الشمالي ما يبي يصبح وزير . رسالة من العنزي

[شامي الدهيمان]

وجه الشاعر المهندس أبراهيم خليل العنزي رسالة عتب حول تجاهل:: منطقة الحدود الشمالية ::عبر قصيدة شخص من خلالها تطلعات ورؤى أبناء المنطقة .


الشمالي ..

مايبي يصبح .. وزير

ولا حلم يمـــسي أمير ..

الشمـالي صــار همّه ..

ياوطن ( حبة شــعير ) ..!!


* * * * * * * * * *

يا الشعير ..


اكــتب .. وانا اكــتب / عن صفارك .. عن ترابي

بُكــره يقــولوا يُـألب / قبلها .. قــالوا ( رْهــابي )

لايهمونك شه احطب / وولّـــع الدنيــا بْـــثقـــابي



* * * * * * * * *

مجلس الشورى يبيلك .. صـــبح .. مــليناه ليلك

ليمتى وأهل الشمال .. ما شربوا من عذب نيلك ؟

ليمتى وأهل الشمال .. ما تغـــّـنوا في هــديــلك ؟


مجلس الشورى .. دخيلك .. ما تشوف ( شوي ) ميلك ..!!


* * * * * * * * * *


مجلس الشورى وطنا .. نشـــتريه ولا نبيع

للجميع.. اربع فــصوله .. أربعـتهن للجميع

ما هو ْلناس الخريف.. ولبعْض ناس الربيع

والوطن ما هو لعصبه .. والوطن ما هو لديره .. الوطن ذا للجميع ..!!


* * * * * * * * * *

مجلس الشورى تصدق..

مالنا واحد يذود .. ولا يشارك في قرارك ..

واسمنا أهل الحدود .. ( اااه من ها لإسم هذا ) ..مادري وشلون نتبارك ..!!

ورغم أنّـا أبطال لكن .. مابقى منّـا بــطـّل ..

كلنا خايف .. لو انه قال له شي .. انفصل ..!!

مجلس الشورى .. وتصدق / ( اربعـــ400ــمية الف ) حنا

يمكن اكــذب .. رحّ ودقـــق / واســـأل الإحــصـــاءعــــنّا ..


وغيرنا ( ستــ600ــــمية الف ) وعنده بمجلسك ( ست )!!


يعني حنا بالحساب .. ( اربعهْ ) ونبقى صحاب !!



* * * * * * * * * *

مجلس الشورى اهذري .. وْلبلاطك كنت جاحد


مجلس الشورى نسينا .. أثر منا .. فــيك واحد

واحد .. وواجد علينا !!

منهو مدري .. وادري منهو !!

قالوا ان أسمه أسد / مولـده قالوا طـريف

ماعـْمر زار البـــلد / ولا شرا منا رغـيف !!

ورغم أنه صوتنا ..

مادرى في موتنا ..


* * * * * * * * * *

مجلس الشورى .. نبي ..

لا رسول .. ولا نبي ..

نبغى واحد .. بس .. صح / لا انوجعنا .. قال : أح ..!!

[عقارب]

صح لسان الشاعر

وصح لسان الناقل