رشات المطر لم تنقطع من صلاة العشاء الى الآن

[همّام]

السلام عليكم ورحمة الله وبركاته

مطرنا بفضل الله ورحمته

حيث تتالت رشات من المطر وتعاقبت بين الحين والآخر من أذان صلاة العشاء وحتى الآن

لم تكن بالقوية لكنها جميله

أجواء المطر تشرح الصدر وتنعش الروح

اللهم لك الحمد

[عبدالله الجبل]

وعليكم السلام ورحمة الله وبركاته ...
ما شاء الله تبارك الله ...
عاشت الرياض أياماً رائعة خلال الأيام الماضية والحمد لله ...
ليلة الجمعة الماضية هطلت أمطار من أم الجماجم وحتى الرياض ...
رجاءً لا تقل "بدري" فأنا حساس وأحياناً أكون مرهف الحس ...
شكراً لقلبك الكبير أخي همام ...

[أرطبون العرب]

جعلها الله أمطار خير وبركة ..


شكراً همام
أما التصوير تصوير محترفـين ^,^

[عروووبة]

وعليكم السلام ورحمة الله وبركاته ...

جعله الله امطار خير وبركه

يازين المطر

[ريانه]

وعليك السلام والرحمه

وليه مكثر الصور الله يهديك وحده تكفي :)



سلمت الايادي وجعلها الله سقيا خير

ياحلو شوفة المطر وريحته

[عروووبة]

^
^
ريري لاتستعجلين على رزقك
بكرى راح تشوفين ان شاء الله
الصور تعدين وتغلطين

ونسوي جمرى
وشاهى شيح وقيصوم

الله يبارك لنا بالمطر
والحين قاعده تطش طش

[ريانه]

:bb39:

:a78k_21:



:a78k_193:

روبي ترى هذا باقي المطر >>بعد ماشبعنا منه وغرقنا جاكم >>stp
:bb24:

[عقارب]

ما شا الله امطار خير وبركه

حائل وبريده والجوف
من اليوم تمطر عليها

الله يرزقنا المطر بالشرقيه ويزين الجو عندنا


كثر الصور يا همام بالمره الجايه

[عروووبة]

لو روبى رجلا لقتلته

.
.
رياانة حضرت المطر بالرياض سنتن من السنين
سبحان الله
برفحاء غير
المطر بالمدن الصغيره
تحس بشعور يجنن

اما البر الحين
ياعونة الله

مره طالعين بالبر ومطرت علينا سحابه غرق
يااااااااااااااااه خياااااااااااااال
مع شبت الحطب
وبقطبه مو خيمه
القطبه - بيت شعر صغينون

ومره امطرت وكنت عند خوالى
ويفزع خالى للبل
واطمر معاه
وطول الوقت لابده بالسياره ومتغطيه بالفروة
وجتنى الشجاعه وحولت
وساعده نحشر الحيران بالشبك
.

ياخى مغامراتنا حنا ياربع الجمري وشاى الشيح
احسن منكم ياربع كنتاكى و ريد بول بجوااانح

كع كع كع كع
http://www.rafha.com/vb/images/smilies/a78k_171.gif

النشره / امطار متواصله من نصف ساعه الله يجعل فيها البركة

[ريانه]

<< قتلت روبي ..ماعاد اقولك روبي

وش راي اقول لك عوعو << تسمع بالدلع



فشلتيني ناويه انزل صور كشتتنا :(
واحنا نشوي هامبرغر
ههههههههههههههههههه


وصدقتي المطر غير في البر .. طلعنا الخميس للمخيم وامطرت علينا ..شي مو طبيعي يجنن

عوعو ودي اسولف بس خربنا موضوع الرجال
السموحه همام >>احذف اللي مايجوز لك ( البساط احمدي )


مره ياعروبه طلعنا البر وفجأة تجمعت علينا البعارين

كلناااااااااااااااااا دخلنا في سياره وحده
ههههههههههههههههههههههههههه

مابقي الا جدو وتيته وخالي قرانديزر متوزي ورى امه

امزح معك عاد كل اخوالي ابطال قعدوا يأكلون البعارين تمر وجزر وهم جالسين مبسوطين

تصدقين الجمال كلت رز وسلطه >>خربوها اهل الرياض

الزبده ان موضوع الرجال صار سلطه لو انه لك او لي كان عادي حلالنا واحنا حرين

[عروووبة]

^
^
ماقلت ربع كنتاكى
كع كع كع

أجل تشوون كنتاكى
قولى تسبد قولى مصارين قولى كراع نعجه <<< خير أن شاء الله جايه من مقصبه الاخت

