قصتي مع العرس

[كورن فليكس]

الحلقه الاولـــــــــــــي

الساعه التاسعه والنصف ليلآ مشغل التلفزيون قناه الام بي سي
الا وشوف اربع حريم يسولفن ماناقصهن الا كراث قلت خلوني اتابع
من ضمن الحريم وحده دبيه قووووه اسمها فوزيه تسولف لهن عن العرس انا شكيت انها بتخطب وحده منهن لولدها
وتنصحهن وتقول (( زي مااولت الست لازم تهتم بقوزها بالبس بتاعوه والاكل كمان ازاي تبئا ست بيت وهي مبتعرفش تطبخ الراقل بيحب الطبيخ والست لازم تعمل كول الي هوا عاوزه وتنوع بالاكل عشان مايزهئش منها )) عاد انا اذبحوني عند الاكل وقل اااااه لو كنت معرس كان اخلي المره كل يوم تسوي لي طبخه وبين كل طبخه وطبخه حلا . المهم وانا جالس ومنسجم مع فوزيه هانم كان تقاطعها وحده قد شفتها بمسلسل سوري وتقول خلونا نشوف هالتقرير ونكمل كلامنا .
واثر البرنامج اسمه كلام نواعم . لاني شفته للنهايه
وجادت قريحتي بهالكلمات الي تقول .....

ودي انــا اعـرس وابـي فـله
وابــي لــي لـكــزس عـنــابي

وانـسى السهر واترك الشله
واجـلـس بـداري مـع احـبابي

اكـــــل فــي بـيـتــي ولا امـلـه
لاواحــســايــف يــاصــحــابـي

اكـل الـمـطـاعـم تـــرا عــلــه
وفــيـه الـمـرض دايـمـأ رابي

هـــذي امـانــي تــــرا والـلــه
وانــا الــى الــيــوم عــزابــي

...................................
وللحديث بقيه

[كورن فليكس]

الحلقه الـــثـــانــــــيـــــــه

المهم كان لي صديق قديم تزوج قبلي وبدا يشوف نفسه علي ويقولي يالخبل تزوج ترا العرس زين لايفوتك ابلشني ودبل تسبدي يقول اعرس والحق عمرك يصير عندك زوجه تغسل ملابسك (( شوفو تفكيره تقول بلش بملابسي ))
المهم انه اشغلني يبيني اعرس وانا داج عاد قلت له ..


قالـو لي اعرس قلت ماني بمعرس
وشــلـون ابعرس والـدراهم قليلات

قالو لي مفلس قلت اي والله مفلس
ومخبات ثــوبـي مـاتـعرف الريالات

ودي بـوضـيـفـه لـهـا رويـتب يونس
لاكـن خـسـاره انــا مـالـي شـهادات

قـالــو لـي ادرس قـلـت والله لـدرس
مافـيه عـرسأ يجـي بـنـوم الـمخدات

هـذي نـصـيـحه يـاولـد قـم لاتــجـلس
والـحق قـبـل يـجـيـك يومأ تقول فات


.................................................. ........
وللحديث بقيه

[كورن فليكس]

الحلقه الــثــــالـــــــثــــــه

وبعد بعد مده لقيت لي وضيفه بعد حب خشوم وطلايب وانواع الوسايط كاتب بالمرتبه الثالثه ومن اول راتب قررت اعرس ورحت اخطب ولاكن هيهات اثر العرس يبي ميزانه دوله المهم بالموت لقيت ناس ماتشرط ماهو مثل غيرهم يحسبوني مشارك الوليد ولا سارق بنك
وقلت بهالمناسبه .

