مليت واشباهي ( ( قز ) )

[متعب الاسلمي]

يدين تبعثر وبالهبل
اعتادت وصارت البعثره
عادة ولا كأنها مجرد تسليه

ناس تقول لسفرة
لأخر الدنياء ( زرقه )

وناس يشوفون حوايجهم
شوف بالعين المجردة
وبينهم وبين حوايجهم

متاهات

مسافات

قوات

وحدود

واشارة قف

ولوحة ممنوع


ماهي معادلة صعبه
لقيل لبعد المسافات
زرقه ، ، ولقرب مسافة
مسافات شاسعه

ودع قول العرب
ومن ( حصل شي يستاهله )
الا اقول يستاهله الف مرة

بس السؤال الى محيرني
ماهو كيف جمع هذا ولا ذاك
هالملايين ، ، ادري ناسآ
شقت وتعبت ونصف الحصير
لها فراش ونصفه تغطو فيه

الا لمتى ، ؟ فيه ناس مااكتفت
اكتفينا نشوف شوف بالعيون
وملينا قز وقز وقز

ولمتى مايكتفون لز ولز ولز
على كذا بيطول قزنا
وبيطولون يشوفون
المسافات كل ابوها خطوتين

حاجه ولها اعوان
وين حاجتي اللي لزوم

يلوون يدي لوي وبكل
بساطه اقول تمون

عينهم على لقمتي
وليتهم هنا وقفو

ماهو لزوم اشبع لحم
الا تعودت اكل انواع الطيور
ماهو ترف ، ، الا قمت اخم

تجاوزوني وبكل ، ، لا انسانية
رفعو ورفعو ورفعو
حاجة الطفل ومستمرين

بأول الشهر الحليب
له سعر وبأخرالشهربسعر

ا قلب الرضاعه وناظرها
زين شفها من فوق وتحت
وبالبدوي ( تمقلها زين )
هو ليه خلو سعرها
خمس وعشرين


يمكن ضريبة جمرك
وضريبة ميناء وضريبة
نقل وبالاخير ندفع حنا الضريبه


وفرت سيوله
واختفاء حماية مس ته لك
رواتب خمسة وعشرين الشهر
ورواتب خمسة عشرمن الشهر
وناس تستلم رواتب بالافرنجي

وافرح ياتاجر مافيه
بلد غير هالبلد توفر
لك ثلاث رواتب
في شهر

ماتخضع سوقنا
لمسألة عرض وطلب
ولا تكدس ووفره

وفره وعرض
وبكل ايام الشهرفيه طلب
وافرح بعد مستهلك
مايفرق بين ماركة عالمية
ولا يعرف علامة تجارية

هالقطعة سعرها مرتفع
عنده 100% هذي عالمية

واحسن صنف سعره
رخيص يسوي فيها
يعني مستهلك بخيص
يانظرها ويرميها بعد مايقلبها

ويظطرالبايع يرفع سعرها
اضعاف اضعاف وباسبوع
يجني مكاسبها

جاري يبي يوفر
شهر ميه وشهر ثلاث
ميه وحسبنا كم بالسنة
ياهو مبلغ حلو

وسألته بأخر السنة
كم وفرت وقال الا
ماعندك سلف ميه

وين اوفر وربعنا
لهيبيه ، ، عينه على الميه
يرفع السعر بدون اي سبب

بالعالم ترتفع الاسعار
بس حسب مسار
وتنخفض بعد تصريح المستشار

وحنا اسهمنا ترتفع بلا مؤشر
بس كذا طرت وجرت
وتنخفض لمن التجار بقت

وبالنهاية حنا ناس السفره
عندهم لبعد الحدود يسمونها
زرقه ، ، والبعثره عندهم تسليه

وناس الزرقه وهي زرقه
شوف العين ، ، تكلفهم دين
على دين ، ، وقتهم يروح بين
يأخذ قرض ويسدد قرض