بديار لفروق الحبارى تلفى**جنوب من حزم الجلاميد وطريف

[راعي غنم]

أنا على المقناص قلبي يرفي**فترة ونرجع يم اهلنا منا كيف
بديار لفروق الحبارى تلفى**جنوب من حزم الجلاميد وطريف
الطير هو غاية غرامي وشفي**اقدره تقدير الاجواد للضيف
من كبر قدره حامله فوق كفي**وارعاه تسع شهور بالقيظ والصيف
ودهله لاشفت ريشه مصفي**على الدعو واخفف النسر تخفيف
نقله يشرفني وشوفه يكفي**عن شوف ناس ما تعرف المعاريف
لاشفت لي نو بروقه ترفي**نويت اجهز موتري للتكاليف
القيظ كله جالس(ن) ومتعفي**وبرد المكيف نشف الدم تنشيف
متى سموم القيظ عنا تقفي**وسهيل قبل يعمد الفجر قد شيف
والنار يصلح شبها للتدفي**والبرد نوجس من نسيمه هفاهيف
وقمنا لعزبتنا نشيل ونضفي**ونكمل الناقص ونملا المطاريف
واللي نشيل من اللوازم مكفي**ومكتفين العفش بالحبل تكتيف
ويمكن اليا جينا البقاله نوفي**حاجات نشريها كمالة مصاريف
والصبح من حزم ابرقيه مقفي**صوب المعظم والهضاب المقاييف
بديار جعل اشجارها ما تجفي**تعلها غر المزون المراديف
في رفقة اللي نارهم ما تطفي**على الشرف والجود ربع مواليف
مجلاس طلقين الشوارب بصفي**على الدلال اللي بهن ساخن الكيف
خويهم ما اوجس كلامٍ يحفي**غير المزوح الطيبة والسواليف
عقال وزن عقولهم ما يخفي**ولاهم على الفاضي خفاف وملاقيف

[هرطمان]

في رفقة اللي نارهم ما تطفي**على الشرف والجود ربع مواليف
مجلاس طلقين الشوارب بصفي**على الدلال اللي بهن ساخن الكيف
خويهم ما اوجس كلامٍ يحفي**غير المزوح الطيبة والسواليف
عقال وزن عقولهم ما يخفي**ولاهم على الفاضي خفاف وملاقيف

والنعم فيك وفيهم وصح لسانك يا راعي طريف

[حنين الماضي]

صح لسانك راعي غنم على هالقصيده

[ليث]

صح لساااامك ...........