نقل الصور من الاي فون إلى الكمبيوتر

[ريانه]

صباح اللقيمات

وعسى حياتكم احلى من الفيمتو


نخش في الموضوع

كيف انقل الصور من الاي فون للكمبيوتر بأسهل الطرق
لاني لفيت النت ومافهمت وفي الاخير
قلت مافيه إلا اخواني الرفحاويين
الله لايخليني منهم هم اللي بيعلموني البيضة ومن باضها


تكفون علمونن وش اسوي
:biggrin:

[الحارس الذكي]

افاااا

انا جيت طاير احاسب عندك سالفه :)

لاني محتاجه بشكل كبييير

ننتظر الافاده

[شمـــاليه]

حياكم ريونه / الحارس

سهل نقل الصور من الايفون الى اللابتوب
تشبكين الشاحن في الايفون وتشيلين الفيش ويكون رأس السلك الثاني مدخل يو اس بي وتشبكينه باللابتوب وعادتي تخشين على الصور من جهاز الكمبيوتر

لكن لنقل الصور من الكمبيوتر الى الايفون يحتاج برنامج الايتونز

اذا تبون شرح بالصور حاضرين

[شمـــاليه]

< فاضيه قالت خن اصوووور :ebt2025:

الصور بالترتيب


http://store3.up-00.com/Jun11/ai415917.jpg (http://www.up-00.com/)

http://store3.up-00.com/Jun11/Afz15917.jpg (http://www.up-00.com/)

http://store3.up-00.com/Jun11/M2h15917.jpg (http://www.up-00.com/)

البطاريه خالصه :35:

http://store3.up-00.com/Jun11/zRn15917.jpg (http://www.up-00.com/)

http://store3.up-00.com/Jun11/3eJ15917.jpg (http://www.up-00.com/)

http://store3.up-00.com/Jun11/iLX15917.jpg (http://www.up-00.com/)


تطلع الصور وتنسخين وتلصقين بسطح المكتب او بأي مكان اخر
وسلامتس


عاد لو تبين العكس لازم تحملين برنامج الايتونز في اللابتوب
http://store3.up-00.com/Jun11/o4c16621.png (http://www.up-00.com/)
وتقدرين تنقلين ملفاتك كلها من والى صور فيديو اي شي

[الحارس الذكي]

الله يعطيتس العاااافيه

ماقصرتي ..

بس مافيه بالبلوتوث ؟

[شمـــاليه]

الله يعافيك

الا فيه بلوتوث بس ماعرف لوه :ebt2025:


زبط معك نقل الصور؟

[عقارب]

مبروك الايفون يا ريانه



والله يعطيك العافيه يا شماليه

قبل فتره قعدت يوم كامل وانا احوووووس وحجزت انقلهن وتمنيت جوالي الاول ارسل بلوتوث وتنتهي السالفه


شكرآ شماليه

[الحارس الذكي]

الله يعافيك

الا فيه بلوتوث بس ماعرف لوه :ebt2025:


زبط معك نقل الصور؟


زبط

لكن ما يطلع لي خيار "نسخ"

يا "حذف" يا إنهاء" ؟؟

[شمـــاليه]

حدد الكل Ctrl + A
بعدين نسخ Ctrl + C
بعدين لصق Ctrl + V


جرب

[الحارس الذكي]

حدد الكل Ctrl + A
بعدين نسخ Ctrl + C
بعدين لصق Ctrl + V


جرب

الله يعطيكِ العافيه ..

زبط

صراحه نفعتيني كثير ,,


شكرا لكِ ..