بس وشو عوعو

يرحم الله روبي عند عوعو
اجل قمت اعاعى

قولى
عرب
قولى عربرب
قولى عـ وانا اكمل الباقى

بس عوعو
يالله الجنة

ولا يهمك ( همام يقولون عقب صورته اللى هنا .. بنده المشرف العام يقول ليه تقهرن وانا بمريكا
عاد مشرفينا هنا كلهم من شلة
حبشه
وعظيم سرى
ولعبونى ولا اخرب عليكم
http://www.rafha.com/vb/images/smilies/a78k_171.gif

<<<هذى وش تهرج

[شمـــاليه]

< جايه بالمشعاب

اسمعي يا الخكريه ياراعية الرياض :th_2mo5pow:

والله لا صار مو هرفي والا تيس والنار شاعمه والدلال على جالهن والمطر يضرب وانتي متجوده بالفروه :a78k_9: وقدامتس كاسة حليب ماشربتيه ونص الجمري رمل وسنونتس طقطق من البرد والرمل ماتصير كشته :tongue3:

بعدين ياحلالي وشنوح تكشتون بالمخيم؟ هذي كشته بالله؟
المخيم حاشرينتس في رواق يعننه حوش وطاقين لتس خيمه زي جدران البيت ماتشوفين مد نظرتس < ياويطي بص

لاصرتي ما خذتي عزبتس وخيمتس ودقيتي سلف الجيب وهمزتي الجيب على طريق لينه لين تجين نعجه وطقيتي خيمتس على راس طعس وشبيتي النار وشفتي رفحاء من بعد 100 كيلو ماهي كشته < تسذوب :)

وش رايتس تجين لمنا ونكشتس انا وعروبه :shy

مشكور استاذ همام على الصوره جعلها الله سيقا خير وبركه وعم بنفعها ارجاء البلاد < نست الموضوع الاساسي

[همّام]

وعليكم السلام ورحمة الله وبركاته ...
ما شاء الله تبارك الله ...
عاشت الرياض أياماً رائعة خلال الأيام الماضية والحمد لله ...
ليلة الجمعة الماضية هطلت أمطار من أم الجماجم وحتى الرياض ...
رجاءً لا تقل "بدري" فأنا حساس وأحياناً أكون مرهف الحس ...
شكراً لقلبك الكبير أخي همام ...




هلا بك أخي الكريم
ما اشاء الله يطرح فيها البركه

بعدين انت مرورك كالمطر متى ما حضر سر النظر
حياك

[همّام]

جعلها الله أمطار خير وبركة ..


شكراً همام
أما التصوير تصوير محترفـين ^,^


هههههههه
اي بالله محترفين

العفو يالغالي

[همّام]

وعليكم السلام ورحمة الله وبركاته ...

جعله الله امطار خير وبركه

يازين المطر


آآآمين

حياك الله أختي الكريمة

[همّام]

وعليك السلام والرحمه

وليه مكثر الصور الله يهديك وحده تكفي :)



سلمت الايادي وجعلها الله سقيا خير

ياحلو شوفة المطر وريحته






الجود من الماجود

أنوي نشر صور بس قديمه بموضوع مستقل

حياك الله أختي الكريمة

[همّام]

^
^
ريري لاتستعجلين على رزقك
بكرى راح تشوفين ان شاء الله
الصور تعدين وتغلطين

ونسوي جمرى
وشاهى شيح وقيصوم

الله يبارك لنا بالمطر
والحين قاعده تطش طش

سننتظر التقارير المشيحه من ابي محمد أو منك

[همّام]

:bb39:

:a78k_21:



:a78k_193:

روبي ترى هذا باقي المطر >>بعد ماشبعنا منه وغرقنا جاكم >>stp
:bb24:



جات الحزينه تفرح ما الأتلاهش مطرح

[همّام]

ما شا الله امطار خير وبركه

حائل وبريده والجوف
من اليوم تمطر عليها

الله يرزقنا المطر بالشرقيه ويزين الجو عندنا


كثر الصور يا همام بالمره الجايه


تبشر يا اخوي
باذن الله
تعرف بالليل ما تلاقي اشياء جيده للمطر
لكن باذن الله
البقية ما يقصرون

[شمرية رفحاء]

جعلها الله سقيا خير وبركه......بصراحه جو رفحاء اليوم شي.

[همّام]

ما شاء الله أختي شمالية
داخله جو البر من قلب

ترى كل ناس لهم طقوس معينه يجدون به الأنس النسبي
يأنسون بها ويستمتعون
حتى لو كانوا بمخيمات : )
وقد لا تعجبهم أفكارنا التي نرى فيها المتعة

شكرا لمرورك الطيب

[همّام]

جعلها الله سقيا خير وبركه......بصراحه جو رفحاء اليوم شي.


آآآمين

صدقتي الجو كان رائع
إلى الغروب اصبح فيه غبار خفيف جدا
نرجو أن لا يزيد ويعكر الصفو

شكرا لك

[ريانه]

.
وطول الوقت لابده بالسياره ومتغطيه بالفروة
وجتنى الشجاعه وحولت
وساعده نحشر الحيران بالشبك
.

