رفحاء تتجاوز الرياض ومكة في ارتفاع درجة الحرارة

[همّام]

لو قال لي واحد لربما شككت في الخبر
لكن الحقيقة أن أعلى درجة حرارة تسجل خلال اليوم هي في رفحاء
نعم صحيح قد تنخفض بعد ذلك بينما تبقى بعض المدن بارتفاع

تابعوا وتفضلوا بالتعليق

حسب الطقس من اليوم وحتى الجمعة الدرجة العظمى :

رفحاء / الثلاثاء 47 / الاربعاء 47 / الخميس 48 / الجمعة 47

الرياض / الثلاثاء 45 / الاربعاء 46 / الخميس 46 / الجمعة 46

مكـة / الثلاثاء 45 / الاربعاء 46 / الخميس 46 / الجمعة 44

[شمـــاليه]

الله يستر والله حر بالحيل
الله يرحمنا برحمته

شكرا مشرفنا

[همّام]

الله يستر والله حر بالحيل
الله يرحمنا برحمته

شكرا مشرفنا


صراحة أنا ملاحظ من كم يوم الدنيا مولعة نار
تغيب الشمس والحر لاهب
فقلت إذا في رفحاء كذا
وش حال أهل الرياض

طلعوا نفس الوضع
ونحن نتجاوزهم في أعلا نقطه ارتفاع


شكرا لطيب مرورك

[ابونايف]

الله يعين عاد مخطط غدا على رحلة عن طريق البر الساعة 2 بعد الظهر ...

مشكور مراسلنا من الاحوال الجوية ...

[ابو متعب]

تقريباً قريبة من بعض لو حسبنها كمتوسط حسابي وخلال اربع ايام

رفحاء / 47+47+48+47=189 درجة مئوية
الرياض /المجموع 183 درجة مئوية
مكة / 182 درجة مئوية

الله يلطف بنا حرارة تذوب البعارين والمسامير

[ريانه]

الله لايسلط علينا بذنوبنا >> حسيت أني عجيز :)
شوفوا وش مسوين يا آل رفحاء

ههههههه

[ابو متعب]

^^^^
مالنا شغل هذا الله يسلمك بسبب ذوبان الجليد ارتفعت حرارة الارض وحنّا الضحية بالسعودية

[همّام]

الله يعين عاد مخطط غدا على رحلة عن طريق البر الساعة 2 بعد الظهر ...

مشكور مراسلنا من الاحوال الجوية ...

وين 2 بعد الظهر
صادق انت ؟؟؟

اقول ارتح بس لا تتحرك قبل 5 إلا إذا الضرورة بالغة والوجهه شرق
أما إذا تبي تتنطح الشمس تتذكر الضب : )

[ريانه]

اي جليد >> كان حق الفريزر لما تطفى الكهرباء في رفحاء البهيه
:ebt2026:

[همّام]

تقريباً قريبة من بعض لو حسبنها كمتوسط حسابي وخلال اربع ايام

رفحاء / 47+47+48+47=189 درجة مئوية
الرياض /المجموع 183 درجة مئوية
مكة / 182 درجة مئوية

الله يلطف بنا حرارة تذوب البعارين والمسامير

حتى لو متساوية شيء غريب يعتبر
نحن دائما اكثر انخفاضا في درجة الحرارة منهم
هذا وما جانا شهر آب (اغسطس )

[ابونايف]

وين 2 بعد الظهر
صادق انت ؟؟؟

اقول ارتح بس لا تتحرك قبل 5 إلا إذا الضرورة بالغة والوجهه شرق
أما إذا تبي تتنطح الشمس تتذكر الضب : )

مافيه مجال الرحلة تسير حسب الجدول المعد لها والساعة 5 بضواحي حايل يابعد حي ...

[عمار الزيادي]

يالله لطفك .

المكيفات شغالة باستمرار وماتطفا ..

البيت من الداخل براد .. لكن اطلع بهالدفا برّ ..

يالطيف لطفك .. الحمدلله على كل حال ..

الله يعطيك العافية / همام .

