الله يعز الأثل

[ريانه]

http://www.mekshat.com/pix/upload/images35/mk23961_hpim4785.jpg

السلام عليكم ورحمة الله وبركاته

عندما تتداخل الضروف وتطورات الزمن إلى رفع شأن من كان وضيعا ً او في مكانه اقل من الاخرين أو كما يرونه كذلك وهو غير ذلك نقول ( الله يعز الاثل )
سمعت هذا المثل اول مره من جدي تعليقا ً منه على حدث كان يروى له ..
وبت أردده كثيرا ً واضحك لتذكري الحادثة أياها التي رويت لجدي ..
فشجرة الاثل تنمو عشوائيا ً ولا احد تقريبا ً يسعى لزراعتها وليست مُــتطلبه ..تنموا دوما ً في اطراف المزراع كالاشخاص المهمشين في طرف المجلس ..
وقد يكون من في طرف المجلس أصدق وانقى ممن في صدره ولكن هكذا هي الضروف ..
فالأثل يمسك التربه من الانجراف .. ويعمل كحاجز صد للمكان من الاخرين ولا يحتاج للسقيا الدورية ..ومع ذلك لااحد يلتفت له



اليوم وأنا اتصفح الصحف قابلت خبرا ً مضحك ورددت ( الله يعز الآثل )
إليكم الخبر ..

شهد حي الهدية بمدينة بريدة مساء أمس الأول، إقامة أول مزاد للدجاج النادر “مزايين الدجاج”، في منطقة القصيم،

وسط حضور كبير من الجمهور وهواة تربية الدواجن من محافظات القصيم، حيث وصلت أرقام المبيعات إلى 15 الف ريال.


وصباحك خير ياهَمّ

[صادق الاحاسيس]

وصلت فيكم المواصيل ع دجااااج

خلوه للمواطن الغلبان ولا ترفعون سعره

قسم بالله انكم من اردا العقول على مستوى البشر

[شامي الدهيمان]

الحمد لله على كل حال

لا ويقولن مافي كفر نعمه بعد ويبوننا نمطر ونرزق
بالله لو بدل ماتبذر فلوسك على هالدجاج وزعتها على كم محتاج

الله المستعان نسئل الله ان لا يعاقبنا بما فعل السفهاء منا

احترامي

[ريانه]

وصلت فيكم المواصيل ع دجااااج

خلوه للمواطن الغلبان ولا ترفعون سعره

قسم بالله انكم من اردا العقول على مستوى البشر

على هونك .. ريلاكس .. الموضوع مزايين بغض النظر عن النوع :)

حياك الله أخينا الكريم

[الصرح]

وعليكم السلام ورحمة الله وبركاته نقطتين
يمكن أول مرة أسمع بالمثل/// ويمكن لا

بس وووش علاقة المثل بمزايين الدجاج خمس علامات تعجب

على طاري المزاين يوجد مزاين للقطط ثلاث نقط

[النشمي عناد]

تشبيه جميل وبليغ بين الإثل ومن هم ساكتوووون في المجالس ولايتصدروووونها بالهياط !

تشكراتي لاتستغربين ياريانة قبل كم سنه صار عندنا بأرض الصحن

مزاين ســــــــلق !

...

تشكرااااتي لك .

[أبو هيا]

مع انني ماشوف الدجاج اوكيه الا عند شواية الخليج...لكن مانقدر الا اننا نحترم هوايات الناس واهوائهم...

[عقارب]

يا ربي لك الحمد على نعمه العقل


شكرآ ريانه

[عبدالله الجبل]

مبلغ 15 الف ريال كمبعيات مبلغ عادي ولا يستحق التهويل ...
هذا المبلغ ليس سعر دجاجة مزيونة فقط ...
اما الإثل فهي شجرة مهمة لحماية المزارع والقرى من الرياح المثيرة للأتربة ...
تتحمل حرارة الصيف ولا يتغير لونها ...
تتم زراعتها بدفن اغصانها بالأرض حيث تنمو هذه الأغصان وتصبح اشجاراً ...
شكراً اختي ريانة ...