[شمـــاليه]

حياك وبياك عقارب لاهنت

[شمـــاليه]

العفوو الحارس البطل
اي خدمه حاضرين



تعرف تصور شاشة الايفون ؟

[الحارس الذكي]

العفوو الحارس البطل
اي خدمه حاضرين



تعرف تصور شاشة الايفون ؟




اييييه

تظغط زر القائمه و زر القفل :)

[شمـــاليه]

صح عليك يابطل

[ريانه]

فديت هاااااالخشه ياشماليه ..ابجرب واعلمتس وش يصير معي

وانت يالحارس الذكي ادفع عمولة موضوعي :)
كرتون فيمتو



عقارب ..الله يبارك في عمرك .. تصدق اني اتحسف على عمري اللي راح وانا ماشريت اي فون

وبعدين عندك هالاعضاء الحلوين اللي ينحطون على الجرح يبرى وتقعد تحوس
أنا على طول اجيهم



حتى أن ودي اتسلف قريشات ولا فكرت الا فيهم :148:

[شمـــاليه]

حتى أن ودي اتسلف قريشات ولا فكرت الا فيهم :148:




< شالت قشها من المنتدى وهجت
ورررررررررررررررررررررررر

[ريانه]

افاااااااااااااااا

ماحد يمزح معكم

<< عاش مصرف

[همّام]

شكرا لك أختي ريانة
والشكر موصول للأخت شمالية

[ريانه]

طلعوا اصحاب الاي فون ..حياك الله خيو همام


اتذكر ضحك المحلات علينا اول ..جوال النورس والفيصليه والباندا والفارس والدلوعة والمدري وشو

ليه كانوا يسمون الجوالات ؟ ومن كان يسميها وينتشر الاسم مع الجميع



اول جوال شريته النورس ..قسم بالله كنه ولد عصفور من صغره وحصل لي موقف مضحك وغبي معه :)

كنت لما اكلم به ماسمع صوت اللي يكلمني واتعب وانا ضاغطه التليفون على اذني .. وتكلمت مع اخوي بهالشي ..قال عطيني اشوف وبعدها ههههههههههههههه

قال انتي ماشلتي الورقه الشفافه اللي على شاشة التليفون وهي مسكره السماعه :(

ونفس الشي صار مع صديقتي بس انا عاد تفلسفت عليها وانتقمت من اخوي خلالها لما قالت ياشين هالتليفون ماسمع منه


وبث

[همّام]

ايه من الجدة تلقين الواحد ما يبي يشيل اي لصقة
خايف على الجوال ههه
مثل غبار الوكالة الي على السيارات

على فكرة تلك الأجهزة كنا نشتريها قريبا من الالف ريال وبعضها اكثر من شركة نوكيا ؟؟؟
بالله وش هالخدمات الي فيها مقارنة بالايفون
لا وباكثر من ألف يوم الريال يجيب حبة ببسي هههههه
وشوفي اسعارهن الحين بمية وخمسين ريال : )

[ريانه]

صدقت .. يقولون شركة نوكيا صكت وقلبت بسطه :)

عاد يوم شريت الاي فون ودي اني مغلفته بديكور مثل طاولات مدراسنا


* ترى الى الان ماجربت الطريقه يامشمش

[ريانه]

مشمش ياعسل
الله يوفقك ويبيض وجهك ومن تحبين يوم الدين


نجحت الطريقه ياغاليه

الف الف شكر

[ريانه]

شوفي هالصوره من ايفوني اليديد :)
http://up.a7bk-a.com/img1/0ez82356.jpg (http://forums.a7bk-a.com/)

[شمـــاليه]

حركااااااااااااات

بس ليه تجيبين الصور بعد الفجر < تصيييييييح

نبي صور زينه وطبخات مطبخ وبيدينتس بس اول هاتي الفوازير يالله نحتريتس :shy

[ريانه]

<< طقت اللطمه مدري لبست العباة

تصبحون على خير ونلتقي باتسر ان الله احيانا وباهريتس فوازير
<< حسيت اني مريام

[الصرح]

مبروك الايفون ريانة تكسرينوه بالعافية أنشاء الله..