[همّام]

الله لايسلط علينا بذنوبنا >> حسيت أني عجيز :)
شوفوا وش مسوين يا آل رفحاء

ههههههه


أها
الله يغفر لنا ولجميع المسلمين

أنتشرت في الآونه الأخيرة في المجتمع أشياء لم تكن موجودة
فلا أمطار ولا ربيع وعسى الله يتجاوز عنا

[همّام]

مافيه مجال الرحلة تسير حسب الجدول المعد لها والساعة 5 بضواحي حايل يابعد حي ...


مشكلة الأمريكان لازم على الموعد

على العموم
كان معك مزيد وقت
حياك الله ما حنا قايلين قهوة بالقايلة
لكن ميلك شيك
ما تحس بالحر بعده إلا حول العرايش : )

[همّام]

يالله لطفك .

المكيفات شغالة باستمرار وماتطفا ..

البيت من الداخل براد .. لكن اطلع بهالدفا برّ ..

يالطيف لطفك .. الحمدلله على كل حال ..

الله يعطيك العافية / همام .



الله يعافيك أخي عمار

ماهي سالفة صراحة
لكن عسى الله يهونها

[الحارس الذكي]

الله يستر ..

حتى بعد ماتغرب الشمس يكون الجو حااااار

شكرا همام ,,

[همّام]

العفو أخي الحارس الذكي
حياك الله

[عروووبة]

امس كنت ادوج مع البابا من الساعه 10 الصبح ولا رجعنا للبيت إلا 11ونص
يالله سترك حر ماهو طبيعي

.
.
بعدين ابو نايف الاقرنتشي ( وشو 2 الظهر ياعنك ماتاصل ديرة بعد حيي إلا انت فحمتن جالسه
عاد احتياطن لاتسرع عشان الكفرات
بعدين عليك بالفانيلة والبرمودا ( طقم وصلع ودرابيل وبرمودا . . . وين ابو متعب :ebt2026:

همام ( وش ميلك شيك . . ماينفع معه
هذا محتاج حليب نياق
عشان يسافر زين
:ebt2026:

[ابو متعب]

عروووبه...ابو نايف وقفوهـ نقطة تفتيش قبل فترة حوالي الحفر وطلع لابس لباس فضيع يا ساتر من الزهق والحر ابو نايف علمهم وش كنت لابس يوم يحولونك لضابط خفر هههههههآآآآآآآآآي<<<قايلك اترك المفاطيح عنك

[عروووبة]

عروووبه...ابو نايف وقفوهـ نقطة تفتيش قبل فترة حوالي الحفر وطلع لابس لباس فضيع يا ساتر من الزهق والحر ابو نايف علمهم وش كنت لابس يوم يحولونك لضابط خفر هههههههآآآآآآآآآي<<<قايلك اترك المفاطيح عنك

وافضيحتنا بين العربآآآآآآآآآآآآآآآن
وش هو لابس
هذا تراه من العجله خطف اقرب شي على الحبل

ترى ابو نايف هذا مانعرفوا ابد ابد
.
.

[ابو متعب]

^^^^
خليها على الله فضيحتن لسابع اللطيف

[عروووبة]

<<< تضرب على راسه تلطم بلغه اخرى:bb38:

وين المشرف العام
المعرف المذكور
بندوووده
لبسوه البشت الاشهب

عاد لابسن وزره
اوخذ ياماخوذ
<<<< تطلع اشاعات:D

[عبدالله الجبل]

الله يكفينا جهنم وحرها ...
بشروا إن شاء الله الأخ أبو نايف وصل حائل سالماً ...
حتى الرياض حارة هذه الأيام ...
أذكر في الماضي كنا نقضي الإجازة الصيفية في (الهبكة) وكان الجو لطيفاً من بعد صلاة العصر وفي منتصف الليلة يكون الهواء عليلاً ...
كنا نستخدم المكيفات من حوالي العاشرة صباحاً الى الرابعة عصراً ...
كانت أياماً جميلة في تلك الأجواء ووجود الآباء والأعمام رحمهم الله رحمة واسعة وأسكنهم فسيح جناته ...
أما المشروب الذي ستقدمه لأبي نايف فقد أعجبني أضحك الله سنك ...
أتمنى أن تُقدمه لي عندما أزورك شريطة أن لا تُكثر من تحريكه فأنا منهي عن كثرة الحلا ...
شكراً لك أخي همام ...

