توقعاتكم لمبارتي الذهاب لكأس خادم الحرمين الشريفين

[الصرح]

المباراة الأولى/الذهاب
الهلال & الأهلي
المكان/استاذ الملك فهد بالرياض
الوقت /يوم الأثنين 16/ 6 /1433هـ


المباراة الثانية /الذهاب
النصر & الفتح
المكان/استاذ الملك فهد بالرياض
الوقت/ يوم الثلاثاء 17/ 6 /1433هـ

* كل عضو يدخل يكتب توقعه للنتيجة
المبارة :الهلال & الأهلي
النتيجة:
المباراة:النصر & الفتح
النتيجة:

[عروووبة]

الهلال والاهلى
اتوقع
2 الهلال - 1 الاهلى ( وراح يكون الهلال مستواه ماش ) مادرى ليه أحساس ويكون فيها حالة طرد

النصر والفتح
اتوقعها تعادل
يخرج منها النصر بشق الانفس وهناك ضربة جزاء ضائعه

:biggrin:

[عبدالله الجبل]

أتوقع وأتمنى فوز العالمي على الفتح ...
الفريقان قدما مجهودين رائعين في المباراتين السابقتين ...
أتوقع فوز الأهلي وأتمنى فوز الهلال ...
العالمي بحاجة الى الكأس وخاصة من أمام الهلال ...
بالتوفيق للعالمي ...

[الصرح]

أتوقع...
الهلال والأهلي
تعادل 1/1
وراح يحسمها الأهلي بالأياب أنشاء الله ///بس ماودي أن يأخذ الكأس ودي يأخذه اللي يفوز من النصر والفتح تبي تقولون ليه أقول علشان مايتأهل الهلال لكأس اسيا السنة الجاية ويكتفي بالبطولات المحليه ماهو علشان شيء بس حفاظا على نفسية العاملين بالنادي يكفي تعقيددددد.. ههههههههههههههههههه

اما النصر والفتح
اتوقع راح يحسم العالمي التأهل للنهائي من الرياض راح يفوز بنتيجة كبيرة لا تقل عن (3_0) ....


عروبة أذا صار بالمباراة ضربة جزاء ضايعة //// راح تحقيين شهرة أكبر ويمكن يطلبون توقعاتك للبطولات العالمية..

هههههههههههههههههههههههههههههه ضربة جزاء وضايعة هههههههههههههههههههههههههههههههههه قمة الخلاص في التوقع

عبدالله//اتمنى أن تتحقق توقعاتك ولا تتحقق أمانيك بالنتيجة......


ننتظر باقي الأعضاء..

[عبدالله الجبل]

عزيزي الصرح لا تقسو على الهلال فلديه جمهور أكثر من 10 آلاف ويحبونه وأسموه الزعيم ...
أتمنى للهلال التوفيق لعله يصل للعالمية رغم صعوبتها وقوتها ...

[شامي الدهيمان]

اتمنى ان يعود العالمي لكن الاماني شي والواقع شي آخر

النصر **********الفتح
1**************2

الاهلي **************الهلال
2******************1

بالتوفيق للجميع

كل الشكر مبدعنا الصرح

[ابو متعب]

ان شاء الله يفوز الهلال بالاربعة
ويفوز الفتح 2/0

[ابومحمدالزوبعي]

أتوقع الفوز للهلال 3 وللأهلي 2

[ابومحمدالزوبعي]

نسيت النصر والفتح هههه
أتوقع تعادل

بعض التوقعات ضرب من الكهانة خخخخخ
ماقالوا كذا التوقع

[ريانه]

ما أحب اتوقع شي ابدا ً
لكن دعواتي الصادقة بنصر النصر

[الصرح]

أخ عبد الله // هذا الواقع ومع ذلك اتمنى له التوفيق محلياً وخارجيا... وجهة نظر

ابو نواف// أتمنى أن تتحقق الماني وتصبح واقع ..
للامانة اتمنى فوز الأهلي بالبطولة أذا لم يفز بها النصر..

أبو متعب // بالتوفيق للهلال بس الأهلي أفضل مستوى فني من الهلال.....أهم شيء يكون الحكم أجنبي

أبو محمد//هذه توقعات 2012 ههههههههه

رياتة// اهو كله توقع..
أهم شيء يفوز النصر..


ننتظر
باقي
..... الأعضاء ......

