مشكله عند تسجيل الدخول للمنتدى

[ريانه]

السلام عليكم
لي كم يوم احاول اسجل دخول للمنتدى ويرفض وتطلع لي الرساله ( فيه غلط حاول مرتن ثانيه )
لحد ما استنفذت الخمس محاولات وانتظرت ربع ساعه وبرضه تكرر نفس الشي
اقفل الموقع وارجع احاول برضه ما اقدر ادخل..
حاولت اراسل الاداره من العنوان اسفل الصفحه الرئيسه وبرضه ماعرفت كيف ..حوسه
طلعت ايميل جديد وحاولت اسجل بعضويه جديده رفض المنتدى تسجيلي !!
المهم ارسلت ايميل للادراه ولحد الان ماجاني رد
اليوم ماشاء الله سجلت دخول عادي للمنتدى والامور تمام ( ميه ميه )..
ياليت احد يفهم لي وش صاير وش السالفه لاني عضو نشبه ماكو فكه مني :biggrin:

والسلام عليكم

[عقارب]

والله ما ادري يا ريانه ولكن يمكن يكون الموقع مضغوط شوي




ولكن ننتظر المهندس يرد عليك

[ريانه]

مو حكاية مضغوط .. المنتدى يفتح معي زي الحلاوة والتصفح سريع لكن مشكلتي عند تسجيل الدخول..

شكرا ً عقارب لحضورك

[ريانه]

وموضوعي معطينه ركبه ..دررن ..دررن

[عقارب]

من قال.

لا في تطورات بالمنتدي وشغالين عليه بقسم المشرفين

وان شا الله يرد عليك المشرف العام قريب

[ريانه]

الله يبشرك بالخير

ايه كذا خلك دبوس علمنا وش يصير هناك في المقّلط

[عقارب]

اما دبوس


الله يسامحك

[ريانه]

ياعقارب بعد هالعشره بالمنتدى وهالسنين
تهقى لما قلت دبوس أني جادة إلا أمزح :)

[عقارب]

وادري انك تمزحين



هههههههههههههههههههه

ما صار شي

[ريانه]

الله يقطع بليسك .. خفت انك زعلت

قلت خلاص ماعاد تجينا اخبار الشيوخ بالمقلط .. فقدنا عميل مخلص :)

[عقارب]

اي عن قريب نتقاعد من المقلط ...!


لا الحمد لله ما فيه شي يزعل

[ريانه]

ليه تتقاعد ؟

او تبي مكافئة نهاية الخدمه يالذهين

[عقارب]

اي تعب العمل

والتقاعد حلوو

[ريانه]

الالتزام متعب .. لكن يقولون لاجل عين تكرم مدينه >>ياحبها للأمثله
بالتوفيق

[عقارب]

ماسكه امثله على الفجور


اقول

وش الحل بشايب سكران عندنا الحين لقيناه قدام الشقه وعزمناه ودخل معنا وانواع الكذب
وش نسوي لها

وجالس يغني لنا اغنيه عبدالله الصريخ

ارجوك جفت دموعي لا تجافيني

[ريانه]

خلوه يغني وطبلوله
بعدين وش يصير عبدالله الصريخ هذا ..


اقول .. زحلقووه ومكالمة منكم للهيئه تنهي السالفه ..

أوما مدخلينه الشقه ترى بتتشوه السمعه عند العسل :)

[عقارب]

واحد ظيف معنا من الشمال وجلس يسوالف معه انا شايفك
وين مدري قلت ادخل تقهو ونسوالف داخل

قال مشينا ويوم جلس الا الريحه تفوح ريحه الشراب


لا الحين طلع فارق راح على وجه

[ريانه]

هههههههههههههههههههه

الله يهديه ولا يبلانا ..

[عقارب]

اللهم امين