@ فترة تسمين .. حرب الأكل قبل المجاعة @

[النابغة الطائي]

السلام عليكم ورحمة الله وبركاته ..

أما بعد ..

يقول الله عز وجل ( وجعلنا من الماء كل شيء حي )

هذه آية عظيمة لو نتدبرها ..

لكن ما عندك أحد ..

في عقود ماضية يذكر لنا شيّابنا ..

في ماهم من شظف العيش ..

وقلة الماء والأكل ..

الماء ويالله يالله ..

بس ياهو نظيف ومفيد بعد ..

والأكل فيه بركه مع قلته وعدم تنوعه ..

عاد وش هو أكلهم .. ؟

تمر .. وخبز .. وسمن .. وتمّن .. وياسلام لو فيه بعض اللحم ..

واللبن أو الحليب .. احياناً يكفي ..

وبعض الأعشاب في وقت الربيع .. فهي تسد الجوع ..

ومع ذلك يمشون ويحرقون اللي ياكلونه ..

ولا يعرفون الأمراض .. ولا السكر .. ولا الضغط .. ولا القولون ..

متعافين ومعافيهم الله ..

واليوم .. وما أدراكم ماليوم .. ؟

والله حاله ..

أمراض .. وجهد .. وتعب .. وضيق .. وكل شيء ..

السكر .. والقولون .. وقلب .. وضيق تنفس .. ووو

حتى الأطفال الصغار فيهم سكر وقولون ..

إذن .. من أين أتت هذه الأمراض .. وما السبب .. ؟

أتت هذه الأمراض .. من الأكل ..

ومن أين أتى هذا الأكل .. ؟

أتى الأكل من الغرب ..

أتحدى اليوم .. كبير وصغير .. رجل وأمرآة أن يعيش بدون هذه الكيماويات ..

إلا من حفظ الله ممن حماه من هذه المأكولات .. وصبر على ما عاش عليه ..

هذه معلبات .. بأنواعها .. ومشروبات .. من هو صانعها .. ؟

ودجاج وما أدراكم ما الدجاج .. ؟

وحليب للأطفال وللشيبان وبعد طويل الأجل .. وفي النهاية بودره ..

ومع ذلك الجهد ضايع .. والإنسان المسلم تعبان ..

لو تسأله .. دايم يقول أنا تعبان .. ما أقدر .. ويبحث عن النوم ..

ماله نفس يفكر .. فقط له نفس يأكل .. مما لذ وطاب ..

هذا بروستد وهذا همبرجر .. وهذه شاورما .. وهذا حلوى .. وهذا كراميل ..

ويقولون فيه مطعم جديد .. ومشينا له .. وفيه قسم عوائل بعد ..

وفي البيت .. العشاء من المطعم .. وهذا توصيل مجاني ..

أهم شيء تأكل وتشبع .. وتسمن ..

هي فترة تسمين .. محدودة إلى أجل ..

وكل يوم أكله جديدة .. وكل يوم مشروب جديد ومقوي ..

وكل يوم مطعم جديد .. وكل فترة نوع جديد ..

الأمراض كثرت .. والناس زحمه عند المستشفيات والمستوصفات وزود على ذلك مواعيد ..

وبدأت منافستها للمطاعم .. وبدأت ترتفع اسهمها ..

لاحظوا كثرتها وكثرت المصابين وخاصة الباطنية .. ولا يهون مرض السكر ..

طيب الأجل هذا إلى متى .. ؟؟

الأمطار وقليلة .. والمجاعة تدق أبوابنا .. والحروب على المسلمين كثرت ..

وعلامات الساعة ظهرت .. ومابقي إلا القليل ..

المهم أن الدجال لا يظهر .. إلا فترة المجاعة ..

ويقول ياسماء أمطري .. فتمطر .. ويا أرض أنبتي .. فتنبت ..

فيتبعه الناس .. يقولون أنت ربنا .. أنت ربنا ..

نعوذ بالله من الدجال ..

[سهرانه]

النابغه سلمت يداك
تتوقع لولا حب الناس لكثرة الاكل هل تكثر المطاعم
في رفحا الان مطاعم كثيره وتوصل للبيت بعد ليييييييييييش
والحمد لله نعمه الحين الوحده لما تبغي عشا او البيت تلقى البروست من مطعم والحمص من مطعم ثاني والبيتزا من ثالث والمشوي
نختار من احسن مطعم احسن حاجه
وبعد كذا نتعب على الرجيم

[رفحاوي]

وعليكم السلام ورحمة الله وبركاته...

هلا اخوي النابغة الطائي (اسمك حلو وجايز لي).

صدقت اخوي بكلامك ...
غير موضوع الصحة عندنا اسراف يخوف ...
الماء نضيعه بدون سبب ...
نطبخ اكثر من حاجتنا مرتين او اكثر.

الحمد لله نعم كثيرة وياخوفي تضيع مننا باكر بسبب نكرانه.

[ليث]

مواضيع رائعه اخي النابغه