][ قصيده لعروبه .. وردي عليها ][

[شمـــاليه]

السلام عليكم..

بصراحه لم اكتب من فتره طويله ولكن عروبه دائما ما [ تحارشني ] والاّ انا عاقله :ebt2029:
بتويتر كتبت صديقتي الغاليه عروووبه اربع ابيات قائله..

ياقسوة الناس في ليني
==== وياقوة الناس في ضعفي
وان كان حظي يجازيني
==== بغارد الناس واقفّي
صار الخوي هو عمى عيني
==== وماصار في هرجته شفي
ماعدت انا طالبه شيني
==== ابي السلامه وانا مقفّي


*عروووبه



رديت عليها ..


يامرحبا يوم تدعيني
==== اشعل لك حروف واطفّي
عروّب مالت موازيني
==== الشعر ماعاد به شفّي
حر الالم دوم يصليني
==== ويقول يابنت مايكفّي
ضيعت منه عناويني
==== وصفقت كفي على كفّي
السهر يابنت يطويني
==== والدمع من مقلتي جفّي
والهجس عبا دواويني
==== والضيق من راسي لخفّي
تعبت والله يشافيني
==== والآآه تشكي على افّي
صديقتي يانظر عيني
==== دعوتك هي غالي الشفّي
ادعي الهي ينجيني
==== وثوب العوافي لي يلفّي


*شمـــاليه













** للأسف مالقيت تنسيق قصيده :004[1]:

[عروووبة]

صح لسانك وبدنك

ايه ارجعي شوش اللي اعرفها
نص العلاج ان نفسيتك تكون عاليه
وكثير اللي مثلك واشد
ولله الحمد هاهم باحسن حال وطول الله باعمارهم وعافاهم
ابتلاء تؤجرين عليه باذن الله

واسال الله ان نفرح بشفائك
وتعزمينن بستراحه لحالي ومشتهيه كيكت الكتكات يمدحونه حيييل ابي وحده لي لحالي
وابو نايف هاتيله كرتون ربيع بس

[ابونايف]

صح لسانگ شمالية

عروبة لا تحتكين بالشعراء الكبار ...

وبعدين ربيع يذبحن بالحرقان هههههههه

لازم معه مارس او توكس ع الاقل 😂

[عروووبة]

صح لسانگ شمالية

عروبة لا تحتكين بالشعراء الكبار ...

وبعدين ربيع يذبحن بالحرقان هههههههه

لازم معه مارس او توكس ع الاقل 😂

انا شاعره لايشق لي غبار
بس ماكسر مجاديفي الا انت والدب
ست شهور وانا اتعالج عند منسيه بسبتكم نفسيتي تعبت

[ابومحمدالزوبعي]

صح لسانك
ونسأل الله لك الشفاء العاجل

تنسيق القصيدة صار قضية فلسطين :)

[عقارب]

ـصــــح لسانك يا شششماليه

والحمدلله علي السلامه

[ابونايف]

انا شاعره لايشق لي غبار
بس ماكسر مجاديفي الا انت والدب
ست شهور وانا اتعالج عند منسيه بسبتكم نفسيتي تعبت

ههههههههه

كلاً معروف الشعراء درجات لازم نعرضك ع غسان الحسن 

للتقييم النهائي بعد العلاج 

[عروووبة]

ههههههههه

كلاً معروف الشعراء درجات لازم نعرضك ع غسان الحسن 

للتقييم النهائي بعد العلاج 

الله فوق
بس انا ماني جاهزه للعرض
للحين فيني اثار قولون

[شامي الدهيمان]

الحمد لله على السلامة

صح لسانك وعلا شانك

انت وعروبة

[الزعيم]

صح لسانك شاعرتنا

[نافع العنزي]

==== دعوتك هي غالي الشفّي
ادعي الهي ينجيني
==== وثوب العوافي لي يلفّي


رووعة شمااالية مو غريب عليك الطيب

يسعدني اني اشارك معككم

مع فائق الاحترام والتقدير


ابو عبدالله

[شمـــاليه]

صح لسانك وبدنك

ايه ارجعي شوش اللي اعرفها
نص العلاج ان نفسيتك تكون عاليه
وكثير اللي مثلك واشد
ولله الحمد هاهم باحسن حال وطول الله باعمارهم وعافاهم
ابتلاء تؤجرين عليه باذن الله

واسال الله ان نفرح بشفائك
وتعزمينن بستراحه لحالي ومشتهيه كيكت الكتكات يمدحونه حيييل ابي وحده لي لحالي
وابو نايف هاتيله كرتون ربيع بس


صح بدنك يا عشيرتي والحمدلله على كل حال .. الله الطف وارحم..
ههههه وابشري بالعزايم..
بوصلك باقة حب من وحده عرفتني بنفسها بالانستغرام تعالي خاص اعلمتس من :11owoff:

[شمـــاليه]

صح لسانگ شمالية

عروبة لا تحتكين بالشعراء الكبار ...

وبعدين ربيع يذبحن بالحرقان هههههههه

لازم معه مارس او توكس ع الاقل 

صح بدنك ابونايف وبأذن الله تطلع افنان شاعره (وتستشمل) .. ياويلكم :MonTaseR_125:

[شمـــاليه]

انا شاعره لايشق لي غبار
بس ماكسر مجاديفي الا انت والدب
ست شهور وانا اتعالج عند منسيه بسبتكم نفسيتي تعبت

قرد عينتس من هالاثنين

[شمـــاليه]

صح لسانك
ونسأل الله لك الشفاء العاجل

تنسيق القصيدة صار قضية فلسطين :)

صح بدنك والله يجزاك خير
شفت يا ابو محمد هالتنسيق اللي ماتهيا يزينونه :(

[شمـــاليه]

ـصــــح لسانك يا شششماليه

والحمدلله علي السلامه

صج بدنك والله يسلمك لاهنت

[شمـــاليه]

الحمد لله على السلامة

صح لسانك وعلا شانك

انت وعروبة

صح بدنك ابو نوف لاهنت

[شمـــاليه]

صح لسانك شاعرتنا

صح بدنك يالزعيم لاهنت

[شمـــاليه]

==== دعوتك هي غالي الشفّي
ادعي الهي ينجيني
==== وثوب العوافي لي يلفّي


رووعة شمااالية مو غريب عليك الطيب

يسعدني اني اشارك معككم

مع فائق الاحترام والتقدير


ابو عبدالله





صح بدنك وحياك وبياك لاهنت

[ريانه]

ياحلوكم ..

[شمـــاليه]

ياحلوكم ..

وياحلو مرروررك

[ابوبادي 12]

صح السنتكم كلكن ... وأخيرن رجع المنتدى بعد طول البعاد ...