[ريانه]

الحمد لله على كل حال

لا ويقولن مافي كفر نعمه بعد ويبوننا نمطر ونرزق
بالله لو بدل ماتبذر فلوسك على هالدجاج وزعتها على كم محتاج

الله المستعان نسئل الله ان لا يعاقبنا بما فعل السفهاء منا

احترامي


الحمد لله

تخيل عاد مزايين دجاج
تتوقع السنه الجايه راح تكون مسيرات للدجاج ؟ .. !!
ودجاج قبيلتنا احسن من دجاج قبيلتكم :)

حياك الله اخينا شامي

[ريانه]

وعليكم السلام ورحمة الله وبركاته نقطتين
يمكن أول مرة أسمع بالمثل/// ويمكن لا

بس وووش علاقة المثل بمزايين الدجاج خمس علامات تعجب

على طاري المزاين يوجد مزاين للقطط ثلاث نقط

لما ننتقص من احد نقول هالدجاجه !!
وعندما ننعته بالجبن نقول ذروق كنه دجاجه
ولما نعزم احد لايمكن نحط له دجاجه
..
احد المتقاعدين عُــرض عليه ان يفتتح محل لبيع الدجاج المبرد
ربحه مضمون وشركات الدواجن هي من يسعى لك ..
ولكنه رفض ,,لانه سيسمى ( راعي الدجاج )

وتشاء الضروف ويصبح هناك مسابقات ومزايين ولجنة تحكيم للدجاج !!

عرفت خيو ليه قلت المثل ..
والا انسب نقول ( الله اللي عزنا مالحد منه ) .. شو رايك ؟
منور أخينا الصرح

[ريانه]

تشبيه جميل وبليغ بين الإثل ومن هم ساكتوووون في المجالس ولايتصدروووونها بالهياط !

تشكراتي لاتستغربين ياريانة قبل كم سنه صار عندنا بأرض الصحن

مزاين ســــــــلق !

...

تشكرااااتي لك .


استفغر الله عندي سلق اهون من غنم وتيوس ودجاج ..

اسعدك الله اخينا الكريم

[ريانه]

مع انني ماشوف الدجاج اوكيه الا عند شواية الخليج...لكن مانقدر الا اننا نحترم هوايات الناس واهوائهم...

عجبتني طريقة تفكيرك في الأمر ..
أنت أب مرن الله يسعدك ..

أنا معك نحترم هوايتهم لكن هل تنميتها يكون بمسابقة ولجنه !!!
ضع جمعيه لمحبي الدجاج واعضاء وناقش كيفية تطويرها والعقبات التي تواجهها مع طرح الحلول
ومقر اجتماع للتبادل التجاري بين الهواة ..

منورنا ابو هيا

[ريانه]

يا ربي لك الحمد على نعمه العقل


شكرآ ريانه

الشكر لحضورك ..
قد يكون احد محبي الدجاج يرددون نفس كلامنا ( الحمد لله على نعمة العقل )

[عمار الزيادي]

عليكم السلام ورحمة الله وبركاته :

يعطيك العافية / ريانه .. على هالموضوع ..

الله يعز الإبل .. آمين .

بالله فيه أحد .. ماياكل دجاج اليوم ..؟!!

خلوهم يحطون مزاين دجاج ..ويكثرون من اللجان ..!!

بس .. لا يرفعون الأسعار .. وأخشى بكرى يذبحون من ردي الدجاج ..!!

وياخذون الدجاج الأصايل ..اللي يبيضن ذهب .. للمزاين ..:ebt2024:

من حطوا مزاين بعارين .. وأسعارها بالملايين .. وحنا رايحينن فيها ..!!؟

كنا ناخذ الحاشي .. قبل سبع سنوات تقريباً بـ (1600 و1700ريال)

اليوم .. صار الخروف بهالقيمة ..!!!؟

وهالحين الحاشي مابين ( 3500 إلى 4500ريال)وزين إذا لقيت بهالسعر.

