قالو عندنا امن قالو

[رجل المهمات]

كيف بيحرصون املاك الناس وهم ما يقدر يحرصون سيارتهم الامنية http://alaak.jeeran.com/nowheels.gif
الامن فقط في / المملكة العربية السعودية :

[أنيس]

السلام على من اتبع الهدى

صح النوم يا ولدي :-/

توك تصحى أنت وألا أيش ؟؟

مستيقض من نوم عميق يا غلام !!

هذه المواضيع التي رديت عليها إنما هي قديمة

ربما أتيت بها من الصفحة الأخيرة للمنتدى العام ...:confused:


هذا اولاً إذاً أنت متأخر كثيراً عن الرد ...

تأخرت حتى هدأت الأمور وعادت المياه إلى مجاريها

ثم أتيت بثقة تفرز ضحالة فكرك وسوء أدبك هنـــا

اسمع يا ولدي ::ang

جماعتك ( المجاهدين ) ليسوا مجاهدين أبداً إذا كيف

بالمجاهد أن يضر أخوه المسلم أن رأيت بعيني تكبرهم

على أهل البلد ، وأنت تعرف هذا جيداً يا أيها الجندي

الباسل ، يمشون من عند اشارة المرور بطريقة شـــاذه جدأ

إذ أنهم يفحطون ، ثانياً لا يقودون السيارات والتي صرفتها

لهم الحكومة بأدب وإنما يعبرون الطرق الرئيسة بكل وقاحة

متناسين إنهم يمثلون الدولة .........!!!!!!:\

يا ولدي :ang

هم لم يجدوا غيرك مندوب يكتب ويدافع عنهم إلا أنت ؟!

يعني ( ضاقت الدنيا ولا لقوا كاتب يدافع عنهم هنا إلا انت ؟

كل ردودك تدل على ضحالة لغوية فضيعة وفضيحة بنفس الوقــت .

خذ مثالاً عليها :

تقول : ( يحرصون ) والصحيح ( يحرسون ) لا ومكررها مرتين ؟!

يا ولدي:ang

لقد حولت الحراسة إلى حراصة ( قاتل الله الجهل والجهلاء )

يا عزيزي :p

خلهم يدورون غيرك يكتب بدلاً عنك لأنك فضحتهم )

تدافع عن قضية خســــــرانة بعد ،،، الله يخلف على دايرتك

ما أقول إلا للضابط اللي أرسلك ( الله يرحم لي والديك

غير لنا المندوب ترى اللي فينا يكفينا );)

وجب لنا واحد يعرف يكتب ويقرأ ،، غير هذا اللي شكل

شهادته خامس ابتدائي ليلي ..!!

[رجل المهمات]

السلام عليكم ورحمة الله وبركاتة

اخوي / انيس فعلا انت انسان انيس اسم على مسمى

اخوي انيس ما راح ارد بمثل ردك لان باين ان ردك رد عدو او شخص لا يحب الامن والاستقرار في هذا الوطن المعطاء , ولان من صفات رجا ل المجاهدين قوة الصبر وحسن التعامل مع جميع الفئات ..!

ثانيا اخوي انيس / افتخر اني جندي ومجاهد لخدمة ديني ووطني ..!

ثالثا / ياليت اذا عندك قوة شخصية وانك شخص واثق من نفسك ولديك ما يثبت ذلك من سوء استخدام رجل دوريات المجاهدين للدوريات
ان تقدم شكواك لمدير ادارة المجاهدين فانت ابن الوطن ونفس الوقت رجل امن ,

ويكفي ان ملاحظتك فقط سوء استخدام قيادة سيارة ..

ولكن كلي ثقة باني عيوننا ساهرة لخدمة ديننا ووطننا ..

اخوي مازن ما رديت عل ى انجازات رجال دوريات المجاهدين كما في هذة الصفحة
http://www.rafha.com/vb/showthread.php?s=&threadid=5762

اخوي / انيس اعذرني اذا حصل مني اي خظاء لم اقصدة او خطاء املائي .
.......... جنودنا ........ ابنائنا .........وحمائنا ...

