نــــســـــــيــــتــــي .... من نسى ,,,, الــدنــيــا

[الدب الداشر]

مِــن شــاعــرهــا إلــى مَــن تــسـتــحـــقـــهــا



نسيتي من نسا الدنيا ولكن ماقدر ينساك
ولو نفرض نسيتيني شعوري كيف تنسينه

قسيتي قسوة ايامي وباخر قسوتك فرقاك
ومحبوبك ولا حتى على فقدك تواسينه

نساك وقرر الفرقا ولكنه نسا يجفاك
يغيب ولا يغيب الحب من قلبه ومن عينه

جروح الحب تبكيني وجرحي منك مابكاك
وحتى الحزن يبكي منك ماظنيت تبكينه

عزاي ان النخيل الشامخه ماتنحني لرضاك
تضّللك المشاعر والثمر يرجم وتجنينه

عزاي ان العطا يرسم معاني فرحتي بشفاك
وكنك لا خذيتي من فؤادي حب تعطينه

عزاي ان الليالي في لياليها سرت مسراك
يضيع العمر من عمري ولطلب منك توفينه

خيول القلب تفدا الحب واهل الحب ماتفداك
ولو ماتوا يعيش الفارس اللي مات بيدينه

عزاي الشمس لو تشرق مشاعرها زهت ظلماك
عزاي ان الشعور اكبر يطولك ماتطولينه

ولو حبوا وحبيتي وعاش الحب في دنياك
على فكره مثل حبي محال انك تعيشينه

ذكرتي كل شي الا حبيب مانسا ذكراك
ولو فعلا نسيتي مابقى شي تعرفينه

[ابووليد الشلاقي]

صح لسانك اخوي الدب على هذه الرائعه
قصيده لايكتبها الاشاعر رائع مثلك انت
اتمنى اقرأ لك المزيد
فلاتبخل علينا