الدب لا منه دشر يلزمه دب **** والمشكله ملزوم تقضي لزومه

[سالم الزير]

الدب لامنه دشر يلزمه دب=والمشكله ملزوم نقضي لزومه
دب(ن) دشر .. دشّر معه كلب=هستر معاه الكلب ضاعت علومه
من حب سب .. وسب من حب=الحلم .. علم.. وعلم ضاعت حلومه
يا دب يا داشر أحبك من القلب=والقلب له تفصيل واسمع رقومه
القلب الاول كله احساس بالحب=تنبض شرايينه مشاعر رحومه
والثاني بوسط المعركه قلب للحرب=حرب العدا ابدى مبادي سلومه
والثالث ..قلب الحكم صن باللعب=لا .. لا يزوغ البال يم الـ......
ياجعل يفدى الوطن كامل الشعب=انا اشهد ان النفس فدوة حزومه
نعم.. ندين الارهاب.. والحرب=ومن لامنا ياجعل ربي يلومه
ومن .. غرر الجهال بالحرب والضرب=ياجعل ربي يضربه في هدومه
الله .. بوجيه العدى يقفل الدرب=ويجزاه من سود الايام يومه

[رفحاوي]

افا !!

طلع ارهابي دبدوب ؟!!

صح لسانك سالم الزير.

وحياك الله باول مشاركة.

[الدب الداشر]

صح لساانك والمعذرة الزير والله اليوم قرأت المووووضووع بعدما نبهني له أحد الأصدقااء ..


أعتذر على التأخير وهذا رد سريع مكتوب بـ txt .. ومرفق بعجله ..



يازير يا سالم ترى مابنا طب =أحذر من التشكيك وأيا علوومه
صاحبك ولى صايبه صايب الحب=مسكين حتى نوب ينسى هدومه
الفكر ذا مشغول في خاطرٍ شب=القلب ضايع بين ضحكه ولومه
وشلون تشره يا عضيدي على دب=شايل هموم الناس ويّا همومه
يا زير أشرب خلنا معك نشرب=العمر راح ..دون أية ملوومه
نبغى لنا جوٍ وصل في سما الرب=ونعيش جو الشعر هرجه ونومه
أشوفك تنادي علي هيه ياضب=والدب جنبك يرتقص في غيومه
أنسى الحبـيب وخاطره يوم يشتب=وأنسى الهوا الضاوي وجرت غمومه
وتنسى معي ماصار من دمعة وسب=وتنسى سما واقعك ويا سمومه
ننسى هموم الناس من حقدٍ حرب=هذا العقل مابيه يبقى ليومه
أمزح ترى العذال للهرج تطرب=وأيوصلون الهرج يم الحكومه
بيجيك جيب ولاني بقادر اهرب=دب تخبر صاحبك يا ثقل قومه
يازير لاتشره ترى صاحبك حب=والقايله والله حاصد نجوومه
ان كان بك لي خير دور على طب=وألا الهوى الضاوي ودارٍ يرومه
إن جيت باقي ثلج أيه أعجل وجب =صاحبك ذا والله خربت علوومه




(( يقولون مالا يفعلون ))

[ليث]

وشو الهوى الضاوي.................


صح لسانكم جميعااا ونستونا الله يونسكم بالعافيه

[العزام]

صاح لسانكم الاثنين


ولا هنتوا

[ابو مشعل]

صح السان الزير وبالنسبة لقصيدة الدب تذكرني ببراشيم اول ثانوي ,الله يذكر ايام الاستاذ القدير ابو رامي
(انا ما نسيت يوم تشرشحني بقصيدة العشماوي وجابك الله)

[شمـ هبوب ـاليه]

صح لسانك الزير

صح لسانك الدب

سلمت اناملكم على ماخطت

قصائد رائعه كانها واحد اللي كاتبها

الف شكر

[الدب الداشر]

حجي ليثوون الهوى الضااوي هذا مرض !؟ .. وصح بدنكـ


العزام صح بدنكـ


صح السان الزير وبالنسبة لقصيدة الدب تذكرني ببراشيم اول ثانوي ,الله يذكر ايام الاستاذ القدير ابو رامي
(انا ما نسيت يوم تشرشحني بقصيدة العشماوي وجابك الله)
أبومشعل أقل شيء أنا درست أول ثانوي ونجحت الحمدلله أما انت ما معاك الا ساادس ؟؟

وش عرفك ببراشيم أول ثانوي ؟؟

حجي هبووب صح بدنكـ وانا ماني شااعر بس الحجي الزير الدااشر هو اللي بلاني بشره ..