[الجنرال]

السلام عليكم ورحمة الله وبركاته.

لا اخوي انيس ...ما هكذا تورد الابل.

وذا كان الاخ رجل المهمات فعلا ممن يمثلون ادارة المجاهدين. نقول له حياك الله وخطوه مباركه ان تتصلوا مع اهالي مدينة رفحاء وان تكون ها هنا احدى نقاط الاتصال.حتى لو كانت الخطوه متأخره بعض الشيء.

تحياتي للجميع.

[alazez1423]

يارجل المهمات ...... أولاً : أنا ماني فاهم توقيعك تحت وخاصة الكلمة الثالثه . ثانياً : كيف يطلق عليكم مجاهدين وأنتم بين مسلمين ولا يوجد عندكم أعداء . ثالثاً : أنتم لا تميزون بين الصالح والطالح وهذا دليل على جهلكم المركب .

[الدب الداشر]

الأمن لله الحمدلله منتشر بشكل عالي في السعوديه بين دول العالم
ولكنه بدأ يحدث فيه إنفلاتات من بعد ماضااع الله من عيوون الولاة

[رجل المهمات]

شكراُ لك اخي الكريم الجنرال على ردك
وكلنا اخو ان وابن وطن ويهمنا مصلحة الجميع صغير وكبير ..

شكراُ لك اخي الكريم alazez1423 على ردك


اولا : بالنسبة لعدم فهمك للكلمة الثالثة لتوقيعي : فية بيان بان رجل المهمات مسمى لافراد دوريات المجاهدين لانهم يعملون في كل وقت وفي الاشيا ء المهمة .

بالنسبة كيف يطلق علينا مجاهدين :

لو كنت سعودي 100% ومحبة لمعرفة تاريخ بلدك الا مني كنت عرفت ذلك ..

لان المجاهدين هم اجدادنا وابا ئنا من فتح مع الملك عبدالعزيز السعود رحمة اللة : الرياض واهم اول رجال امن في السعودية المجاهدون ...


بلنسبة لقولك لعدم تميزنا بمعرفة الصالح والطالح فهذا علم من اللة ليسى لدينا معرفة هذا صا لح او طالح
ولكن رجل الامن لابد ان يدقق ويفتش لكي يتاكد من كل شي والصالح لا ي يهمة ا ذا رجل الامن فتشة لانة صا لح ويخاف على امن بلدة والطالح بيخاف لانة فعلا طالح

شكراُ لك اخي الكريم الدب الداشر على ردك

هذا اخوي من ضعف الوازع الديني وكثرة الفراغ بين فئات الشباب

[أنيس]

يا جماعة الخير


كيف هذا يدافع عن قطاع كامل في بلدنا ...

يقولون من أمن العقوبة أساء الأدب ....

أنتم أمنتم العقوبة وأسأتم قيادة سيارات الحكومة اعزها الله بطاعته ..




أحب اني اخبرك بان رفحاء في أمن وأمان منذ عهد الملك عبد العزيز
http://www.eqla3.com/sh3r/pictures/uI_0038.jpg

يرحمه الله ولم يخل الأمن أبداً إلا في وجودكم في البلدة وهناك فرق

كبير بين مجاهدين زمان ومجاهدين هالليومين ....
http://www.globalsecurity.org/military/world/gulf/images/ikhwan_4-1-s.jpg



ما أذكر ان صار مظاهرات كما يطلقون عليها إلا في وجودكم

ولم أتذكر مطلقاً أن حصل إطلاق نار بين مواطنين ورجال الأمن

إلا بوجودكم أصلحكم الله .......

وتقول لي : إنكم موجودين بهدف الأمن

أي أمن

أمن مين يا عم ؟؟!!

