انتقال دوريات الجوازات الى مقرها الجديد قريبا

[الباز2222]

السلام عليكم .
سوف تنتقل قيادة دوريات الجوازات بمنطقة الحدود الشمالية برفحاء . الى مقرها الجديد في 16/2/1425هـ . والواقع في حي القادسية . والواقع شرق مبنى المباحث العامة بخمسين مترا فقط . للمعلومية جرى النشر . والله الموفق

[هرطمان]

شكرا اخي الباز 2222

ومبروك للجوازات المبنى

[رفحاوي]

مبروك للجوازات المبنى الجديد

اهم شي يا جماعة ان الخدمات تشمل جوازات السعوديين

انتهى جوازي وكنت خارج المملكة وطلعت جواز وقالوا لي السفارة السعودية اسجل الجواز عند الجوازات اذا رجعت للسعودية
ويوم وصلت رفحاء او كما يحب ان يسميها محبوها مدينة الضباب
تفاجات ان جوازات رفحاء لا يسجلون الجواز

فسالتهم اجل وش يسوون عندنا؟!
قالوا يجمعون فلوس من اقامات العمال
قلت وش المشكلة انهم يسجلون جوازي عندهم ؟!!
قالوا يمكن الموضوع يحتاج قرار من مجلس الوزراء او من مجلس الامن
قلت الله يعينهم يتعبون... وهالحين وش الحل؟!!
قالوا رح لعرعر والا الحفر
قلت عرعر ماروح لو يعطونن خط مروح وبه واحد ماغليه ... لكن ابي اروح للحفر

وصلت الحفر وبعد حوسة لقيت فخامة الموظف
صراحة كان كويس معي وتفهم وضعي
لكن لقى علي مخالفات من 1418 هـ مدري من وين طلعت
قلت مهو مشكلة وين ادفع؟
قال رح للمرور
قلت بعيد وما يمدي ارجع قبل الدوام
قال تعال باكر (على وزن راجعنا بكرة)
قلت ماني من اهل الحفر وانا مواطن

المهم اني زرقت للشرقية وقلت اجيهم مرة ثانية
وجيتهم بعد اسبوع
واجي امر الرجال والقى مكتبه مسكر
هنيه عصبت وقلت اروح للمدير ومالقيته (يمكن باجازة)
واروح لمساعده وارسلني لرقيب ثاني
جيته قلت ارسلن عليك المقدم / (نسيت اسمه على اليسار اول ما تدخلون جوازات الحفر)
قال الرقيب رح قل له يدبرك زي ما ارخص لفلان والختم معه

رجعت للمقدم وكانت الساعة قبل 2:30 وكان يبي يطلع من مكتبه وعلمته
قال تعال باكر قلت ان من اهل رفحاء وصعب اجلس لباكر
قال فلان مهو موجود ويجي باكر

الزبدة سجلت جوازي بالقصيم خلال اقل من ساعة بعد ما شرحت لهم وضعي

اذكياء العسكر صح ؟

نسخة الى :
محافظ رفحاء للعلم مو اكثر
مدير جوازات رفحاء لالتقاط صور تذكارية
مدير جوازات الحفر واقول له جاء راعي الختم ؟
الباز2222 (كم 2) مع الشكر والتقدير

[رفحاوىصميم]

[بسم الله الرحمن الرحيم شكراُ لك اخي الكريم على هذا المقال نبارك للجوازات المبنى الجدبد ولكن السر مهو بالمبنى السر فى السكان وش الفائده اذا كنا لانستطيع تسجيل جواز سعودى الموضوع يا اخوه روتينى كل مدير يشرف يبى يثبت وجوده بمبنى جديد بدلا من تطوير جهازه وتقديم خدمه لمواطنى هذه المحافظه الحبيبه ومثل هذا المدير كثير المهم مبنى جديد