وينكم يالنشاما ياهل رفحاء

[نواف العجمي]

مرحبا جميعا انا عندي مشاركة في قسم اخر ومشاركتي هي بعض الاستفسارات عن هجرة قيصومة فيحان وحصلت بعض الردود من بعض الاخوان والاخوات الله يبيض وجوههم لكن الي الان ماهي وافية وانا ان شاء الله راح تكون زيارتي للرفحاء بعد اسبوعين تقريبا لكن اذا محد رد علي معناها انكم ماتبغوني ازوركم :bb43: امزح طبعا

[عقارب]

وش استفسارتك


قله واذا قدرنا نفيدك



ابشر ما رح نقصر معك

[عمار الزيادي]

حياك الله / يانواف العجمي ..

مرحباً ألف .. آمر وش بغيت .. ؟

أخونا عقارب سأل ومارديت ..!!؟


بس .. طالبك لا تقول الرفحاء والخيمتنا ..

قل : رفحاء والا محافظة رفحاء ..

ترى قولت واحد قبل كم ليلة .. يقول :

لواحد أنت جاي من آخر الدنيا من (الرفحاء ..).

المهم :ـ

تفضل .. اسعل ..

[نواف العجمي]

يامرحبا ياخوي عقارب
اخوي عمار الله يحييك ويبقيك
انا ابغى اعرف هجرة قيصومة فيحان جاها مطر
فيها ماء حلو
فيها محطة وقود
فيها شبكة جوال
فيها بقالة
ابغى ارقام مكاتب تاجير الخيام في رفحاء
هذة اسالتي واسف عالاطالة وكثرة الهرج ولا هنتوا على كل حال

[عمار الزيادي]

يامرحبا ياخوي عقارب
اخوي عمار الله يحييك ويبقيك
انا ابغى اعرف هجرة قيصومة فيحان جاها مطر
فيها ماء حلو
فيها محطة وقود
فيها شبكة جوال
فيها بقالة
ابغى ارقام مكاتب تاجير الخيام في رفحاء
هذة اسالتي واسف عالاطالة وكثرة الهرج ولا هنتوا على كل حال



حياك الله / يانواف ..

مطر يجيب الله خير .. علينا هالحين غيوم ولا ندري ..!!

والماء الحلو .. مالظاهر .. علماً أن فيها قلبان ..

بس .. فيه الحدق قريبه منها فيها

ماء عذب ..

والقيصومة فيها محطة ..

جوال مدري .. لكن إذا أنت في مكان مرتفع يطلع لك كم برج ..!!

واحتمال كبير اشتغل فيها الجوال ..

وفيها بقالة ..

أرقام اسمح لي ما أعرف أرقامهم .. لكن ..

فيه ناس تأجر خيام ..

أرجو أن أكون قد أفدتك عن المطلوب أو بعضه ..

تاصلنا بالسلامة وتشرفنا ..

وان كان معكم بل (بعارين) لا تنسانا من الحليب ..:biggrin:

إلا إن كان مقناص ..:a78k_36:

[عروووبة]

هذا رد الا بو محمد
بالنسبة لتأجير الخيام هذا رقم أحد المحلات وباقي اسئلتك ان شاء الله الأخوان مايقصرون
0500962903 عبد الله

[عروووبة]

الامطار الله يرزقنا المطر ... السنه هذي محول .. لعل الله يرحمنا برحمته

[نواف العجمي]

الله يجزاكم خير اخواني واخواتي
اخوي عمار ابشر بالحليب ان كان لقينا راعي ابل لان طلعتنا كشتة ومقناص
وين اهل هجرة قيصومة فيحان نبي الفزعة

[نواف العجمي]

اختي عروبة جزاش الله خير

[شامي الدهيمان]

الجوال شغال فيها

من كم شهر شغلوا ابراج الجوال ويشتغل معك الى النفود الجوال

الماء متوفر وكل شي متوفر الا مطاعم الوجبات السريعه ما فيها يعني خبزه وجبنه

واذا عليك هوشة او مضيوم ابشر بالفزعه ادخل علينا وابشر بعزك

كشته موفقه

[عقارب]

واذا عليك هوشة او مضيوم ابشر بالفزعه ادخل علينا وابشر بعزك

كشته موفقه


ونعم والله يا ابو نوف

[نواف العجمي]

الله يجزاكم خير يابن دهيمان وعقارب قدها وقدود كفو
الحين الامور كلها طيبة وكل شي ضبطناه للكشتة بس باقي حااااجة وحدة الا وهي هل جاها المطر
تعرفون اي شخص مقيم في الهجرة انا مستعد اتصل علية واستفسر عن الامطار

[عقارب]

نواف

نقول لك ما جاها مطر


الامطار كلها يم السعير وقريه العليا والرفييعه

[الدب الداشر]

القيصومه .. مرابع طفولة صديقنا شامي الدهيمان ..

حياك الله يانواف ..

[نواف العجمي]

الله يجزاكم خير يا اهل رفحاء الكرام

[الحارس الذكي]

ما اقدر ازيد ..

يعطيكم العآفيه ..

حياك الله نوآف ..

[نواف العجمي]

الله يعطيكم الصحة والعافية عز الله ماقصرتوا كفيتو و وفيتوا