التفحيط بسيارات الدولة أمن ؟

أرهاب المواطنين العزل أمن ؟

تبادل إطلاق النار أمن ؟

شتم إمام مسجد وضربه أمن ؟

التحرش بالمواطن بهدف استفزازه ثم ضربه ثم سجنه أمن ؟

أو بعد هذا تريد أن تتبجح بقولك : بأنكم موجودين لحفظ الأمن ؟

والله ما شفنا الفوضة وقلة الحياء إلا من بعد ما جيتونا الله لايحييكم .

والذي اسأل الله أن يخرجكم من البلد التي قلبتم أعزة أهلها أذلة ....

ok

...... تم تحريره من الاشراف .......

[الحر]

اخوي رجل المهمات..


انت في واد والناس في واد آخر!!!

انت الحين تتكلم عن انجازات المجاهدين واعمالهم الجبارة في كشف الجريمة وحفظ الأمن ...

آسفين.. نحن لا نتكلم عن هذا .. فان وجود هذه الانجازات لا يمنع من مناقشة الاخطاء والاعتراف بها ومحاولة تصحيحها..

المشكلة عندكم هي ((( الاجتهاد ))) وهي نفس المشكلة التي يعاني منها بعض أفراد هيئة الامر بالمعروف وبعض افراد الشرطة!!! وهي انه يظن انه حفيظ على الناس وان له الحق في ان يفعل ما شاء ما دام ان هدفه حسب وجهة نظره هدف صحيح...

البلد طال عمرك فيها نظام مستند الى الشريعة الاسلامية مثل نظام الاجراءات الجزائية ونظام المرافعات ( واعتقد ان القليل منكم اطلع عليها) وهذه الانظمة حفظت كرامة الانسان وصانت حقوقه وحددت صلاحيات رجل الامن وماله وما عليه وحددت واجبه بالتحديد ومنعت الاعتداء على المتهمين بالضرب او الاهانة او التعذيب وحددت ان وظيفة رجل الضبط الجنائي (الشرطة- المجاهدين- الهيئة ...الخ) هي ضبط الجريمة وتسليمها الى جهة التحقيق المسؤلة وبس... وبسسس...


اما ان يتصرف رجل الضبط وكانه الحاكم او القاضي وينظر مصالح الناس فهذا لو علم عنه سمو الامير نايف كان وراكم نجوم الليل بعز القايلة!!

وانا انصحك انت وامثالك بالتزام النظام وتقبل النقد اذا كان صحيح... موعيب تقول الجماعة اخطأوا... لكن المشكلة هي الكبرياء والخيلاء والتعالي على الحق والتشدق بالامجاد والمنجزات... ان كان لكم منجزات فلا تخربوها بهذي الافعال المخالفة للشرع والنظام...

وعلى فكرة ترى قبل كم يوم صدر تعميم من سمو ولي العهد بمعاقبة 6 ضباط في تبوك قاموا بالاعتداء والضرب على متهم في جريمة قتل ووجه حفظه الله بمنع التعذيب والتعرض للناس بغير وجه حق وبالعقاب الشديد لكل من يخالف ذلك... والسعيد من وعظ بغيره وترا ريحتكم فاحت!!

[أخو شاهة]

السلام عليكم ورحمة الله وبركاته
رد على ماكتبه الأخ رجل المهمات
اول شيء احب احييك واقول نورت المنتدى وحياك الله معنا ... رغم اني عضو جديد في هذا المنتدى
لكن احب اوضح لك بعض إنجازات (( المجاهدين )) في رفحاء

1- يوم من الأيام كان هناك شخص كبير بالسن كان طالع هو عائلته وعياله للبر على طريق زبالا ... سيارته صالون جمس ... وقفته دورية المجاهدين وطلبوا منه الإثبات وأوراق السيارة ... وبعد ماتأكدوا من هويته وإستمارة السيارة ... قالوا له نبغى نفتش السيارة !!
قالهم وشلون تفتشون السيارة وانا معي عائلة ... قاله العسكري انزل مو شغلك ... فتشوا السيارة بعد مانزلوا العائلة منها ...
أقسم بالله العظيم ... ان ابو العائلة ركبوه معهم بالجيب ... واللي يسوق في العائلة واحد من المجاهدين ... !!!

