ياعل قصر ما يجيله ظلالي

[جرواني]

من أجمل واروع القصائد التي قيلت علي الاطلاق
قصيدةة (يقول من عدى) للامير المرحوم محمد السديري

استمعو لها ..واستمتعوا

http://www.dwaihi.com/25nab90.ram

[شارع 20]

اللة يعطيك العا فية

[الدب الداشر]

روووووعه

مشكور حجي جرووووووااااااااااااااااااااااااااااااني

[ليث]

بسمعهاااا لين احفظها

الف شكرررررررررررررررررررررررررررررررررررررررررررررررر رررررر

[جرواني]

شارع 20:الله يعافيك
الدب الداشر: العفو حبيبي
ليث:احفظها تراني ابسمع لك ؛وهذه الابيات لك علشان تحفظ زين
ومشكورين على الردود



يقول من عدى على راس عالي***رجمٍ طويلٍ يدهله كل قرناس


في راس مرجوم عسير المنالي***تلعب به الارياح مع كل نسناس


في مهمهٍ قفرٍ من الناس خالي ***يشتاق له من حس بالقلب هوجاس


قعدت في راسه وحيد لحالي ***براس الطويل ملابقه تقل حراس


متذكرٍ في مرقبي وش غدالي ***وصفقت بالكفين ياسٍ على ياس


اخذت اعد ايامها والليالي ***دنياً تقلب ماعرفنا لها اقياس


كم فرقت مابين غالي وغالي ***لو شفت منها الربح ترجع للافلاس


يا ما هفا به من رجالٍ مدالي ***ماكنهم ركبوا على قب الافراس


ولا قلطوهن للكمين الموالي ***ولاصار فةق ظهورهن قطف الانفاس


ولارددوا صم الرمك للتوالي ***كل يبي من زايد الفعل نوماس


من بينهم سمر القنا والسلالي ***مثل البروق برايحٍ ليله ادماس


يقطعك دنيا مالها اول وتالي ***لو اضحكت للغبن تقرع بالاجراس


المستريح اللي من العقل خالي ***ماهو بلجّات الهواجيس غطّاس


ماهوب مثلي مشكلاته جلالي ***ازريت اسجلهن بحبر وقرطاس


حملي ثقيل وشايله باحتمالي ***واصبر على مر الليالي والاتعاس


وارسي كما ترسي رواسي الجبالي***ولا يشتكي ضلعٍ عليه القدم داس


يابجاد شب النار وادن الدلالي ***واحمس لنا يابجاد مايقعد الراس


ودقه بنجرٍ ياظريف العيالي ***يجذب لنا ربعٍ على اكوار جلاس


وزلّه الى منه رقد كل سالي ***وخله يفوح وقنّن الهيل بقياس


وصبه ومده ياكريم السبالي ***يبعد همومي يوم اشمه بالانفاس


فنجال يغدي ماتصور ببالي ***وروابع تضرب بها اخماس واسداس


لاخاب ظني بالرفيق الموالي ***مالي مشاريه على نايد الناس


لعل قصر مايجيله ظلالي ***ينهد من عالي مبانيه للساس


لا صار ماهو مدهلٍ للرجالي ***وملجا لمن هو يشكي الظيم والباس


بحسناك يامنشي حقوق الخيالي ***ياخالق اجناسٍ ويامفني اجناس


تجعل مقره دارس العهد بالي ***صحصاح دوٍ دارسٍ مابه اوناس


البوم في تالي هدامه يلالي ***جزاك ياقصر الخنا وكر الادناس


متى تربع دارنا والمفالي ***وتخضر فياض عقب ماهيب يبّاس


نشوف فيها الديدحان متوالي ***مثل الرعاف بخصر مدقوق الالعاس


وينثر على البيدا سوات الزوالي ***يشرق حماره شرقة الصبغ بالكاس


وتكبر دفوف معبّسات الشمالي ***ويبني عليهن الشحم مثل الاطعاس

ملاحظه: يوجد بعض الاخطاء الاملائيه في القصيده

[الافندى]

اشكرك اخي الجرواني ... احسنت الاختيار بارك الله فيك


يقطعك دنيا مالها اول وتالي =لو اضحكت للغبن تقـرع بالاجـراس
المستريح اللي من العقل خالي=ماهو بلجّات الهواجيـس غطّـاس
ماهوب مثلي مشكلاته جلالي =ازريت اسجلهـن بحبـر وقرطـاس
حملي ثقيل وشايله باحتمالي =واصبر على مر الليالـي والاتعـاس
وارسي كما ترسي رواسي الجبالي=ولا يشتكي ضلعٍ عليه القدم داس

[نادر]

يعطيك العافية يا أخو المعايا


قصيدة تستحق أن نحفظها ونعمل بما جاء فيها من حكم مفيدة ..

[سهرانه]

سلمت يداك الجرواني
اختيار يدل على متذوق للشعر