِسْ
جِفْن عينِي عِنْ ملذّاته جِزا = والعذاب اِنْ كان خرّبْها نجِسْ
قطْع قلْب الشمّري كانه لِزا = بين قلبين ومشى درْب المجِسْ

[بـــــــــرق]

مادُمْت في خير.. هذا اللّي تمنّيته = ومِصِير الايّام تجْمعْ حيٍّ بحيّي
عسى السّعدْ لكْ ,عسى يِسْكِنْك في بيته = ياضِحْكة اِحْجاجِي وفرْحِي وياضيّي

[بـــــــــرق]

شوْشِليٍّ الْيامنْ قِلْت انا قدّه =وافْتِلْ لشارِبي لنّي مِنْ اسْياده
بِي طناخهْ تِطِمّ أفْواه واتْسِدّه =لنّ سِيمات جِدّي جات مِنْقاده
شمّريِّ حشا ماتكْسِره شِدّه = مُو غُرور ٍ ولكنّ الطّنا عاده
يعْشقْ الطّيب والطّنْخات والمدّه = لوْ بــ ( يابعْد حيّي ) يرْفع اِعْماده

[بـــــــــرق]

مِتْعوّدٍ ردّكْ يِريّحْ سُؤالي= ومِتْعوّدكْ ماتِبْطِي اِنْ قِلْت وِينكْ!!
شاللّي حصلْ بالله ريّحْ لبالي= ترى انْ حصلْ لي شيْ سِبّة يِدِينك
مدْري ومدْري مِير اعِيش اِنْخِذالي= والله يبلّغْ هايِمكْ هلْوِتِينكْ

[بـــــــــرق]

قولوا لمحْبوبي الاشواق مجنونه = بالله عليكم عطُوها صادقْ اشواقي
واحْكُوا لها عنْ حوال القلب وشْ لُونه = لااااامنْ حرمْني ملذّاتي بترْياقي
ثُمّ اِطْلبوها اِنْ نِزفْ قلْبي لهتّونه =تقْبلْ توجّدْ شِمالي عايشْ اِفْراقي

[إحسـاس]

بحر هادئ هنا

وجدت الجمال والروعة وابارك لنفسي هنا بإنضمام شاعر

واعلان هذيات من نوع خاص ...

مفردات تكتب بهدوء وتطرز من ذهب ,,

فأهلا وسهلأ بزملاء المهنة ..

[عقارب]

صح لسانك

شعر جميل

وامتعنا بجديدك الدائم

[بـــــــــرق]

احساس

ماأسعدني بمرورك

لك عود كمبودي

[بـــــــــرق]

عقارب

شكرا لقلبك

[بـــــــــرق]

هذا وانا اللي صعب ادوّر بدالك= اهديت لك عينٍ وقلبٍ ولعْ فيك
والله لو تطلب يديني نعالك= لاشيلك عن القاع وارفى مواطيك
لنّك ملكت اللي ترجى وصالك= واصبح لك الخادم وضمن المماليك

[فزاع]

صح لسانك يالقرم



والحمد لله على السلامه



لك تقديري

[بـــــــــرق]

هلا باخوي فزاع


ممتن لقلبك النقي

[بـــــــــرق]

إذْكرْني بخير لاجابوا لكْ الطّرْيا =واِرْفعْ يدينك دُعا لاقيل لكْ ماتي
دام الولدْ نوّختْ لهْ شيخة الشّرْيا =لااااابوا سِرايا ولااااابو صادقْ الزّاتي

[بـــــــــرق]

إنْ كان تنْشِدْني ؟ بليّا تحرّي= من دون رجْوى خذْ مرامك هديّه
يمّ الشّمال ودار حاتم مِقرّي = والعزْوة اللّي لمّتنْ شمّريّه
لي معْ بحور الشّرْد كر ٍ وفرّي =كلّه لعين اللّي عزيز ٍ عليّه
اللي بوعْدي له مُحال ٍ مغرّي = صدقْت واصْدقْ لين حلّ المنيّه

[بـــــــــرق]

حسبي الله حسبي الله يالحظوظ العُوجا =ماذْكِرْ اِنّه لوْ في يوم ٍ نوّلتِْني شفّي
واعنا قلب ٍ مشقّى , دايم ٍ مخْلُوجا =الزّمنْ نِدّي ودايمْ ماسِكنْ معْ كفّي
ضايق ٍ صدْري وهمّي موج يتْبعْ مُوجا=والصّدِرْ يزْمِي بآآهاتي ودمْعِي جفّي

[شمـــاليه]

صح لسانك شيخ الشعر
في انتظار هذيانك الجزل

[بـــــــــرق]

مرورك مشرفتي


نُبْل وكرم

شكرا لدمّك

[بـــــــــرق]