ة


صباح الشيح
تصدقين ياعروبه توني استوعب كلامك .. ( الملون بالاحمر )

تعرفين وش فهمت البارح
وساعده >>يعني ذراعه
نحشر >> انحشر .. انحشر في مكان ضيق يعني نشبت يده في الشبك وهو يدخل الابل داخل الشبك

الحيران >>قلت بنفسي عروبه من السرعه لخبطت الحروف قصدها الحين

يعني انتي في السياره ولما انحشر ونشب ذراع خالك بالشبك هالحين نزلتي >>صار فيه دافع لك ونزلتي تساعدينه وتنقذينه
حتى اني نقدت على نفسي وقلت وراي ماقلت لها الحمد لله على سلامته

:fkD21983::fkD21983::fkD21983:


هههههههههههههههههههههه
هههههههههههههه
اجل دخلتي سمول البعير للشبك >>بطله والله بطله :11owoff:


بعد اذنك ياشيخ همام :biggrin:


** شماليه مو كل مخيم يعني رواق ..فيه مخيمات بدونه .. يعني البر لك كله واذا كانت العائلات كثيره ( حوالي عشر عائلات ) فنقل خيام واستعداد شيء مو سهل خاصه ان الكشتات قليله .. عندنا في الرياض محلات تطق لك خيام في المكان اللي تبي وتأمن لك اللي تبي ( من الابره للصاروخ .. على قولة اخواننا المصريين) بس ادفع وتعال بثيابك

:MonTaseR_70:تصبحون على جو رايق وتمنياتي لكم بالسعاده

[الحارس الذكي]

صباح الشيح
تصدقين ياعروبه توني استوعب كلامك .. ( الملون بالاحمر )

تعرفين وش فهمت البارح
وساعده >>يعني ذراعه
نحشر >> انحشر .. انحشر في مكان ضيق يعني نشبت يده في الشبك وهو يدخل الابل داخل الشبك

الحيران >>قلت بنفسي عروبه من السرعه لخبطت الحروف قصدها الحين

يعني انتي في السياره ولما انحشر ونشب ذراع خالك بالشبك هالحين نزلتي >>صار فيه دافع لك ونزلتي تساعدينه وتنقذينه
حتى اني نقدت على نفسي وقلت وراي ماقلت لها الحمد لله على سلامته

:fkD21983::fkD21983::fkD21983:


هههههههههههههههههههههه
هههههههههههههه






:0017::0017::0017::0017:


هذي عرووووبه مازالت فاقده الوعي من هول الصدمه

مراسلكم من العنايه المركزه

:a78k_171::a78k_171::a78k_171::a78k_171::a78k_171: :a78k_171::a78k_171:

شكرا همام على الموضوع اللي خلنه الأخوات سلطه

تكفى باند لهن :ebt2029:

[شمـــاليه]

صباح الشيح
تصدقين ياعروبه توني استوعب كلامك .. ( الملون بالاحمر )

تعرفين وش فهمت البارح
وساعده >>يعني ذراعه
نحشر >> انحشر .. انحشر في مكان ضيق يعني نشبت يده في الشبك وهو يدخل الابل داخل الشبك

الحيران >>قلت بنفسي عروبه من السرعه لخبطت الحروف قصدها الحين

يعني انتي في السياره ولما انحشر ونشب ذراع خالك بالشبك هالحين نزلتي >>صار فيه دافع لك ونزلتي تساعدينه وتنقذينه
حتى اني نقدت على نفسي وقلت وراي ماقلت لها الحمد لله على سلامته

:fkD21983::fkD21983::fkD21983:


هههههههههههههههههههههه
هههههههههههههه
اجل دخلتي سمول البعير للشبك >>بطله والله بطله :11owoff:


بعد اذنك ياشيخ همام :biggrin:


** شماليه مو كل مخيم يعني رواق ..فيه مخيمات بدونه .. يعني البر لك كله واذا كانت العائلات كثيره ( حوالي عشر عائلات ) فنقل خيام واستعداد شيء مو سهل خاصه ان الكشتات قليله .. عندنا في الرياض محلات تطق لك خيام في المكان اللي تبي وتأمن لك اللي تبي ( من الابره للصاروخ .. على قولة اخواننا المصريين) بس ادفع وتعال بثيابك

:MonTaseR_70:تصبحون على جو رايق وتمنياتي لكم بالسعاده


ساعدت / ساعدة خالها
في حشر / واضحه
الحيران / صغار الابل < البعيرات الصغيرونات < ياااي
بالشبك / ماتبي مفتي

فهمتي يا ريونه والا اجيتس مشي للرياض :MonTaseR_125:

[عروووبة]

ريانة الله يقطع ابليسك
حسستينى انى بنغالى يلعب كيرم
.
.
مو سمو البعير
هذا سمو صغير سمو بعير
....................