[شامي الدهيمان]

الشكر اخي على مشاعرك والله النصر عامل عمايل

البارح شفت برنامج الملعب لقاء مع الجمهور الهلالي يسلونهم عن الاهلي ويردون والله المبارات صعبه والنصر متطور

[الصرح]

^
فعلا حتى اليوم أتكلم مع زميل بالعمل هلالي أقول له اليوم فيه مباراة مع الأهلي وش توقعاتك للمباراة فقام يقدم أعذار ويبرر ((يتكلم بثقة بسيطة على غير العادة))

ياليت يفوز الأهلي ويحسمها بالرياض بالثلاثة...يارب<<<تصدق أخشى ماأخشاه أذا طلع الهلال من كأس خادم الحريمين يتعقد وتصير هذه البطولة المحلية مثل بطولة كأس أسيا والعالمية خارجياًً..

تصدق الفوز عامل عمايل معي بعد...
- كل يوم أشري ثلاث جرايد رياضية..
-أتابع البرامج الرياضية أغلبها...
-أفكر أغيب بكرى عن الدوام ...الأ أذا انهزم الهلال راح أداوم علشان أخفف من وقع الهزيمة للهلالييين بالعمل حق وواجب...
-أدخل كل يوم القسم الرياضي بالموقع هنا بعد... ويكثر الأخطاء الأملائية أذا كتبت ..
لا تنسى أبو نواف أن فاز على الشباب والشباب حسم الدوري من قدام الأهلي وبجدة بعد والأ نسيت :biggrin: آآآسف

[شامي الدهيمان]

الاهلي فرط بدوري بيده هو الي اهداه للشباب ولا كان متصدر ومرتاح لكن الثقه وسو الدفاع وقبل ذالك (( مكتوبه للشباب )

اما مواسات الهلاليين واجب انا باذن الله راح ان فاز الاهلي اقف بجانب صديقي ابو يوسف ...

[سلمان الشمري]

ثلاثه صفر للهلال ان شاء الله
شكرًا لكم

[الصرح]

ألف مبروك الفوز يابو نواف // الله يعين نبي نواسي الهلاليين ونخفف من وقع الهزيمة...
للأمانة الأهلي فنيا هو الفريق الوحيد الذي يستحق البطولة من بين الفرق الأربعة...


سلمان// هاردلك ...الخروج بأقل الخسائر يعتبر انتصار

[شامي الدهيمان]

الله يبارك فيك ........يفترض منتهة على الاقل 3 لكن يالله ماشي

إن شاء الله النهائي اهلاوي نصراوي

الا الهلاليين وين راحوا قبل المباراة والى الهدف مزعجيننا بتويتر ......بعدين فص ملح وذاب
احترامي

[الصرح]

فعلا المفروض منتهية أكثر من ثلاثة أهداف ...

شوووف يابو نواف مافيه أحد أحق من الأهلي فنيا بالكأس ...

بس أذا فاز النصر الليلة راح أتمنى أن الهلال يفوز بالأياب وهذا مستحيل ..بس مافيه مستحيل أذا مباراة الأياب يحكمها حكم محلي ويجيبون لاعب زي النزهان يدخل الأهداف بأسلوب محترف وخفي على الحكم فقط وكذا راح يفوز الهلال وتتحقق الأمنية ويحقق النصر اللقب من امام الهلال ياسلالالالالالالالالام م م ...

أنت تشوفهم فصوا ملح وذابوا ....
للأمانة أول مره أشوف جمهور الهلال مقتنع بالهزيمة تماما ...

[الصرح]

نتائج توقعات الأعضاء للمباراة الأولى<< ماأقلد برنامج كورة stp

عروبة ×

عبدالله √

الصرح ×

شامي √ :a78k_65:

ابومتعب ×

ابومحمد ×

ريانة ::لم تتوقع....

سلمان ×

[عروووبة]

ركلة جزاء:cool:
.
.
بس ماضاعت
:a78k_171::a78k_171:

[الصرح]

^
هههههههههههههههههههههههه

أنتي الحين مشهورة بالتوقعات على مستوى الموقع في المرات القادمة ومع الخبرة راح تأصلين للعالمية وتحققين الشهرة ...

[الصرح]

نتائج توقعات الأعضاء للمباراة الثانية

عروبة ×

عبدالله √

الصرح √

شامي ×

ابومتعب ×

ابومحمد ×

ريانة ::لم تتوقع....

سلمان لم يتوقع ....

[شامي الدهيمان]

مبروك للعالمي ........ وبالتوفيق
مستوى غير مطمئن ......للعالمي .......

ننتظر استفتائك القادم

كل الشكر مبدعنا الصرح

[الصرح]

والله فعلا مستوى العالمي غير مطمئن.... بس نتيجة معقولة وطيبة بالحيل...

من ناحية التوقعات والله طلع أبو جبل ماهو بسيط هو الوحيد اللى جابها صح ..ماشاء الله عليه.

تريونا مع توقعات الأياب...