ماهِي بحاله وربّي حالتي حاله =أحسّ انا باليُتُمْ منْ قِلّة الوالي

ماعاد مِزْن الحيا للقاع همّاله = للطّقْس خمّات.. ياحِزْنِي وغِرْبالي

الوسْم راح وظُمى الاشواق يِرْثى له = ويالله عسى الصّيف يِرْوِيها بهمّالي

[بـــــــــرق]

بالفكْر دُولاجة ٍ ماهيب دُولاجه = خمّتْه وامْسى بكون شهار مسجُونِي
ماغير يرقى سنُود ويرْجعْ ادْراجه = وهذاه وسْط المهبّلْ صار مجْنوني
والخوف من نادر ٍ يسْكِنْ مع العاجه = والطّيزلِي يحْكُمه ويصير مرْهُوني
وضْع ٍ تأزّم وفكّ السّرّ مِزْلاجه = وامْسى ينابِي وفضّحْ كِلّ مكْنوني
هيْهات لو يحْفظْ المعْنِي لمِنْهاجه=ويْسِير في طِرْقِة ٍ معْ مِنْ يعرْفوني

[بـــــــــرق]

أعْزفْ من الوِحْده ترانيم الاشْواق = وادير عين الوجْد في كل فجّي
وانْظمْ شواريد الولهْ فوق الاوراق = واجمّعْ افْكاري دقيقه واسِجّي
ولافاد سمّ البُعْد جرْعات تِرْياق = ياويل حالي كان مالحظّ دجّي
ماطاق صبر القلب ماطاق ماطاق= هذاه بعْد اسْكوت الايّام لجّي

[بـــــــــرق]

احسدْ حروف ٍ تداعبها اصابيعك = واهنّي الشّاشه اللي تنظره عينك
ياااااااملْهمي ليت ماتْفارقْ مطاليعك = ابيك حولي وابا اللّمّه من ايدينك
تدري وجودك يريّح قلب ٍ مْطيعك = لاتتركيني لحالي طالت سنينك
ابيع كل البشر وانتي فلا ابيعك =ولا لي بهم دام كفي بين كفينك
جيتك جميعي ولا تطري مواديعك = وابي تهدّي حواجز بيني وبينك

[إحسـاس]

احسدْ حروف ٍ تداعبها اصابيعك = واهنّي الشّاشه اللي تنظره عينك
ياااااااملْهمي ليت ماتْفارقْ مطاليعك = ابيك حولي وابا اللّمّه من ايدينك
تدري وجودك يريّح قلب ٍ مْطيعك = لاتتركيني لحالي طالت سنينك
ابيع كل البشر وانتي فلا ابيعك =ولا لي بهم دام كفي بين كفينك
جيتك جميعي ولا تطري مواديعك = وابي تهدّي حواجز بيني وبينك

جميلة جدا هذه الأبيات
برق : يحييك الشعر من اوسع ابوابه

متابعين لهذا النزف ونطالب شمالية بلقاء شعري مع الشاعر برق ...

[بـــــــــرق]

جميلة جدا هذه الأبيات
برق : يحييك الشعر من اوسع ابوابه

متابعين لهذا النزف ونطالب شمالية بلقاء شعري مع الشاعر برق ...
هههههههههههههه

لاتقرب لي بنتي يابنتي

انا بدوي ماعرف للنت

يكتب ولدي عني

لكن

برب الكون اني تشرفت بتواجدك يابنتي

حفظك الوليّ

[بـــــــــرق]

عااام فات وقبله أعوام ٍ كثيره = ياقساتك ياسنيني وش بلاك؟
الخواطر منْك ياسْنيني كسيره !!!= وان طلبت الحظّ قال انزحْ وراك
آآآآه واوضاعي وخالقني خطيره = آآآه من حظٍ جزاته لي هلاك
وآآآآه ياكسْر ٍ تمنى للجبيره = وآآآه من قلب ٍ مهام ٍ في ملاك
وآآآآه لو نمت وتهنيت بسريره = وآآآه لو تدري بقلبي وشْ غلاك
وآآآه من وحْده يخوّفني هديره = وآآآآه ياحزني وانا عايش بلاك

[ابوبادي 12]

صح لسانك ومابهم قصور القبايل كلهم

[بـــــــــرق]

ليا بعد من دقّن الوشْ بحْنوك
وليا بعدْ مِنْ مِيّزنْ بالصّبايا



الله يطوّلْ عُمْر مِيمتْك وآبُوك
اللي غذُوك بصادقات المِزايا



ياجِعْل عِذّالِي بما قِلْت يفْدوك
ياعِين أبُو قرْم ٍ عرقْ بالطّنايا