نـويت الـعـرس بـكـمـل نص ديني
ورب الـكــون والــعــالـم يـعـيـني
ابــاخــذ مـوتــر اقـسـاطـأ وديـني
واكـمـل مـابـقـا ديـنــأ عـلـى دـين

اقـول الـحـق اي واللــه فـضـيحه
ابــي اعـرس ومـحـتـاج النصيحه
مــابــي زيـــنـه ولا ابـغـي مـليحه
ابــي شـيــنـه ولــو عـمره ثلاثين

انــــا واللـــــه مــانــي بـاتــشرط
ابــي اعـرس ولا ودي اتــمـرمط
مــابــي شـايــب اذا جـيـتـه تمغط
وصــرفــنــي بــكــلـمـه او بـثنتين

وكــم مـره خـطـبــت ولاعـطــوني
ومـعـي جـاهـه ولاكـن ارفضوني
انــا بـكـتــب مـاشـفـت بـعـيــونـي
واخــلــي الـحـكـم كلـه للمسلمين

جــيـت نـاس وقـالـو لـي الوصايا
مـيـتــيـن الـف مـن غير الشرايا
ولـبـوهـا سـوبـر وشــويـة هدايا
وبــــيـتـأ لـهــا ويـكــون دوريـــن

وجــيـــت نــاس وقــالــو لي تمل
تــبــي تـخــطـب هــلابــك تـفضل
مــعــك مـيــه ولا قـــم تــســهـل
تـرا عـــزاب هـالــحــاره كثيرين

وجـيــت نــاس اي والله هلن لي
يـبــون خـمـسـن والـبـاقي يولي
يـبــون رجــال بـــالمسجد يصلي
ويحط البنت على الراس والعين

يــابــو البنت تــرا هـــذي ضليمه
وزود الـــمــهــر عـــاده قــديــمه
الــلــحــيـن كلأ يبي يستر حريمه
وحــضــيض الي عـلى بنته يعين

لـشـفـت فـلوس لاتـخطي وتوافق
رح اسئـل عنه واسئل من يرافق
واحــذر لايــجــيــك واحــد يــنافق
والـيـا اخــذ بنتك يوريها العذابين

وخــتـــام الـقـــول واخـر هالكلام
صـلاة ربـــي عــلــى خــيـر الانام
عــــدد حـجــاج بــالــبـيـت الحرام
وعــــدد مـاكــبــرو كل المسلمين

.................................................. .

للحديث بقيه

[كورن فليكس]

الحلقه الـــرابــــعـــــه

وابشركم تم الزواج وصرت ابو ايه صرت ابو جاني بنيه والامور زينه الى ذالك اليوم المشؤم يوم قالت المدام ابي ادرس بكمل تعليمي عاد انا تخبرون انا عصبي باللحيل قلت لها معصي وش دراسته بعد المره مالها غير بيتها . وكما هو متعارف عليه كلامها بالنهايه يمشي وفعلا كملت تعليمها وقلت ....

ابــدي بــذكــر الي على الناس انعم
الـواحــد الـمعبود وهو محيي الميت

واثــنــي على المختار اصلي واسلم
نــبــيــنـا الــي دايــما طـاهر الصيت

ام الـــعـــيـــال تــقـــول ودي اتــعـلم
مــلــيــت انــا والله من جلست البيت

خــذ الــشــهــاده وسـجلــن لــو تكرم
واكـتــب لـهم معروض كيتأ معا كيت

كـــلـــه ســنــيــن اربــع وبـعده اعلم
واصـيـر انـا استاذه ويصير لي صيت

ويـعــطــونــي الــراتب واقول لك سم
رح قــســط الــجـــيــب الــي تــمــنيت

الــهــرج انـــا اعـجـبنـي وقـلت له تم
لاكـــن خــســاره بــس لــيــتي ترويت

عـــقـــب الــقـرار الشين زود بي الهم
يـالـيـتــني عيـــيـــت يــالـــيـــت يـاليت

ابـــي الــربـــح واثــره خساره وعلقم
وراتــبـــي اصـــبـــح عـــايش بتشتيت

اصـــــور الاوراق واشــري مــــلازم
ولـــســـوق الــــمـرايــيــل ياما تعنيت

والــعـــب الـــبــتزران وعساني اسلم
ومـــن يـــومــهـــا مـااخبر اني تغديت

الـــفـــجـــر اوديـــهـا والــوقت مضلم
والــضــهـــر انـــا اجيبه وياما تحريت

وحــلــمــي انــــا بالجيب اشوفه تهدم
بــس لــيــتــهــا تفصل اي والله ياليت

مابـــي لـهـــا راتــب احــلـــف وابصم
واقــســـم بــرب الكون ومنشي البيت

الــلــحــيــــن وش ينـــفـــــع يوم اتندم
وراسي غــــزاه الشيب من يوم دجيت

اذكــــــر زمــــــــان اول كـــنت اتبسم
والــيـــوم كــلي هــم غــير اني ترديت

ونـــصـــيحـــتي لــــلي يــــوجي ويفهم
احــــــذر مـــــن الــــتعليم للي لها بيت

