مدرى ويـن ودتك الأيام

[طلال الشمال]

بسم الله الرحمن الرحيم
السلام عليكم ورحمة الله

اسعد الله اوقاتكم بكل خير

.

.


والله مدري ويـــن؟ ودتك الايام
باقي هرم لك بالصدر وانت رمسيس

تطري .. ولاتبكيك عيني .. ولا انام
اذرف قصيدي من عيون الاحاسيس

فيها شقى . . فيها ألم دمعـة ايـتام
واجبر عزا قلبي .. واذكره في قيس

واثر الجررروح اللي بقلبي والآلام
غطت على قيس . ومعه امرؤالقيس

الذكريات .. ولا سلا الخاطر وهام
في عالم النـسيان . . دقت نواقيس

يفوق . وبتبدا الحكايه . . ﴿ اليا قام
يبدا يدك القلب . . ضيم الهواجيس

ويبدا شريط الذاكره . يعرض افلام
عن شي حبي له غدى شبه!! تقديس

واسـج بأيام مضت . . واخذ إلمام
واقارنه في واقعي .. وارجع اقيس

واقف على الاطلال ﴾ واتذكر العام
وكم واحد ٍ ابالعنـه . . قبل إبليس

ابليس هين .. يردعه شرع الاسلام
ماضرني إبليس .. كثررر الأباليس

ياكثر مافي داخلي .. ماتت احـلام
ماتت قهر .. من فقد ذيك النواعيس

عجزت ادفـن ميت ٍ .. دفنه اكرام
خايف عليها من عـوامل تضاريس

قبرك بصدري والنصايب من عضام
بين الضلوع اللي على شكل . تقويس