[عبدالله الجبل]

مبارك الجهاز أختي ريانة ...
لدي مشكلة في الجهاز وهي عدم وضوح الصورة ...
كانت المشكلة منذ بداية اقتنائه وقد ذهبت لفرع الشركة (آبل) وطلبوا أن أحجز موعد فقلت لهم قد تكون المشكلة بسيطة ويتم حلها خلال ثواني عن طريق الإعداد قالوا مشغولون بمن لهم مواعيد وحجزت موعد عن طريق النت وكان بعد أيام فتكاسلت من الذهاب خاصة وأن الجهاز قد يبقى لديهم أكثر من أسبوع (يا زين السعودية) ...
سابقاً لا يوجد ما يستحق التصوير خاصة وكانت الثلوج تُغطي المكان أما الآن فالمناظر جميلة وخاصة بوجود أريج الروح وبشاير الغلا فلدي رغبة لتصوريهما مع بقية إخوتهما ...
السؤال هل يُمكن حل مشكلة الكاميرا من الإعدادات ؟!
ملاحظة : لا يوجد عليها لاصق ...
شكراً لكِ ...

[ريانه]

الله يبارك فيك اخينا الصرح واخينا عبدالله الجبل

اخينا عبدالله ..هالحين انت في بريطانيا وتقول يازين السعوديه
السعوديه مافيها لحد الان احد يصلح لك الجهاز .. يالامارات يابريطانيا

اخوي شرا الجهاز اول مانزل بريطانيا ( العام في رمضان ) وهالسنه ارسله مع صديقه اللي سافر قبل اسبوعين لان سماعته خربانه


اشتري لك كاميرا ابرك لك .. وتساهل اريج


منورين لاخلا ولاعدم

[عبدالله الجبل]

شكراً لكِ أختي ريانة ...
لا مجال للمقارنة بين أفضل بلد وبريطانيا وقد نظلم بلدنا في المقارنة ...
لدينا تحصل على خدمة مميزة وبسرعة وبسعر بسيط أما لديهم فالعكس صحيح ...
الأربعاء الماضي كنت مسافراً وأردت تغيير زيت السيارة ...
ذهبت إلى الورشة وأخبرته أنني أُريد تغيير الزيت ...
فقال هل يُناسبك الجمعة ؟!
قلت أنا مسافر الآن فقال لا أستطيع فلدي مواعيد !
ذهبت لمحل آخر ونفس المشكلة ثم وجدت ثالث وقام بتغيير الزيت والفلتر بمبلغ يزيد على (430 ريالاً) !
لدينا ولله الحمد مثل هذه الخدمة تتم خلال عشر دقائق وبمبلغ لا يتجاوز الـ( 100 ريال) أي أقل من الربع ...
أيضاً البنزين هنا غالي جداً (سعر لتر البنزين حوالي 8 ريالات !) ...
الزبدة عندما أقول بلدي أفضل بلد لأنها بإختصار أفضل بلد ...

[ريانه]

والله يا ياعبدالله نحب بلدنا ولو لفينا الدنيا مانبي الا هي

لكن الحب شيء وكلمة الحق واظهار العيوب شيء اخر

ابسط شيء ..انت الان تعتبر من الجاليات الاسيويه ..هل تجد تعامل بفوقيه من البريطانين .. مثلما يعامل المواطن السعودي المقيم الاسيوي !!

[عبدالله الجبل]

البريطاني على ماذا يشعر بالفوقية ؟!
خاصة الإنجليز توجد لديهم عنصرية وهذه مشهورة ...
نحن على ما بنا من عيوب لسنا عنصريون بل إجتماعيون ولله الحمد ...
بلدنا نحبها وأيضاً في نفس الوقت هي أفضل بلد ...

[همّام]

ملاحظة : لا يوجد عليها لاصق ...
شكراً لكِ ...



أهم شيء ما عليها لاصق
خلاص امورك تمام : )

[ريانه]

البريطاني على ماذا يشعر بالفوقية ؟!
خاصة الإنجليز توجد لديهم عنصرية وهذه مشهورة ...
نحن على ما بنا من عيوب لسنا عنصريون بل إجتماعيون ولله الحمد ...
بلدنا نحبها وأيضاً في نفس الوقت هي أفضل بلد ...



بلدنا افضل بلد !!!
والله الشطحه اخي الكريم ..من جاب طاري احسن بلد واحسن مطار واحسن شعب والجو رائع الله يعز الحكومه


على العموم .. وش اخبار التصوير ؟ نبي صور من بريطانيا وانت كريم وبلدنا كريم وشعبنا كريم واحنا نستاهل