طاش ما طاش في الخيمه لايفوتكم

[المعلمة]

الخيمه او الوطنيه برفحاء
تشبه الى حد كبير مسلسل طاش ما طاش
لانها تفتح واذا الناس تعبوا وفتحوا محلاتهم وبدوا الناس يروحون لها
والاطفال يلعبون فيها
سكروها وتركوا الحريم والاطفال والعوائل دون سابق انذار
وش السر ما السبب
على اي شي يحسدون اطفالنا
على زحليقه طويله
او لعبتين موجودات بكل احياء الرياض
ويحسدون الاطفال عليها برفحا
يا ناس خافوا ربكم
بكل ديره تجي الخيمه وتفتح حتى بالرياض فيه وعرعر وسكاكا وكل محل
يعني رفحاااااااااااااااااااااااء حسدهم غييييييييييييييير
حسبنا الله ونعم الوكيل بس فيهم

[متعب فهد]

والله مافهمنا شي فتحوا وسكروا والخيمه .... من الذي اقفل الخيمه من دون سابق انذار وكيف تركوا الحريم والاطفال يعني سكروا عليهم داخل الخيمه من دون ما يقلون لهم اطلعوا ؟؟؟؟

[المعلمة]

والله مافهمنا شي فتحوا وسكروا والخيمه .... من الذي اقفل الخيمه من دون سابق انذار وكيف تركوا الحريم والاطفال يعني سكروا عليهم داخل الخيمه من دون ما يقلون لهم اطلعوا ؟؟؟؟


اخوي متعب
ما تدري ان الخيمه يوم كانت بجنب كودو
وفتحت كم يوم اغلقوها
وانها الحين توها فاتحه بجنب المستشفى والنادي
وبعد كم يوم اغلقوها
؟؟؟؟؟؟؟؟؟؟؟
بسبب الحسد

[متعب فهد]

تونا فهمنا هذا وانتي معلمه يالله توصلين الفكره هههههه على العموم الله لا يجزاهم خير الرزق على الله سبحانه لكن اتوقع لو كان صاحب الخيمه نظامي ماعليه منهم وهو صاحب السوق النسائي برفحاء هو من اشتكى باسم اصحاب المحلات في السابقه واتوقع انه خلف الاقفال هذه المره ايضا شكله بيحدنا ياهل رفحاء نقاطع سوقه كما يفعل مع التجار من خارج المنطقة سواء صاحب الخيمه او غيره يعني سنه كامله ماهي مكفيتك يا ابو ..... وقفت على كم هاليومين الي تبي تفتح فيهن الخيمه ...... ؟؟؟ لاتنسى ايضا انك ايها التاجر الكبير شغلك كله ماهو نظامي تستثمر سوق خضار وبقدرة قادر يصبح متعدد الانشطة واخرها ستي ماكس ؟؟؟ مابقي الا صالة سيارة وفرع للفندق ومواد بناء ههههههه

[الأواكس]

شي غريب فعلا
في رفحاء تغلق وتطارد من موقع لموقع
ما ذنب اصحاب المحلات الي دفعوا الاجار
ما ذنب المستثمرين الي بنوا المباني واستثمروا من نادي التضامن الموقع

[عبدالله الجبل]

ان كان بناء الخيمة نظامياً فلن تُزال ...
الصورة ليست واضحة لدي ويبدو ان الأخت المعلمة لا تعلم الأسباب ...