المساعد الشخصي الرقمي

مشاهدة النسخة كاملة : ياابوسعد هاالوقت شبة ناره



ابوبادي 12
14 May 2011, 03:11 AM
يقول ابوسعد 0000

واجب علينا نكتب الكفاره
وقول حقك فوق خشمي وراسي
والشعر يشبه صيد هالسناره
بعضه عذب والبعض ياتي قاسي
لكن ترى مهما تطول اسفاره
تبقى عزيز ومن هلي و ناسي
ونت الرفيق اللي شمخ مقداره
غلاك اكثر من عدد انفاسي
والحر دامه مافقد منقاره
اللي يشكك به يكون الخاسي
واللي بجوالي حفظت انماره
تاج لراسي وبالضروره فاسي
وزنقه لزنقه وبيت ودار وحاره
غيرك ماودي يكون من جلاسي

فلاح سعد
رديت عليه وقلت 0000

يامرحبا ترحيبتن بنواره
اعداد ما خط القلم كراسي
تأصل لشخصن لوطلبت أنظاره
انا أشهدن طيب قوي ألباسي
وأبوك قبلك عززو مقداره
وأعلمك وذكرك ياناسي
لالى تناسى كل يوم بداره
في دلتن يشرب جميع الناسي
ياابوسعد هالوقت شبة ناره
وقتن على ماقيل والله خاسي
ضاق الصدر ودي انط ألقاره
بلكي على ماقيل يصفي راسي
ولياعطشنا نشرب المطاره
تشفي عروقن ناشفه يباسي
ياالله عساها من نوى دباره
بين المحاكم ينسجن ينداسي
وياالله عسى الظالم يموت بداره
ولى على الظالم يجي وسواسي
وختامها تر ديرتي بالحاره
ساكن أنا في ديرة الهباسي
أبوبادي

عقارب
14 May 2011, 03:20 AM
الله يا ابو بادي صح لسانك ابيات وصح لسان ابو سعد


ابو بادي متى العرس ان شا الله

وابي اطب منك قصيده غزليه

قديمه او جديده عادي
اكثر قصايدك ما فيهن غزل غيري شوي

إحسـاس
14 May 2011, 03:33 PM
ابو بادي شاعر وافي وحضوره في همس يثري القصيد

عرفته هنا

وقرأت الشعر على اصوله...

احترامي شاعر المنتدى

الحارس الذكي
14 May 2011, 05:17 PM
صح لسانك وعلا شأنك

شكرا اخي الكريم

بـــــــــرق
14 May 2011, 11:05 PM
راقي وجزل يالغالي

بيض الله وجهك وصح لسانك ولسانه

فزاع
16 May 2011, 06:07 PM
صح لسانك يالغالي

روائع ..

ومبدع ..

القصيده جميله ..

الهامووور
16 May 2011, 09:20 PM
صح لسانك

اخوووي و لا هنت

قصيده مميزه

من واحد مميز


تقبل تحيااااا/////تي

ريانه
16 May 2011, 11:48 PM
ماشاء الله عليك .. ابيات رائعه

لك الشكر على مامنحتنا من متعة

ابوبادي 12
17 May 2011, 05:41 PM
الله يا ابو بادي صح لسانك ابيات وصح لسان ابو سعد


ابو بادي متى العرس ان شا الله

وابي اطب منك قصيده غزليه

قديمه او جديده عادي
اكثر قصايدك ما فيهن غزل غيري شوي

اجلته يمكن ان شاء الله بعيد الضحيه بس انت حضورك لازم عواد
اما بنسبه للقصايد الغزل ان شاء الله عن قريب اجيب قصايد غزل
بس مثربي العرس

ابوبادي 12
17 May 2011, 05:52 PM
ابو بادي شاعر وافي وحضوره في همس يثري القصيد

عرفته هنا

وقرأت الشعر على اصوله...

احترامي شاعر المنتدى

ماعليك زود احساس رفحاء بس شاعر المنتدى
انا اهديته لك الا كان ترفضين الهديه وش يقول الشاعر حامد زيد
يقول المحترم يفرض عليك احترامه كانه صاج وحتراماتي لك من هذا المنبر الشامخ اللي مايجمع الا المحترمين

ابوبادي 12
17 May 2011, 05:57 PM
صح لسانك وعلا شأنك

شكرا اخي الكريم
صح بدنك الحارس الذكي ولاهنت على المرور الجميل

ابوبادي 12
17 May 2011, 05:59 PM
راقي وجزل يالغالي

بيض الله وجهك وصح لسانك ولسانه
وجهك ابيض برق صح بدنك اشكرك على المرور الجميل

ابوبادي 12
17 May 2011, 06:01 PM
صح لسانك يالغالي

روائع ..

ومبدع ..

القصيده جميله ..
صح بدنك المبدع مرورك ياالغالي على يعطيك العافيه

ابوبادي 12
17 May 2011, 06:04 PM
صح لسانك

اخوووي و لا هنت

قصيده مميزه

من واحد مميز


تقبل تحيااااا/////تي
صح بدنك الهامور المميز حضورك لاهنت على المرور العذب تحياتي لك

ابوبادي 12
17 May 2011, 06:08 PM
ماشاء الله عليك .. ابيات رائعه

لك الشكر على مامنحتنا من متعة




الله يعطيك العافيه ويستر عليك ريانه

همّام
27 May 2011, 02:27 PM
صح لسانك أخي الكريم
شعر جميل وسلس جدا
استمتع بقراءة حروفك

ابوبادي 12
27 May 2011, 09:41 PM
صح لسانك أخي الكريم
شعر جميل وسلس جدا
استمتع بقراءة حروفك


صح بدنك اخوي همام وانا لي اشرف
انك مريت على قصيدتي ويعطيك العافيه ولاهنت

عيد ثاني
02 Jun 2011, 12:27 AM
رديه جميله تشكرون عليها...

أبو بادي ... صح لسانك ولسان فلاح

ابوبادي 12
06 Jun 2011, 12:45 AM
صح بدنك عيد نيابتن عني وعن ابوسعد مرورك شرف لاهنت