2- واحد شريطي سيارات من أهل رفحاء ... وقفوه المجاهدين بالشارع الأصفر ومعه زوجته ... نزل عسكري واحد والثاني جالس بالجيب ... قاله العسكري اللي نزل وين لوحات السيارة ... ؟
قاله السيارة جديدة واليوم الصباح طلعتها من المعرض وإذا منت صدقني امش معي للمعرض الحين وتلقى الاوراق عندهم ... المهم كلمة بكلمة
العسكري ضرب الشخص هذا قدام زوجته وقاله ضف وجهك !!!!
وراح العسكري يبغى يركب الجيب ... ناداه المواطن وقاله ياخي انت بأي حق تمد يدك علي !!؟
العسكري الثاني اللي جالس بالجيب سمع الكلام هذا ونزل وقاله بالحرف الواحد : لا بعد لك عين تكلم ... وضربه الكف الثاني !!!

3- واحد مواطن من اهل رفحاء ... معاه ددسن قرنبع يالله توديه وتجيبه للدوام ... صار معه حادث مروري مع احدى دوريات المجاهدين ... والخطأ كان على دورية المجاهدين قالوا له راجعنا بكرا بالدائرة ... المهم رجال من بكرا جاهم وكان رد احد المسئولين عليه :
اسمع يا حبيبي اذا تبغى تصلح سيارتك لا تراجعنا !!
رح لنايف بن عبدالعزيز خله يصلح سيارتك !!!!!

4- المجاهدين مسكوا شخص عمره 17 سنه ... وهذه الحادثة شفتها بأم عيني ... والسبب انه كان جالس قدام بيته ... رحت ابغى اشوف وش سالفته لما جيت الدائرة ... لقيته مكلبشينه في حامي الشباك
وقاله واحد من المجاهدين إضحك ... والمسكين وش يسوي ماباليد حيلة ... ماد كشرته والعسكري الثاني يصوره .... !!!! هذا من غير التكفيخ اللي جاه .

5- واحد من عيال عمي ... انسان ملتزم ... وقفته دورية المجاهدين وقالوا له اثباتك ... عطاهم الاثبات ... قالوا له استمارة السيارة
الرجال كان توه جاي من الرياض ويعرف من هم المجاهدين ؟ وش لهم وش عليهم ... قالهم ياخي وش ذا التعقيد ... قاله العسكري عطني الاستمارة لا العن والديك !!! والله العظيم هذا اللي صار
يقول نزلت ورديت عليه ... يقول لحظه والا دوريات المجاهدين كلها موجودة ... يقول استخدموا كل وسائل العنف معي ... سبع اشخاص على شخص واحد ... يقول ركبوني بالجيب بالقوة ... من مشينا وهم يضربوني ... ويقول فيه واحد منهم كان ماسك لحيتي ويقول :
لعنبوا ذا اللحية !!!!
يقول دخلنا الدائرة ... وكان فيه عسكر جالسين في بيت الشعر اللي بالحوش ... يقول اول ماشافوني قاموا كلهم ... والله لا يوريك ضرب في ضرب ... وهم مايعرفون وش السالفة ... واللي يقهر صحيح ان المناوب ذيك الليله جاء وقالهم ياشباب اللي تسونه مايصير مو كذا ... يقول انا لما سمعت كلامه نزلت يديني اللي كنت محتمي فيهن ... يقول فجأة الا والرجال مد رجله علي وبالوجه ... شوفوا إنجازات المجاهدين في رفحاء.

6- واحد من اهل رفحاء اعرفه زين ... غاب ابنه عن البيت لمدة يومين ... مايدري وين ولده ... اللي يذكره ان ولده طلع بالسيارة بس هذا اللي يعرفه بعد ثلاثة ايام لقى سيارة ولده بالسوق ... وقف .. الا وفيها شخص عسكري من افراد المجاهدين قاله هذه سيارة ولدي وين ولدي ؟ قاله العسكري ولدك موجود عندنا اتبعني !!!
المهم لما وصل للدائرة سلموه ولده واعطوه مفاتيح السيارة ... كذا هذا اللي صار والمسكين مايدري وش يسوي .!!!!