.........................................
وللحديث بقيه

[كورن فليكس]

الحلقه الــــخــــامـــــســــــه

الوكاد يالربع انها كملت دراستها وصارت ابله يعني استاذه وصرت اشوف الخمسميات من قريب وصارت ماتجيني رسايل من الجوال وهم يقولون سدد ولا فصلنا عنك الحراره بالعربي ريشنا ..

انـــا احــمــد الي حامي اليوم داره
ربـــأ كــريــمــأ بــالــعـطا والثوابي

اللـــه اكـبـر عــقــب ذيــك الـطفاره
دراهــمــي مـنــهــا تضيق المخابي

شــريــت جــيــبـأ ايـتـلامــع غباره
جـيــبـا تـمـنـيـتـه وانـا فـي شـبابي

واصـبـحت انا ياناس راعي تجاره
وبـالـبـنك مدري انا كم هو حسابي

وايـضـا انـا هاللحين عندي عماره
ودايـم اشـب الـنـار ومـفـتوح بابي

زرعــأ زرعـتــه ثــم جـنـيـنا ثماره
بـفضل رب الكون منشي السحابي

ام الــعــيــال الـيـــوم جتها البشاره
واسـمــه قــريــتـه بـالجرايد كتابي

مـــدرســه صـارت وجـاهـا قـراره
ومـن بـعــدها راح قـحــط المخابي

انــا اشـهــد ان العلم ماهو خساره
الا ربــح يــالـي قــريــتــو خــطابي

وخـصـوص اذا ماهي بتهمل بداره
تـكــنـس وتمسح مع غسيل الثيابي

اصـيـلـتــن والـديــن دايــم شــعاره
وتـــذكـــر عــيــالــه بيوم الحسابي

مــاتــعــترف بــالـي يسمى حضاره
مــاتـنـقــل الــجوال هــو والــنقابي

والـــدش مــايــدخـل ابـد وسط داره
والـــي ابــي مــنــهــا بلحظه يجابي

..................................
وللحديث بقيه

[كورن فليكس]

الحلقه الـــســـادســـــه والاخيره

وين وصلنا ايه صح صرت مريش عاد تخبرون ذاك الحقنه الي هو خويي بالحلقه الثانيه شفته صدفه ايه صدفه لاني بديت مااماشيه بعد ماوهقني وقالي اعرس المهم شفته وقالي مشالله عندك سياره وبيت وحالتك زينه يالخبل اعرس جدد ولعب بمخي هالسوسه وفعلا طاوعته واعرست وكانت بداية النهايه ..


انـا اشـهـد انـي مـلـيـقــيف
ولا اجــيــد الــتــصـاريــف
والـعـقـل صــابـه تـخاريف
ومـشتـت الـذهـن غـايـــب

جــونـي شـبـاب انصحوني
وبـنـصـحـهــم وهـــقــونـي
الــمــوت شـفــتــه بعيوني
يـانـاس هـــم الــســبايــب

مــن يــوم مـازاد مــالــي
قــررت انـا اشـوف حالي
واخــذ عـلــى ام الـعيالي
ابـحــث وادور نــســايــب

مــن يـومها صرت ضايع
ويــومـي يـمـر وانـا جايع
اول شـــبــــابــــأ ويـــانـع
والــيـوم انـا صرت شايب

اصــبـحـت لـشرب ولاكــل
وفـي كــل حـــزه مــشـاكل
لــجــة بــزران وســيــاكل
والـقــلـب يــانــــاس ذايـب

الاولــــــه حـــــاربــتــنـــي
ومـــن راتــبــه مـاعـطتني
والـــثــانــيــــه شــيــبــتـني
وفـي لــحــظـــه مــصــايـب

