أحمد الطرقي يرثي مناحي مرضي رحمه الله

[الأواكس]

الشاعر. احمد الطرقي . يرثي مناحي مرضي العنزي الذي وافته المنيه صباح يوم الجمعة 9/ 10 / 1432هـ

الموت ثوب لا بسينه على خير
............ كل من لبس ثوبه تعجبه ثيابه
تمضي علينا سنه الله و نصير
............. عقب الرخا بين الرجا والطلابه
هذا مناحي طيب الذكر ماغير
.............. سلم اماناته. و ودع شبابه
للحين ضحكاته ترش النواوير
............... على الصدور اللي ذبحها غيابه
مامات هذا ودع الناس بالخير
............... خلا لنا الدنيا و طرد الذيابه
اللي علينا ما يعد المخاسير
............... حتى مع اللي مايبيه وحكابه
عساه مايلقى كلافه ولاضير
.............. يرفع يمينه يوم يعطى كتابه
واللي عليه الحزن غطى التعابير
............. يرحمه ربه لا وقف عند بابه
هاللي محبه اكثر الخلق له غير
.............. اكيد ربه حب يرفع جنابه
خذاه عنده لا ندامه وتعسير
................ ما ضاع منهو عند ربه زهابه
هالدرب هذا ماسكينه على خير
................ وكلن بها الدنيا يخيط ثيابه

اللهم ارحمه وتقبله يارب العالمين
أحمد الطرقي

[إحسـاس]

الله يرحمه ويوسع مدخله ويتجاوز عنه
قصيدة مؤثرة

[ريانه]

الله يرحمه ويجمعه باحبابه في فردوسه الاعلى
من اصعب الشعر في نظري شعر الرثاء

[شمـــاليه]

صح لسان الشاعر ورحم الله مناحي واسكنه فسيح جناته

[همّام]

رحم الله مناحي
وأسكنه فسيح جناته

وصح لسان الشاعر

[القروي]

غفر الله له ولأموات المسلمين

[عقارب]

صح لسان الشاعر

والله يرحمه ويسكنه فسيح جناته