$الوميض$
03 Mar 2004, 03:58 PM
في يوم صديقي كان يتمشي باحد الاسواق وهو يتلفت يشوف الفساتين قصدي الثياب ويناظر من يمينه ويساره وفجأة الا حس ان واحد من هالاكياس اللي بيده تحرك ولا شعوريا التفت الا بنت رافعه حواجبها وتطالع فيه بعين قويه وهي تقول ممكن ارقمك يا اطخم وبحركه عفويه سحب خويي الكيس واسرع يحث الخطاوهو ماشي بالسوق الا مجموعة بنات وكل وحده بيدها زقاره على بالهم ان التدخين انوثه (هي رجوله بس هماه الزمن انقلب لازم نقلب حتى الامثال والحكم) ووحده منهم تطالع وتقول بس بس بس بس تبي تلفت انتباهي وانا على نياتي التفت واطالع فيها وهي تقول ارقمك ولا لا وانا اللي احط رجولي بالسوق وانا منحرج واردد ليتني جايب محرم معي
ادخل واحد من هالمحلات اللي تبيع ملابس داخليه رجاليه الا واللي تبيع حرمه ومن ادخل يبدا شغل التميلح واروح وامسك واحد من هالصراويل الطويله واقول لو سمحتي بكم هالصروال وتطالع فيني وهي تخزني خزيز وتقول لك انت ببلاش يا عومررررررري وانا اللي على قولة صدام اقول اطلق ساقيك لا عجلا ولا وجلا واقعد لي بزاويه من زوايا السوق انتظر السواق وانا اصيح واقول هاللي ما يستحون ولا ينتخون الواحد ما يعرف يتقضى ابد ولا يخلون الواحد يشتري مستلزمات حياته من ملابس داخليه وملابس خارجيه وتنسفح دمعه من ماقي العينين باتجاه فناخر الخشم وتختلط بسائل من النخارير الخفيفه وعقبها شفطه داخليه تبلع كل شئ وشهقة ويعقبها زفره مصاحبه برياح عاتيه من الالم والتعاسه والكابه من هول ما يحدث
وعلى جيت السواق ارتحت شوي ويوم جيت ابركب الا عشرات البنات من يميني ويساري وانواع الاوراق عاد البنات عندهم الوان رايقه وردي واصفر وبرتغالي وكل وحده كاتبه رقمها واللي تقول يا مملوح انتظر الوووه الليله واللي تقول اموووت فيك(مات حظها امداها تموت تونا ما قلنا الوووه) واللي تقول ياليتني كيس بيدك واللي تقول ياليتني شنب فوق براطمك واللي تقول اغدى سكسوكه في وجهك واللي تقول اغدى حبة خال في ركبتك وانواع الازعاجات وعقبها ينفجر خويي وبصوت عالي وهو يقول اعنبووووووكم استحو يا تزليلات الحياء تخيلوا بنات يلاحقون اخوانكم ترضونها هاااه ترضونها واسكر الباب بقوة لان خويي تعرض لبعض الحركات اللي ما تنذكر هنا مثل(طووووووووووووووط) و (طووووووووووووووووووووووط) تم حذف تلك المقاطع من قبل الرقابة على المصنفات الفنيه
ادخل واحد من هالمحلات اللي تبيع ملابس داخليه رجاليه الا واللي تبيع حرمه ومن ادخل يبدا شغل التميلح واروح وامسك واحد من هالصراويل الطويله واقول لو سمحتي بكم هالصروال وتطالع فيني وهي تخزني خزيز وتقول لك انت ببلاش يا عومررررررري وانا اللي على قولة صدام اقول اطلق ساقيك لا عجلا ولا وجلا واقعد لي بزاويه من زوايا السوق انتظر السواق وانا اصيح واقول هاللي ما يستحون ولا ينتخون الواحد ما يعرف يتقضى ابد ولا يخلون الواحد يشتري مستلزمات حياته من ملابس داخليه وملابس خارجيه وتنسفح دمعه من ماقي العينين باتجاه فناخر الخشم وتختلط بسائل من النخارير الخفيفه وعقبها شفطه داخليه تبلع كل شئ وشهقة ويعقبها زفره مصاحبه برياح عاتيه من الالم والتعاسه والكابه من هول ما يحدث
وعلى جيت السواق ارتحت شوي ويوم جيت ابركب الا عشرات البنات من يميني ويساري وانواع الاوراق عاد البنات عندهم الوان رايقه وردي واصفر وبرتغالي وكل وحده كاتبه رقمها واللي تقول يا مملوح انتظر الوووه الليله واللي تقول اموووت فيك(مات حظها امداها تموت تونا ما قلنا الوووه) واللي تقول ياليتني كيس بيدك واللي تقول ياليتني شنب فوق براطمك واللي تقول اغدى سكسوكه في وجهك واللي تقول اغدى حبة خال في ركبتك وانواع الازعاجات وعقبها ينفجر خويي وبصوت عالي وهو يقول اعنبووووووكم استحو يا تزليلات الحياء تخيلوا بنات يلاحقون اخوانكم ترضونها هاااه ترضونها واسكر الباب بقوة لان خويي تعرض لبعض الحركات اللي ما تنذكر هنا مثل(طووووووووووووووط) و (طووووووووووووووووووووووط) تم حذف تلك المقاطع من قبل الرقابة على المصنفات الفنيه