المساعد الشخصي الرقمي

مشاهدة النسخة كاملة : يا حــــيف ...!



إحسـاس
01 Dec 2011, 12:46 AM
ماعاد به مكـــــــان حتى تجرحين!
تبارك الله حيـــــــل بي ابدعــــتي!

مع كل شمس اقول يمكن تعطفين
اثرك اليا شفتي(احساسي) فعــتي

احيان اقول بكل طعنك : تمزحين؟
( دنياي) ما اخفيك حيل اوجعتي .

الدمع خلص كان بك طيبة ولين!
مادام كل الحزن بي اودعتي ..

الذنب وشوا ياقصيرات اليدين
حتى ب.... كل هذا طعتي ..؟؟

عطيت قلب وللأسف راجع :حزين
(ياحيف) قلبي ليه حيفك بعتي

اقسم فلا مني خطأ او قلت شينّ!
وش فيك كنك ذيب فيني جعتي؟؟!!

والحين عقب الحزن هذا وش تبين
معقووول لهااا الحين ما شبعتي!!

لولا السنابل كان عقب الركعتين:
( اقول يارحمن عجل نعتي ...)


الى دنياي فقط ..............
6-1-1433
ارجوا ان تكون سنة منصفة للطيبين ...

ريانه
01 Dec 2011, 01:46 AM
مبدعه ..مبدعه ..ابيات رغم الألم والمواجع فهي راقيه ...

قلتي فأحسنتي ..لامستي دواخلنا ياعذبه

لاهنتي ..ولاهان غاليك .. واسعدك الله وانالك ماتتمنين في الدنيا والآخرة

عقارب
01 Dec 2011, 02:10 AM
صح لسانك

كل حزين خارج من هم كبير

ازاح الله عنك هذه الهم اختي احساس



صح لسانك وبانتضار جديدك بكل شوق

أإآسؤؤؤؤؤله
01 Dec 2011, 10:15 PM
صح لسسآآنك آعجبتني صراحه

:a78k_106:

عمار الزيادي
03 Dec 2011, 07:35 AM
آمين ..

صح لسانك .. إحساس ..

شامي الدهيمان
03 Dec 2011, 11:58 AM
صح لسانك

نسئل الله ان يزيل الهم ويفرج الغم

ابوبادي 12
05 Dec 2011, 12:14 AM
صح لسانك احساس دايماً رائعه

الأواكس
06 Dec 2011, 11:55 PM
صح لسانك احساس والله يعطيك العافيه
وعام افراح ان شاء الله عليك وعلينا وربيع عربي للقلوب الطيبه

عروووبة
07 Dec 2011, 01:42 AM
صح السانك
وعلا شانك

وحياك الله وعودا حميدا مبدعتنا
وين الغيبة

همّام
07 Dec 2011, 10:41 PM
لك لغة في رسم الجروح لا يشابهها أحد
تعبير سردي ممعن في الألم

صح لسانك
شكري وتقديري