ألف شكر / ريانه .

[عقارب]

ريانه;528563]
الشكر لحضورك ..
قد يكون احد محبي الدجاج يرددون نفس كلامنا ( الحمد لله على نعمة العقل )


انا واحد ما احب اكل الدجاج واذا انجبرات واكلته ما اكل الا الصدر بس

وماني من محبيه ولا اشتهيه اصلآ

[ريانه]

مبلغ 15 الف ريال كمبعيات مبلغ عادي ولا يستحق التهويل ...
هذا المبلغ ليس سعر دجاجة مزيونة فقط ...
اما الإثل فهي شجرة مهمة لحماية المزارع والقرى من الرياح المثيرة للأتربة ...
تتحمل حرارة الصيف ولا يتغير لونها ...
تتم زراعتها بدفن اغصانها بالأرض حيث تنمو هذه الأغصان وتصبح اشجاراً ...
شكراً اختي ريانة ...






يعني انا هواله ..وابالغ :)

الموضوع برمته .. تافه وسخيف ..لااتخيل رجل همه مزايين الدجاج ..بنظري هذه تنقص من قدره
استغفرالله الله لايبلانا ..

اخينا عبدالله ساخبرك بشيء ؟؟ انا احب شجر الاثل جدا ً ويلفت نظري للمكان


شكرا ً لحضورك الباهي

[ريانه]

عليكم السلام ورحمة الله وبركاته :

يعطيك العافية / ريانه .. على هالموضوع ..

الله يعز الإبل .. آمين .

بالله فيه أحد .. ماياكل دجاج اليوم ..؟!!

خلوهم يحطون مزاين دجاج ..ويكثرون من اللجان ..!!

بس .. لا يرفعون الأسعار .. وأخشى بكرى يذبحون من ردي الدجاج ..!!

وياخذون الدجاج الأصايل ..اللي يبيضن ذهب .. للمزاين ..:ebt2024:

من حطوا مزاين بعارين .. وأسعارها بالملايين .. وحنا رايحينن فيها ..!!؟

كنا ناخذ الحاشي .. قبل سبع سنوات تقريباً بـ (1600 و1700ريال)

اليوم .. صار الخروف بهالقيمة ..!!!؟

وهالحين الحاشي مابين ( 3500 إلى 4500ريال)وزين إذا لقيت بهالسعر.

ألف شكر / ريانه .


لاتحرف التراث ( الله يعز الاثل مو الابل )
:)

الله يكون بالعون ..الغلا بكل شيء يعني وقفت على حتة جمل

حياك الله اخينا الفاضل

[عروووبة]

الله الله يالدنيا تطورت // ياريانة
احسبنا نخطوا قدام اتاري نرجع ورى الف سنة ضوئية . . . هى غسيل مابها شك ابد ابد
. . . ذكرتينى بماضوع قديم . . . كان عن الديك الحين صارت لأم الصيصان علوم

هنا
http://www.rafha.com/vb/showthread.php?t=36879&highlight=%CF%ED%DF%E4%C7+%ED%C7%CF%ED%DF%E4%C7
(http://www.rafha.com/vb/showthread.php?t=36879&highlight=%CF%ED%DF%E4%C7+%ED%C7%CF%ED%DF%E4%C7)

[ريانه]

اااايه وش زود الديك عن الدجاجه
شكلك ماسمعتي بالمساواة بين الديك والدجاجه :)


ههههههههههههههههههههههههههه

موضوعك نايس حيل << خلط ثقافات :)

[الواقع السعيد]

عندنا دجاجه بيضا ودجاجه سوداء افتح لكم باب السوم يله من يسوم

شكرا ريانه على فتح الباب ابي ابيع دجاجنا دبل سبدي بس يونس صوته

[ريانه]

اللي مايعرف الصقر يشويه
دجاجتك بشويها واكلها
تبين سوم وتجاره وقريشات روحي للقصيم غديك تصيرين هامورة بنات المذن

منوره ياعسوله

* غديك كلمه قصيميه استعرتها :)