[ابومحمدالزوبعي]

موضوع ملئ بالحيوية أحييك عليه أخي الصرح
ننتظرك بالمراة القادم بمثل هذا الموضوع

[الصرح]

شكرا مشرفنا...
تريونا..

[ريانه]

الحمد لله ..

كما تمنيت ودعوت .. فالله لحمد

[الصرح]

اهلا سيدة ريانة...
حياك الباري..

[ريانه]

حياك المولى ..
تصدق بالله يالصرح ماعرف لاعبين النصر ولا اعرف مواعيد مبارياتهم لكن المحبه من الله والبيئه بعد لها دور

( عائلتنا كلها تشجع الكركم )
اذا دريت انه بيلعب رفعت ايدني للسماء وقلت يالله يارب انه يفوز طلبتك وماخاب من وقف على بابك

[الصرح]

جزاك الله خير ...النصر محتاج دعواتك وخاصة الأيام هذي ..

تصدقين بالله سيدة ريانه أني ماأشجع النصر كنت يوم أني صغير أشجع النصر بحكم أن اخي الأكبر نصراوي وماجدي أيضا ومتعصب لدرجة الجنون الى الآن وعقبين قلبت اتحادي وعقب المباراة الشهيرة (الثمانية /صفر) مع ألمانيا بكأس العالم أكيد تذكرينها يوم سامي الجابر يسنتر تسع مرات ههههه.....تركت الرياضة وكنت اتابع مباريات الأتحاد على مضض (حلوة مضض)...

[ريانه]

صار الموضوع اسرار الطفولة :)

كنت في مراهقتي الاولى اهلاويه >>
طقت في راسي وقلت اهلاويه .. اهلاويه

بس الحمد لله كبرت وعقلت ورجعت نصراويه >> قلبن ينبض

<< نحاشت قبل لايجي مشرفنا شامي

[الصرح]

للامانة الأهلي متميز بكل شيء وراقي..
بمستوى الفريق والأدارة والجمهور وكل شيء...

أوووووووووووووووه نسيت من فرحة الفوز أن أقول :

هاردلك لإصدقائي ::الهامور والحارس الذكي ..:d

[عروووبة]

^
هههههههههههههههههههههههه

أنتي الحين مشهورة بالتوقعات على مستوى الموقع في المرات القادمة ومع الخبرة راح تأصلين للعالمية وتحققين الشهرة ...

أجل خطيره أنا

بس الموضوع به غش
بعضهم ماقال كم يتوقع النتيجه
وأنا جبت أقصاي

تصدق أن مالى علم بالكورة ولا صرت اتابعها
وهاكاليوم من الطفش قلت خلنى اتابع ..
صراحه الاهلى ابهرونى ذكرونى ايام المنتخب ( ايام ابو يعقوب وسامي والعويران . . عمااار
.
.
يالله ذكرنا متى المبارة الجايه نبي نفرك البلورة :ebt2024: . . ثم وش سالفة العالمية صعبه قويه تقل تقصد بها احد:6fhs:

[الصرح]

فعلا بعضهم ماقال النتيجة وبعضهم ماتوقع الأ لنادي وااحد واحد(أبوووووك يالتعصب حتى بالتوقعات) بس مايمنع أنه توقع صح ...

مره ثانية أذا توقعتي خطأ نبي نحط عندك × × × فخليك حذرة لتفقدين الشهرة اللي حققتيها بالتوقعات الأولى...


يالله ذكرنا متى المبارة الجايه نبي نفرك البلورة . . ثم وش سالفة العالمية صعبه قويه تقل تقصد بها احد

راح ننزل موضوع للتوقعات القادمة <<أتوقع البلورة هذي زيي الأبريق السحري وأتوقع أنه لما تتوقعين بفوز الهلال راح يقولك توقعك خاطئ شوفي غيره هههههههههههههههه

بالنسبة للعالمية هذا تاريخ وواقع مشهود به للعالمي من قبل العالم كله وليس السعوديه فقط..

يمكن قصدك كلمة صعبة قوووووبة...
شوفي أنت معلمة وأكيد تعرفين التعلم بالتعزيز وكذلك التعلم بالعقاب وأن التعزيز ينقسم الى تعزيز سابي وايجابي..
وكذلك العقاب قيه عقاب سلبي وايجابي... هذا نوع من انواع العقاب الايجابي للاندية الأخرى التي تسعى وتحلم للوصول للعالمية مثل نادي الهلال يعني ..
فاقصد بها أن تكون هذه العبارة عقاب ايجابي لهذه الأندية وجمهورها لكي تحقق الانجازات التي يطموحون لها ...شوفتي وشلون العالميون وشلون هم ايجابيون حتى مع الخصوم..