[أبويوسف]

الحمد لله على كل حال ولكن أنت وينك ياهمام ماتواكب أحداث العالم أما تعلم ياعزيزي أن الطقس في العشر السنوات الأخيره أنقلب رأسآ على عقب
والخافي أعظم وعسى الله يرحم حالنا وحال المسلمين والله يعين برمضان الناس اللي تشتغل تحت أشعة الشمس مهي مثلك أنت وابو نايف تحت هالمكيفات وتشتكون من الحر ياويلكم على الماضي ياجيل النيدو ههههههههههههههه000
أطلب من الله في هذه الساعة المباركة أن يرحم والدتك ياهمام000تقبل خالص محبتي000

[ابونايف]

http://store2.up-00.com/Jun11/Hcb02527.jpg (http://www.up-00.com/)

هذي صورة توضح درجة الحرارة الساعة الثالثة بمحافظة رفحاء حسب الشاشة الموجودة بسيارتي ...

اخي عبدالله الجبل الحمدلله وصلت الرحلة بسلام ...

وابو متعب و عروبه لهم حساب خاص بعد عودتي من الرحلة ...:148:

[شمـــاليه]

لي يومين ماطلعت حتى بالحوش من الحر
الله يرحمنا برحمته

[عروووبة]

http://store2.up-00.com/Jun11/Hcb02527.jpg (http://www.up-00.com/)

هذي صورة توضح درجة الحرارة الساعة الثالثة بمحافظة رفحاء حسب الشاشة الموجودة بسيارتي ...

اخي عبدالله الجبل الحمدلله وصلت الرحلة بسلام ...

وابو متعب و عروبه لهم حساب خاص بعد عودتي من الرحلة ...:148:

الحمد لله على السلامه وإن شاء الله تتم رحلتكم على خير
بس مادرى وش اقول ( تهز راسه)
وزره
له له له
بعدين ترى ابو متعب يحدن حد احش فيك
أنا حبيبه ماقول شي ابدن
:smii47:

[عبدالله الجبل]

حمداً لله على سلامتك أخي أبي نايف ...
أما أبو متعب فقد تغير طبعه وحذاري أن تُسافر معه إلا وأنت متلحف بفروة طفالية حتى لو كنت في عز الصيف ...

[ابو متعب]

^^^^
يالله دخيلك من الاشاعات
احلم عمو ابو محمد تراااك طيب وحبوب ولا ودّي اطلع عليك اشاعة مغرضه تهد حيلك

[بصمة مبدع]

الله يكفينا حر جهنم


شكراً أيها الصديق العزيز

[شمرية رفحاء]

الله يستر بستره....ويكفينا شر نار جهنم...مشكور مشرفنا.

[التابلاين]

يازين حر رفحاء الخبيل اللي رايح يدوج بالشرقيه بالحر هذا والله من ردي الحظ

[الكاشف]

وش رايك يا مشرفنا العزيز على أبها .
يذكرون البراد والأمطار والا خلنا بديرتنا أوفر الخسارة ما هي زينة كله شهر نلبد تحت هالمكيفات لين تنتهي موجة الحر .
في ما مضى من الوقت كان أغلبية الأهالي في هذه المحافظة يسكنون البراري بيوتهم من الخيام وبيوت الشعر لا يوجد لديهم أي نوع من أنواع التبريد ، الجيد منهم اللي عنده مهفة وهي قطعة من سعف النخيل يومي بها قدام وجهه ومع هذا تجدهم مستانسين وما بهم إلا لعافية .

[عقارب]

الله يعين ان شا الله ويخف الحر

اما درجه الحراره بالجبيل امس واصله 49


والله يعين على الي جاي



شكرآ همام