خطراً على اللوحات والعمداني

[شامي الدهيمان]

يمكن تسـوق الحرمـه السيـاره
وتقنص على الفكسـار والنيسانـي

وتزاحم اهل القنـص والصقـاره
ولا عاد نلقـى عقبهـا ضبانـي!

لاصار ماله غيـرةٍ فـي عـاره
وتهاون المسلـم مـع النصرانـي

ولاصار مثل اللي يحمل اسفـاره
الـلـي ذكــره الله فالقـرانـي

لاتقرب الحرمـه حـدود الطـاره
تكفـون ياربعـي ويـا حبـانـي

خطرٍ على الشارع تطيح اشجـاره
وخطرٍ على اللوحـات والعمدانـي

ولاصحصح الرجال طـق زراره
ودوّر على اللـي لونهـا رمانـي

ثم يبطي الماخـوذ فـي مشـواره
ولا ياخذ الحرمـه ولا الورعانـي

ولاشافت الشرطي وضاقت (ساره)
واليا اشتكت لـه شغـل الونانـي

يسـري عليـه الليـل فالنظـاره
تلاقـط عيونـه ورى القضبانـي

قولو لابـن زلفـه يعـن مهـاره
ويحسن نبـاه ويلعـن الشيطانـي

وقولو لبن زلفـه يعيـد انظـاره
مالـه ومـال سواقـة النسوانـي

وقولو لبـن زلفـه يحـط اوزاره
ان كان يبغـى جنـة الرحمانـي

وقولو لبن زلفـه يشيـل اعـذاره
متوهـمٍ بـاعـذاره وغلطـانـي

يحـدد الاعمـار لاجـل اقـراره
وبعدين ياخـذ لـه مسـارٍ ثانـي

الذل فـالٍ لـه وفـال انصـاره
والـذل قالـوا ديـدن العلمـانـي

ننشد عن الفتوى شيـوخ الحـاره
ولاننشد الفتـوى مـن الكورانـي
________________
محمد زيد العتيبي

[نافع العايد]

هلا بك .. وصح لسانك ..
/
.

ولاهنت
.
.


مختلفه .. لذا اكتملت جمالاً
.
.

[الافندى]

صح لسانك السلهومي .. ولسان العتيبي

اختيار موفق من شاعر مبدع

[همّام]

السلهومي كعادتك جميل تختار الجميل شكرا لك

[شامي الدهيمان]

الأخ - نافع العايد تشرفناء بالردك


مشرفنا العزيز الأفندي ولسانك طال عمرك

مشرفنا الرائع همام لك التحية والتقدير

تحياتي للجميع

هدفنا الأول ارضاء اعضاء المنتدي

[مايكبرني لقب]

اختيار رائع
شكرا السلهومي

[ليث]

السلهومي رعاك الله


اختيار كالعاده موفق

[شامي الدهيمان]

الأخوة العزاء

رجراج ------ ليث

لكم كل الحب والتقدير

[سهرانه]

لوووووووووووووووووووووووووووووووول
ايش التحطييييييييييييييييييييم هذا
خايفين على اللوحات والعمدان مننا لووووووووووووووووول
طيب خوفوا على انفس البشر اشوى شوي خل نحس انا نخوفكم لو بالسيااارت لوووووووووووول

ولاصحصح الرجال طـق زراره
ودوّر على اللـي لونهـا رمانـي

ثم يبطي الماخـوذ فـي مشـواره
ولا ياخذ الحرمـه ولا الورعانـي

والله مصرقع الشاعر ذا


سلمت يداك السلهومي صاحب الاختيارات الرائعه