الحارس الزكى اوى اوى
قبل كم يوم نرد على وحده انا وعقارب
ننصحها تعطيى اختها راشدي

وريانة تحسب راشدى طبيب شعبي برفحاء
انا مو بالعناية
انا بالمقبرة جالسة سيروا على

تصدق ناوية اسويلها اختبار قدرات للهجة الرفحاوية

بعدين
وليه انت تحرش همام علينا
اصلا همام مبند بس هذا سميه
.....................

شمالية بعدي انتى يابعد حيي

[ريانه]

ساعدت / ساعدة خالها
في حشر / واضحه
الحيران / صغار الابل < البعيرات الصغيرونات < ياااي
بالشبك / ماتبي مفتي

فهمتي يا ريونه والا اجيتس مشي للرياض :MonTaseR_125:

انا فهمت من البارح بس انتي توك تفهمين :)

انا فهمتها وعلقت على فهمي الاول فهمتي << سلطه

عندنا مثل يقول ( كم فاطر( ن) شربت في جلد حوارها ..
ومن هالمثل فهمت رد عروبه وجيت وعلقت على فهمي الاول .. وانتي تحسبينني الى الان مافهمت


بس ماقالت لنا عروبه هم مجاهيم والا مغاتير << ادري اني فاهمه


** الحارس الذكي ترى معنا شماليه وتقدر تبندك زي السلامو عليكم :a78k_60:

[ريانه]

من جاب طاري طويل العمر >>سمو

انا قلت سمول ( يعني صغير )


بعدين ياعروبه اتذكر انك بتسوين امتحان قدرات في لي وينه يامال الجنة الباردة

[عروووبة]

^
^
الله يقطع سمول شيطانك
تو انتبه والله من العجله يجينى احولال بالحروف
المهم // ريري

انا الحين فى سوى هوشة كبير اوى اوى مع نفرات الاتصال

وفى يوم ما
يومن ما سميتى به
اغير عليك
غارة الحر على سرب الحمام
واعطيك امتحانن
ماسمعتيبه فى حياتك
اهم شي انتى تعرفين للرسام .. صح او لا صح

همام
انت تشوف هالى رثعوا بموضوعك
ريانه على شمالية على الحارس
انت ليه ماتعاقبهم
ماش متراخى معهم حييييل

ترى وانا اختك هذا زمانن ماينفع الطيب لو تشريه
ازنقهم
<<<< والله من تعقيد الشوش:a78k_171:

[عروووبة]

عقب عواصف
تفج الراس


الان امطار وجو راااائع

[الحارس الذكي]

^
^


همام
انت تشوف هالى رثعوا بموضوعك
ريانه على شمالية على الحارس
انت ليه ماتعاقبهم
ماش متراخى معهم حييييل

ترى وانا اختك هذا زمانن ماينفع الطيب لو تشريه
ازنقهم
<<<< والله من تعقيد الشوش:a78k_171:


:35::35::35:

وتقول لي لا تحرش

عروووووبه

أخت المساكين <<ايه هين

ترى الحروش بالنار مفروش :ebt2025:

والله ماحد رثع غيرك حتى مغامراتك انت وخالك سرتيها

:qh10wxop88::qh10wxop88::qh10wxop88::qh10wxop88:

[عروووبة]

^
^
الحارس ماش انت
فاهم الانظمه والتحريش غلط

راح اوضحلك
أنت خابر اللى كانوا راكبين بعارين وحصن
وهجموا على ساحة التحرير يوم ثورة مصر
عشان يخربون الثورة

ايوه
انت وشمالية وريانه مثلهم
تعملوا على التخريب
وانا دبوس للادارةhttp://www.rafha.com/vb/images/smilies/04.gif

عشان احافظ على نظام المشرف العام من السقوط واتصيد المخربين

ولو تلاحظ انا بعد كل رد اعطى .. موجز عن النشرة : هذى السياسة ولا بلاش

بعدين الحارس: همام حاطن صورتن يتيمه مالها والى . . واللى ماله والى ماله تالى <<< حاسة الهرجة

النشرة الجوية // اجواء شتاء راااائعه وامطار تهطل وتتوقف ....



رسالة خاصة:smii47:
يقول البطة عروووبة ماتدخل ماضوع الا تحوس امه وابوه
شكله مرض الله يستر
لازم اتعالج وادور طبيب اذن وحنجرة

[ريانه]

<< رافع الموضوع نذاله :a78k_60:

[شمـــاليه]

حولتيني اناظره اقول ياربي متى صااااااااار امس متأكده مو فيه ويوم لقيت ردي ضحكت



ودتس بالمحارش ؟ :shy
< رايقه وشبعانه نوم وودها تشابط