تفــــــاحة آدم

[خــطوط إيحـــاء]

أحبتي أعضاء هذا المنتدى الكريم

مديت كف الحرف فى أول حضور ،،، بأول لقاء تعريف ،، والكيف رايق

والفكره اللي تعطي القاف دستور ،،، هي مصدر الإيحاء لكل ،،الوثايق

في منتدى رفحا للشعر جمهور ,,, أذواق تروي أذواق وهاذي حقايق

لذلك

أدون بالقصائد جل بوحي ،،، وأنثرها على وجه المرايا

فيلمس قارئي أنفاس روحي ،،، ويكتب كاتبي تلك الروايا


إذن ‘ليكم هذا النص المتواضع


طرحت فكري بين فكره وفكره ،،، وحاولت أقيم موقفي بين الأثنين

مابين ضم الشى وأعراب كسره ،،، جتني القوافي كلها دون تعيين

مسترسله ماتاخذ إحسان نظره ،،، نظرة تعقل ماطرت نظرة العين

وحاولت أقيدها بأطراف شعره ،،، شعرة صفاء أنفاس يجتاحها الدين

لعلني أرتاح واحتاط أمره ،،، عن الندم لاينقلب زينها شين

وياحلم أمسي وش ترا أحلام بكره ،،، هي بكرتك بكره وإلا هي سنين

وياخافقي وأرتك على حد شفره ،،، أما تسيل إدماك وإلا لك تعين

وياهاجسي والبوح لعطاك ثقره ،،، لاتنطقه يالين وقته لك يحين

وترا التريث فيه للعقل عبره ،،، وإدراك واسع فى جميع المضامين

وعمق الزجاجه لاتجي وسط حشره ،،، ثم تنكسر مكسره أوتختنق لين

تغتات صبرك وأنت واقع لعذره ،،، ولا تمهلك حسرات صدرك لبعدين

وسيل الأماني ماجمع فيك جبره ،،، وبلعت سيف الآه مطعون حدين

وتفاحة آدم فل المواكيل ثمره ،،، ثمرة حصيل أغواء والنفس تكوين

وإبليس للإنسان معروف كفره ،،، من عهد أبونا موثقٍ بالبراهين

والعبد للرحمن محتاج شكره ،،، هن ركعتينٍ وأغلب الناس غافين

وأقبل ختام القول والبوح جمره ،،، وأدفن لضاها فى خفوق الشرايين



أرجو من الإداره تنسيق القصيده

ولكم جزيل الشكر

[ابومحمدالزوبعي]

خطوط إيحاء بارك الله فيك وصح لسانك وحياك الله في منتدى رفحاء

[عروووبة]

حياك الله بين اخوانك واخواتك
وصح لسانك وعلا شانك

.
.

[ماجد العبدالله]

صح لسانك أيها الشاعــر


ولله درك



استوقفني هذا النص كثيرا

جميل ماترسمه أناملك الذهبيه

سلمت يمينك


سجل اعجابي في نصك الراقي


وتقبل مروري المتواضع

[عمار الزيادي]

يعطيك العافية وحياك الله / خطوط إيحاء .

وصح لسانك وفي أول مشاركة ،

قصيدة رائعة ومزيد من الإبداع ، وشكراً لك .

[الصرح]

حياك الله..

صح لسانك..

[شمـــاليه]

حياك وبياك واهلا وسهلا بك في منتدى رفحاء وقسم الشعر خاصه
صح لسانك وعلا شانك قصيده جزله لشاعر ٍ بزغ نجمه هاهُنا
.
.
ننتظر ابداعك القادم

[همّام]

صح لسانك
في حضورك روعة غمرتنا فرحتها

أهلا بجميل مقدمك
وروعة بوحك
كل الشكر لجمال النص
وحياك الله

[ريانه]

ولنا مع الجمال موعد ..

حضور طاغي البهاء

دمتِ بسعادة ..واهلا ً بمقدمكِ

[ابوبادي 12]

صح لسانك قصيدة جميله

[شامي الدهيمان]

صح لسانك

تشرفنا بتواجدك بيننا

[خــطوط إيحـــاء]

خطوط إيحاء بارك الله فيك وصح لسانك وحياك الله في منتدى رفحاء




يالزوبعي بأول زياره تشرفت
وأضفيت بحضورك مسرات قافي




أخي بو محمد

شرفني مرورك وأسعدني تواجدي بينكم

[خــطوط إيحـــاء]

حياك الله بين اخوانك واخواتك
وصح لسانك وعلا شانك

.
.



فريت فى معجم كتاب العروبه

إن التحيه ردها واجبه حق



وإذا أستمد الحرف زاده عذوبه

فى منطق التقدير يسمو بها النطق

[خــطوط إيحـــاء]

صح لسانك أيها الشاعــر


ولله درك



استوقفني هذا النص كثيرا

جميل ماترسمه أناملك الذهبيه

سلمت يمينك


سجل اعجابي في نصك الراقي


وتقبل مروري المتواضع





وانا أدون فى مرورك إعجابي

يا ماجد الأشعار سجلت لك ذكر


فيه استنار الذوق وعطر كتابي

لك التحيه وإحترامي مع الشكر

[خــطوط إيحـــاء]

يعطيك العافية وحياك الله / خطوط إيحاء .

وصح لسانك وفي أول مشاركة ،

قصيدة رائعة ومزيد من الإبداع ، وشكراً لك .





يا أبن الزيادي واللقاء توجه عطر

بحضورك اللي جمل القاف بوحه



لك التحيه يحمله نايف الشعر

من هاجس التقدير أسقيت روحه

[خــطوط إيحـــاء]

حياك وبياك واهلا وسهلا بك في منتدى رفحاء وقسم الشعر خاصه
صح لسانك وعلا شانك قصيده جزله لشاعر ٍ بزغ نجمه هاهُنا
.
.
ننتظر ابداعك القادم






نجمٍ سطع بالشمال ولاح لي نوره

وحاولت أيمم مشاريفه على رفحا



أشتاقني فى حضورٍ توج حضوره

والقاف دون سطوره وأرسله نفحا



ياملهم القاف ويا ناسه وجمهوره

أسترسل القاف ويطلب منكم صفحا

[خــطوط إيحـــاء]

صح لسانك
في حضورك روعة غمرتنا فرحتها

أهلا بجميل مقدمك
وروعة بوحك
كل الشكر لجمال النص
وحياك الله





ما أقول إلا إنك يا همام ,, الهمام
فى ميادين فكرٍ تستحق الحضور




وانت وافي شعور يحمله أحتدام
شعلة والمشاعر تحتمي كل دور

[خــطوط إيحـــاء]

ولنا مع الجمال موعد ..

حضور طاغي البهاء




دمتِ بسعادة ..واهلا ً بمقدمكِ


الأخت ريانه

شرفني مرورك

وأعتذر من الرواد والقراء عن انقطاعي كل هذه المده

[خــطوط إيحـــاء]

صح لسانك قصيدة جميله

صح لسانك

تسلم يابو بادي