{ الملـــعــبه ...!! }

[الدب الداشر]

أنا فالملعبه يطري علي ان الرسول يقول :

........................ (( دَمُ المسلم على المسلم حرام وعرضه وماله ))

:
:


أنا فالملعبه هرجي يمر عقول دون عقول ..

................................... عميلٍ مايجاريني .. يدورله من اشكـاله

:
:


الى منه حشم نفسه عن الزله مهو مخـــذول

................................... والى من ضاعت علومه تركته يشرب دلاله


:
:


أنا ماقول من قدي ؟ ولاني من السما مرسول

................................... ولكن من يبي يلعب .. يناظر منهو .. قبـاله

:
:

ولد من يعتزى فيه ويحل وينقض المفتــول

................................... أنا منهو على درب المراجل .. يسحبه خـاله

:
:

أنا منهو عشق لعب القوافي داخل الزهمول

................................... وانا من جبر كسور القصيد ... وقام يبراله

:
:

أنا من طوّح سيوف النشامى سيفه المصقول

................................... الى من قال : ( خلوها ) سرى ياليل مواله

:
:

أنا ماحلحلو حيلي ولوهم حاولوني حول ..

................................... أحلّ احيَلّ من حاول معايه .. يبلش بحاله

:
:

وش المعقول ؟ لاقالو تقول اللي مهو معقول

................................... كثر ماقيل ذا قولي .. ولا قبلي ، أحد قاله

:
:

قصيده لو عرضتوها على ( صياف ) وشبيقول....؟

................................... اذاهي طافت ( حبيّب ) ولامرت على باله

:
:

وانا فالملعبه تطلع علومي والحديث يطوووول

................................... ولكن من يبي يلعب معايه يفهق عقاله ..!!





للـشـاعــر/
لـخلـف الـمشـعـان

[جرواني]

أنا من طوّح سيوف النشامى سيفه المصقول
الى من قال : ( خلوها ) سرى ياليل مواله
أنا ماحلحلو حيلي ولوهم حاولوني حول ..
أحلّ احيَلّ من حاول معايه .. يبلش بحاله
وش المعقول ؟ لاقالو تقول اللي مهو معقول
كثر ماقيل ذا قولي .. ولا قبلي ، أحد قاله

صح لسانك ولسان القايل

[الدب الداشر]

صح بدنك حجي جرواااااااااااني

حياااااااااااااااااك

[ليث]

مشكووووووووووووووووور

[الافندى]

اختيار .... رائع ولا يستغرب على دبدوب الغالي
احببت مشاركتك ....
هديه لدبدوب (http://www.qsaid.com/klta/terky/TrkyTheeB2/TrkyTheeB2.WMV)


شليويح بن شلاح المطيري مثل الاشوام=سلامه مرحبا بك من بعيد اليا بعيدي
تغير واختلف طبعه على ربعه من العام=رمى قلب قديم وشاري قلب جديدي
صياف الحربي
شليويح المطيري ما تعدى دين الاسلام=واقوله بالنيابه عنه والعايد يعيدي
لعلك يا أحمد الناصر تجي وتروح قدام=وتصبح في اوسط الديره شقي والا سعيدي
احمد الناصر
تهرج بالرضا حيث الرضا هو سيد الاحكام=وخلق الله تفكر بالقريب وبالبعيدي
انا أعرف الليالي السود وبيض الايام=وترى ما نيب اعيد لين اوكد يوم عيدي
صياف الحربي
تهرجنا وفكرنا وفسرنا بالاحلام=وجبنا لك خبر مضمون بالعلم الوكيدي
فتشنا في صحنكم ما لقينا خبز وايدام=ما غير القدر والطاسه ومسواط العصيدي
احمد الناصر
يقولون الضوامي هالليالي ورد وحيام=ولا ضد الحديد الا القوي من الحديدي
ضعيف الحيل ما ينفع ليا انه طاح ما قام=ولو ينزل بعد بكره يطري فالشديدي
صياف الحربي
وقف في دربها مجنون لا صلى ولا صام=لعله عقبها يقعد مع العالم وحيدي
لو ان ام الكباير ما عطوها خرص وزمام=ما يمديها تغني لك بنوع من القصيدي
احمد الناصر
أنا ما نيب احب الظلم مار الناس ظلام=اجنب خزنه السلطان ابن عبدالمجيدي
احد يحكم عليه اليا جهل في حكم الاعدام=خطير انه يذكى مثل تذكاة الهريدي
صياف الحربي
أنا عارف وداري واعرف ان الظلم هدام=ومن يخطي على المسلم ترى قلبه بليدي
ومن يشري لك البندق يبايشري لك حزام=لو ان الموت فوق الحنجرة تحت الوريدي
احمد الناصر
ترى ما طاب للرجال ياصياف مادم=معك قلب كبير ولا معك رأي سديدي

[الدب الداشر]

ألأفندي كلك حلااا


ومشكور على الهدية ((فكر وحسب ضاميرك من قبل يووم الحساااب)))

[نادر]

يعطيك العافية دبدوبي

خلف المشعان شاعر وأبصم بالعشر ..

سمعت له الكثير من القصائد وتأكدت بأنه شاعر كبير ولكن لم يأخذ فرصته في الإعلام ..

[الدب الداشر]

يعافيك حجي ندوووووووري

صح بس ترااه صغير عمره الحين 24 وعلى ابواب 25 ؟؟

[المحارب]

دائما تآتي بروائع الاختيار ومواضيعك دب تشبه حلاو الماكنتوش مو مثل بعضهم على طول الخط مارس مارس وان بغى ينوع سنيكر
مداخله حلوووووه فندي بيك لاخلا وعدم

[الدب الداشر]

أنت الراااائع حجي محااارب

أسعدني مرووووووورك والله

حيااك

[$الوميض$]

الدب مشكوووووووور بس مايصلح غش

انا اشتري الشريط وانت تحط القصيده ليش كيذا

اطلبك عشره ريال

[سهرانه]

سلمت يداك الدب الداشر

[الدب الداشر]

وميض عييت تعطيني الشريط وجزااء لك


مافيه عششرة هع هع هع



يسلمممممممممم غاليك سهراننه