ألا يالله عفــوك لا معي بيجــر ولا جــــوال

[الزعيم]

ألا يالله عفــوك لا معي بيجــر ولا جــــوال
ولا عندي وظيفه والتجـــاره فاشــلٍ فيـها

ولا عندي شهـــادات ولا حــرفه تسد الحـال
ولا حــظ كبير لا اخـطـت الجــره يقــديها

مخابي الثوب تومي ما دخلها من زمان ريال
بها فاتورة الكهــــرب ولايمـديني اقضيها

على ذيك العـراوي تتعب الحادي مع الجمّال
ثلاث اشهـور فالورشه وشهــــــرينٍ مغطيها

ابيها لو تجمــّـل يوم واجلبها على الـدلاّل
يجيها واحــد حظـه مثل حـظي ويشـــريهـا

نصيت العسكــريه يوم قالو للنظام رجـال
وقدمـت الملــف وصــورة متشـخـّص فيـهـا

خـذا الاوراق مني واحــدٍ ما عند ابوه دلال
سلوم الناس واهل المعرفه والطيب مخطيها

قراها في دقيقه والتفت عجـــلٍ علي وقال
شهادتك العظيمه ياولد وين انت مخفـــيها

هزّيت الراس ما عندي تقول اني من البنقال
وقمت احـب خشــمه واطلبـه بالله تمشيّــها

نطلها من يده شين الطبيعه والنبا والفال
وقال ازيّن تعـوّد صـوب نوقـاتك تعشــيّها

تناوشته من الكرسي وعفت الحل والترحال
وظربته بالبيـاله عقـب ما بيّحت شاهيـها

خــذوني للسـجن لانيب لا ظـالم ولا محـتال
مجـرد واحـدٍ جـا يكــحل عيـونه فيعمـيها

ويوم اني خرجت اقفيت لارض الله وسيع الجال
على بـرٍ هـــواه يـداوي العـله ويبــريها

ادوّر قصعة الجــربوع والضب الفتي يختال
والارنب يا شفاة الروح ما احلاها وطاريها

بلا كهـرب ولا بيجـر ولا غــازٍ ولا نقــال
قوانين الحضـــاره لا تبي شوفي ولا ابيها


منقول

[$الوميض$]

بـلا كهـرب ولا بيجـر ولا غـازٍ ولا نقـال
قوانين الحضـاره لا تبـي شوفـي ولا ابيهـا


الله يعين,,,

ومشكوووووور يالزعيم

على هالاختيار الموفق.

[همّام]

شكرا لاختيارك أخي الزعيم

[حنين الماضي]

مشكور على نقلك يازعيم

[الدب الداشر]

صح لساااااااااااااااااانك
رااااااااااااااائعه من راوااااائعك يالوميض