حاميهااااا حراااااميهااااا

[الواقع السعيد]

السلام عليكم ورحمة الله
أذهلني الموقف الذي حدث أمامي والله ان قلبي يتفطر ألما. لما يحدث
أنا توي رجعت من مكان أنا واخوي بحفر الباطن وكان فيه تفحيط ودق اخوي على الشرطة نحسب ورآهم سنع
وانا أتسمع للمكالمه قال اخوي أنا بسالك كم دوريه عندك ورد العسكري على اخوي مستهتر قاله نص دوريه
قاله اخوي ارسل لو عسكري واحد يوقف على الشارع أرواح الناس بغت تروح
توقعت رد العسكري وش قااااااال
والله صدمه رد عليه قال اقول رح أرقد أحسن لك انت تافه استغربت من رد العسكري اذا اللي مؤتمنون على هالوطن يقولون كذا اجل وش يقول الباقي
ليه كذا الأستهتار بأرواح البشر والله احس قلبي يتقطع على موقف كذا

[عقارب]

اختي الواقع السعيد

جميع المكالمات الي تجي على تلفونات الدوارء الحكوميه مسجله

خاصه المرور والشرطه لانها متابعه بدقه

ومن ناحيه التفحيط يبلغ به المرور وليس الشرطه ورقم المرور (993 )مجاني ..!

[عمار الزيادي]

السلام عليكم ورحمة الله
أذهلني الموقف الذي حدث أمامي والله ان قلبي يتفطر ألما. لما يحدث
أنا توي رجعت من مكان أنا واخوي بحفر الباطن وكان فيه تفحيط ودق اخوي على الشرطة نحسب ورآهم سنع
وانا أتسمع للمكالمه قال اخوي أنا بسالك كم دوريه عندك ورد العسكري على اخوي مستهتر قاله نص دوريه
قاله اخوي ارسل لو عسكري واحد يوقف على الشارع أرواح الناس بغت تروح
توقعت رد العسكري وش قااااااال
والله صدمه رد عليه قال اقول رح أرقد أحسن لك انت تافه استغربت من رد العسكري اذا اللي مؤتمنون على هالوطن يقولون كذا اجل وش يقول الباقي
ليه كذا الأستهتار بأرواح البشر والله احس قلبي يتقطع على موقف كذا





العسكري هذا ودي أهدي له شريط أبو ملوح أربعة ..

[ابومحمدالزوبعي]

الله يعين
يجب على أخيك أن يقدم شكوى على ذلك العسكري حتى يتم تأديبه من قبل مرجعه
أما التفحيط في نظري لا يوجد له حل الا بمصادرة السيارة واتلافها فوراً
يعطيك العافية أختي الواقع السعيد

[النشمي عناد]

والله عني ماأستغرب بعض الردود !


مهما كان تخصصهم مخالف لطلب المواطن يفترض الرد

أن يكون مؤدب يعني مو إن المرور جهة الإختصاص

يرد عليك مأمور السنترال هذا الرد !

كان الله في العوووون .

[الواقع السعيد]

بارك الله فيكم جميعا

[صادق الاحاسيس]

المفروض كل اتصال على هذه الجهااات تاخذ بمصداااقيه

مره بلغت على حاادث على طريق الرياض الخرج

قال عطيني اسمك واحتفظ في رقم جوالي

وطبعأ هذا رد غير منطقى من العسكري في الحفر

[عروووبة]

الله يعين
يجب على أخيك أن يقدم شكوى على ذلك العسكري حتى يتم تأديبه من قبل مرجعه
أما التفحيط في نظري لا يوجد له حل الا بمصادرة السيارة واتلافها فوراً
يعطيك العافية أختي الواقع السعيد
لن يتأدب هو ومن على شاكلته الا بالشكوى والاعلام
اقل شي يرد بحترام ويوجه اخوك للاتصال بالجهه المختصه ... بس شكل الاخ من ربع فيتامين (و) ومرتكي ولا همه
شكر الواقع السعيد ..

[مهيد الشمري]

.


و عليكم السلام ورحمة الله و بركاته ..

نعم حاميها حراميها ..



أذكر قبل سنتين تقريبا .. إشارة المستشفى القديم متعطله " خربانه "

و هذه الإشاره خطيره جدا لأنها على طريق حفر الباطن _ عرعر

بمعنى أنه طريق لن يتوقف ..

اتصلت على المرور ..

السلام عليكم ياخوي الإشاره اللي عند المستشفى متعطله ..

رد علي و قال ..

ندري !!

قلت تدري طيب ليه ماتحط لك عسكري بدال الإشاره ينظم السير ؟

ناسي والله وش رد علي لكن من المؤكد أن رده مثل ندري و على شاكلته ..


و الله عيب ..

لا أسلوب جميل مع الناس .. لا شغل

أنواع التفحيط و الإزعاج


حاميها حراميها بمعنى الكلمه

.


أمس الجمعه شفت مقتطفات من جلسة مجلس الشورى و كان من ضمن الاقتراحات ..

أن يكون هناك رقم موحد للاسعاف و الشرطه و امن الطرق و الطوارئ و الدفاع المدني

أتمنى أن نرى فيه خير للأمه .



الواقع السعيد .. شكرا لك على الموضوع الجميل و المحرج للكثير

دمت بخير


.

[الواقع السعيد]

أشياء تقهر ياعروووووووبه صارت أرواح الناس ماتهم المسئولين