اقــضــي نــهــاري اتـمشى
فـلافــل صـــرت اتــعــشـى
والـبــيــت خـــايـــف ادشى
مــنــهــن انــا صـرت هايب

دايــــم هــوشــاتـــأ قـــويــه
وانـــــا اصــيـــر الـــضـحيه
والــحــــق يــصــبـــح عليه
واللـــــه مـــانـــــي بـــطايب

بـــالـــمـغــسـله اغسل ثوبي
واهـــن يــغــســـلــن جيوبي
يـانــاس واللـــــه لــــتــوبــي
مـــن بــعـــد شـوف العجايب

وكــل وحـــــده اجــــيـــــهــــا
قــــامــــت ومـــدت ايــديـــها
فـــلــــوس مــنـــي تـــبـــيـها
تــقــول ادفــــع ضــــرايــــب

........................................
توته توته خلصت الحدوته

كتبت هذه القصائد ولعلي ادخل بها البسمه الى قلوبكم علمآ بانها لاتتعدى كونها طرفه وعساني وسعت صدوركم .

لو انا مشرف كان طقيتها بمسمار لانني تعبت فيها انا بجي بكرا واذا مالقيتها مثبته بخلي الدم للعصاقيل .

لكم ارق الــــتـــــحـــــايــــــا .

[$الوميض$]

كورن فلكس,,,

معاناة الله يكفينا شرك..

ياخوي حنا بليا منحاشين عن العرس

وانت عاد ماقصرة هججتنا زياده...

يعطيك الف عافيه فعلا قصايد متعوب عليها


الوميض

[رفحاوي]

(المهم كان لي صديق قديم تزوج قبلي وبدا يشوف نفسه علي ويقولي يالخبل تزوج ترا العرس زين لايفوتك ابلشني ودبل تسبدي يقول اعرس والحق عمرك يصير عندك زوجه تغسل ملابسك (( شوفو تفكيره تقول بلش بملابسي ))

ابداع ابو فليكس

صح لسانك ومشكور على المجهود الكبير الحلو

ناوي اجدد بس هالقصايد تخوف زود على خوفي المزمن

تبي النصيحة
طق الثالثة

يقولون (انا اللي اقوله )

اللي متزوج وحدة مثل الجندي
واللي متزوج ثنتين زي الأمير
واللي متزوج ثلاث مثل الملك
واللي متزوج اربع ... صراحة الى هالحين هالمنصب شاغر

الف شكر وكثر لنا من هيك مشاركات

[شوووووووق]

بصراحه وسعت اصدورنا الف تحيه تستاهل يابو الشباب

وفعلا مجهودك واضح

والي متخوفين من العرس اقول اركدوا وما لكم الا هيــفا قصدي ما لكم الا العرس

ســــــــلملم

[كورن فليكس]

الغالي الوميض
الله يعافيك
وشاكر لك حضورك

[كورن فليكس]

هلا وغلا ورحب بالغالي رفحاوي

نورتنا يابعدهم

صح بدك والعفو واتمنى ان اكون ادخلت البسمه الى قلوبكم

شاكر لك هذا الحضور والاطراء

تقبل تحياتي

[كورن فليكس]

الغاليه شوووووووق الا كم واو بأسمك

مرور جميل اسعدني تواجدك

الف تحيه وشكرآ على الرد

وربي يوسع صدرك دنيا واخره

لكي تحياتي

[شوووووووق]

كورن فلكس .....امممممممممم يمي

>>جوعانه البنت تبي تاكلك يا كورن فلكس

مشكور على دعاءك لي

وبا النسبه للواو با اسمي ما بقولك عاد انت عد وخربط

ههههههااااااي >>>>>>>امروقه من الصبح

[كورن فليكس]

شوووووووق (( سبع واوات )) حلوه واوات
صباح الخير
واضح انك جوعانه
لان لك مده وانتي تاكلين اليا الي باسمي
وخليتيه بدل كورن فليكس كورن فلكس
الله يستر اجي بكري والقا اسمي
كو والباقي مأكول

لكي تحياتي