7- قدام محل كاظم العراقي اللي بالسوق ... جيب المجاهدين واقف قدامه بالضبط ... والجيب الثاني واقف بجنبه ... سادين الطريق وعددهم بالضبط اربعة ... وعيونهم للبنات اللي تمر ... يعني غزل عينك عينك .



احب اقولك يا اخي الكريم ... ( رجل المهمات ) ان المجاهدين في رفحاء سيئاتهم اكثر بكثير من حسناتهم .... والكل تضرر منهم واسأل اي مواطن في رفحاء عن سمعة المجاهدين في رفحاء .... رغم ان لهم حسنات ورغم ان هناك اشخاص من منسوبي المجاهدين في رفحاء اكن لهم كل احترام وتقدير وهم
الاخ ناصر الباز
والاخ سعد السبيعي
والاخ علي العتيبي
والاخ فهد السدحان
لهم تحية ... والله يعطيهم الف عافية ... الا ان هناك مجموعة من الجحلط ماادري من وين جايبينهم مايعرفون الا العنف ولا غير العنف .

في الختام اكرر ترحيبي بك واقول حياك الله معانا وتواجدك معنا .
واحب تنقل الرسالة لجميع منسوبي المجاهدين في رفحاء ... وتقولهم ان اهل رفحاء يرحبون فيكم ... ويقولون حياكم الله ... ومافي شيء احسن من الأمن والأمان
لكن اذا وصلت السالفة للإهانة والذل ... لا والف لا
لن نرضا بالذل ..... لن نرضا بالذل .... لن نرضا بالذل .

[أنيس]

حول هذا الموضوع

أرجو من الله العلي القدير .....

أن يهدي أخي رجل المهمات لما فيه خير لنا وله ولأصحابه ...

الملقب : رجل المهمات ::ang

...........الاشراف ..........

أنظر لزملائك وهم يتبخترون بمشيتهم والتي

قال عن هذه المشية الرسول صلى الله عليه وسلم إنها

مشية يكرهها الله ورسوله .:mad:.. أيضاً عنجهية أفراد طاقم الدائرة

الموقرة ... انظر كيف يقفون في الشارع العام ؟

جميع المواطنين يقفون بصورة نظامية مواقف طولية أما أنتم

تقفون بطريقة شاذه جداً تشبه طرق ....الاشراف...... في تعاملاتهم

تقفون بطريقة استفزازيه ... طريقة عرضية .... وأنتم مشعلين

انواركم التي فوق سقف سياراتكم ...:confused:

لقد أوردت في ردك السابق بأن لو عندي شجاعة .. فإنك تدعوني

لأن أقدم شكوى لرئيس الدائرة ... فيه اساءة استخدام المجاهدين

( كما تطلقون على انفسكم ) لسيارات الدولة ؟:o
http://www.rayig.com/picture/funnypic1/picture/moment17.jpg
كيف تريدني ان افعل ذلك ؟

؟!!:p

تريدني ان آتي حتى تعرف أنيس على الطبيعة ومن ثم

يحصل له كما حصل للأخوة قاطني المدينة ؟

أنا أرفض هذا العرض ؟

لأن صاحبه وصل لدرجة السذاجة .... ويظن بأنني سأكون شجاعاً

عندما أسمع كلامه ...........!!

لا ياصاحبي ...

كلامك مردود عليك ....

..... الاشراف .....




:p

[المشرف العام]

الرجاء من كافة الاخوة حصر النقاش في المواضيع الهادفة والهادفة فقط

مع الالتزام وانتقاء مايناسب من الكلمات

اشكر لرجل المهمات ثقته وتواجده معنا واشكر الاخوة المشاركين في اثراء النقاش

ومرحبا بالجميع