][ الآقـــدار ][

[شمـــاليه]

بسم الله

شيلة الاقدار اداء سعد اليامي



YouTube - ‫شيلة الاقدار اداء سعد اليامي من اخراجي‬‎ (http://www.youtube.com/watch?v=3Oo016eUi9A)

[شمـــاليه]

يا عين عمدان السهر قامت ولا حولش منـام =الهـم جانـي مبتـداه ورحمـة الله شاملـه

تلعب بي الدنيا وأنا كنت أحسـب ان الحـظ قـام=الله يعوض خير فـي جهـد اليديـن العاملـه


مثل العقيم اللـي رزقـه الله فأحلامـه غـلام=من فرحته مـا فارقـة راس الغـلام أناملـه

ما تمت الفرحه وراحة روحه بسـن الفطـام=الله عطا والله خـذا فرحـه ولا هـي كاملـه !

خاف من أوجاع الزمان وفاع من نفح العسـام=وإليـا تمنـى جمَـع أشـد العنـا عوامـلـه


عيا يزيـن الحـال حتـى فالتمنـي والكـلام=الصبـح مقتـول التوهـم ! والليـال أرامـلـه


أقدار سوت بي سوات الشلف عجلات الـولام=تبطش ويبطش فالحشا صيب الجروح الداملـه


شرع الدهر يومين زيـن وشيـن لله الـدوام=عدا الليالي مقبلـه مـدري وشنهـي حاملـه !!!


والحظ ما يسمع ولا ينطـق ولا عنـده نظـام=أظن لو يعرف عـن راعيـه فـــــز وقـام لـه

ما فات مات وببتدي ما دام لي شـف ومـرام=دام الأمل موجـود فقلـوب الوجيـه الآملـه

اللي زرع يحصد وأنا بالنور واجهـت الظـلام=واللي يكرر غلطتـه بانـت عليـه الخاملـه

يا صاح أنا سقت القدم صوبك ولا فيها كـلام=خل النظر حول النظر تلقى علومـي صاملـه


الذيب ما هرول عبث والطق فالميـت حـرام=والحـر تكفيـه الإشـاره لا بغيـت تعاملـه


أنا ما أسج الرجل للي يرتخي وقـت الزحـام=أسجهـا للـي علومه طيـبـه وأزامـلـه

لا من صحبنا ما صحبنا إلا رفيعيـن المقـام=الكير نحرب نافخه والمسك نصحـب حاملـه


ما هانت العشره يا صاح إلا على روس الهـلام=أترك سميلات الجداد ألبـس جـداد الساملـه

اللي ما يعنيني ما يعنيني ولا أعطيه إهتمـام=كوامـلـه نواقـصـه ..... نواقـصـه كوامـلـه

قلنا ذلـول حـزام مردوفـه وزعلنـا حـزام=يحسب ذلول حزام لا مدري يحسب حزام لـه

أقدام سيقـان النعـام تأثـر بـروس النعـام=أثر النعامه راسهـا لا طـال تصبـح ثاملـه

حمل الرسايل والمسافه فوق جنحـان الحمـام=الطير بالمكتوب حايـم للوطـن مـا حاملـه

روس الحبال معقده ما بين جوخ وبيـن خـام=الموقف الغصـاب سلـم لـي علـى قراملـه

الطيبين مصدريـن العلـم قصـاص العظـام=الطيب لو ما جـاء ولا جاهـم يغنـي زاملـه

وإن ضاعوا أهل المعرفه قلنا على الدنيا السلام=أصل الأصايـل يحتويهـا مـا تعَـود هاملـه

يعنها اللي فاللقاء ضاري علـى ورد الحيـام=يزعزع البيدا ولا جـار الزمـن فـي زاملـه


كان الزمن عيا يطيـع فخلهـا راس وسنـام=واخيك من بعد التعب عبـر إبتسامـه جاملـه


لشاعرها / عبد الله بن عماره

[الحارس الذكي]

شيله رائعه

والاروع نقلكِ لها

شكرا لكِ

[شمرية رفحاء]

بارك الله فيك.

[شمـــاليه]

شيله رائعه

والاروع نقلكِ لها

شكرا لكِ


حياك وبياك الرائع مرورك طال عمرك

[شمـــاليه]

بارك الله فيك.


حياتس وبياتس منوره الموضوع

[دعاني الشوقـ..]

تشكري عزيزتي شماليه نقل رائع وننتظر جديدكـ.. يالغلا..
دمتي بالمــ،،،ــرات..@

[فيونكه حنونه]

مبدعــــــــــــــــــــــــهـ ياشوووشووو*** اعذب التحــــــــــــــــــــــــايا لكي’’’’

[شمـــاليه]

دعاني / حياتس وبياتس اشكرك على مرورتس

[شمـــاليه]

فيونكه / حياتس وبياتس وياهلااابتس