انت الخفوق الوحيد

[طلال الشمال]

اخـوتي ... اخــواتي

اخواتي ...اخــــوتي

اعجبتني هذه القصيده بسهولتها ومعانيها الجميله ولذلك نشرتها هنا وهي لشاعر يدعى

﴿ ذويـب رجاء الرشـيدي ﴾

ارجـو ان تنال اسـتحسانكم واعجابكم





يـامحرّك هـاجسي غيض وعتاب وقـصيد
الكلام الشـين ماقـلت من جـاب خـبره

ادري انـه لامـسـير ولاســاعـي بريد
ولا درى زلـة لسانه وسـمعه وبصره

المـنافق بين الاجـواد شـيطانٍ مريد
الكلام الزين يخـفيه والشـين نشره

كلّ يـوم يشـعل النار في عـلمٍ جديد
ياعساها تـشـتعل وسـط بطـنه وظهره

وش يبي بعروض الاجواد جعله مايفيد
المشاكل والبلاوي يـــدورها دوره

مير مايسـمع كلام الـزهـيد الا الزهيد
منهُ اللي يسمع العلم من ناس فجره

لاتـصـدق بالخبر لاقـريـب ولا بعــيد
خـذ كلامي واترك المهزله والمـصخره

اعـــرف انـا منـقـول الكــلام الاكيد
الخـبر ما ناخـذه من ظـعيف ومن مره

خلّك اكبر من كذا وسـمع الراي السديد
الغلا لو تكشفه للناس مافـيه ثمره

كان مقصودك غلا بالخفوق انت الوحيد
مـستعد اعيش انا وانت لو تحت شجره

مـن عرفتـك والغلا مــاينـقـص . يزيد
كان مــازاد مانـقـص مــنه شـعره

امطرت غر السحايب على خضر الجريد
مدهـلاً من غر الامزان ماكف مطره