خاص للبناااات فزززعتكمم,,

السلام كيفكم صبايا

انا سجلت بهذا المنتدى لأنـي محتااااجتكــم تساعدووونـي وربي اللي بتساعدني

بدعي لهاا باللي تبي

انا زواجي في الاجازه وعندكم برفحاء وانا ماعمري زرت رفحاء انا من الرياض

وكنت بجيب كوافير من الرياض بس مرررررره غالييي السعر والمصوره نفس الشي

تكفووون ساعدوني امي تقول اي مشغل بندخل وتسوين وانا كل يوم بالليل ابكي مايصلح

عروووس اخاف شكلي يطلع مو شييي دلوني على مصوره وكوافير حلو شغلهم ومضمون وبالنسبه للكوافير ماأبيها تكوون من اللي تحط بويه على الوجه ابغى ناعـــــــــــــم والمصوره تكون مضموونه

ماتنشر الصور

وشكرا


اسفه على الاطالـه وياليت ماتفشلووني وتساعدووني ولكم مني الدعااااء

اختكم عروسـه ضايعه

هلا والله بعاروستنا...جعل السعد فالك.. وإن شاء الله بتغيرين معرفك إلى عروسه سعيده.بالنسبه لي أنا من أهل رفحاء وزواجي قريب إن شاء الله لكني بحجز وحده من حفر الباطن للزينه والتصوير وحبذا لو تسوين نفس الطريقه وإذا ماتقدرين أنصحك بأم آيات وعندي رقمه ممتازه.أدعيلي بالتوفيق...ولك خالص تحياتي.

ولا يهمك ولا تبكين يالغالية

تعالي معي ع الخاص بعطيك رقم كوافيره

هااااه دعواتك لي ولجميع اهل رفحاء الحلوين

وراح تصيرين احلى قمر بإذن الله

عروستنا الأموره.....فيه مشغل برفحاء ممتاز أيضآ إذا تبين رقمه برسله لك على الخاص...ولا تنسين أهمية الحجز المسبق لأن موسم الأجازه بيكون زحمه جدآ فأنصحك بالحجز من الآن .وتقبلي مروري.

اولا ياعل ربي يسعدك أن شاء الله ويوفقك امين

ولا تهتمين خيتى ابدا . . الاخوات ماراح يقصرن

ويمدحون مشغل بنت الخليج

وفيه وحده بعد تسويلك مكياج رااائع

وان شاء الله الارقام على الخاص
.

وعليكم السلام والرحمه
حياتس وبياتس وهلابتس والله يوفقتس يارب
والبنات ان شاءالله مايقصرون

بس انصحك تجيبين من الحفر

بالتوفيق

ألف مبروك الزواج مقدما ونتمنى لك حياة سعيدة ...

عليك بالحفر عندك مشغل عروس الباطن يمدحونه وعندهم تصوير وحركات وفيه اكثر من مشغل الحفر تبعد عن رفحاء 280كم تقريبا ....

مع اني افضل رفحاء بحكم القرب من موقع الحفل واختصار المسافة نتمنى لك اطيب الاوقات بمحافظة رفحاء ...

وان شاء الله الاخوات يفيدنك اكثر ...

ربنا يوفقك يالغاليه وتلاقين طلبك عند الحلواااااات]

الف مبروك ..وفالك السعاده إن شاء الله
والاخوات والاخوان ماقصروا

لكن نصيحه ..سوي بروفة للمكياج والتسريحه وتركيب الطرحه قبل يوم الزواج بكم يوم عشان تتلافين اي شيء طاري


والله يوفقك

يالبــاااكــم يابنااات

انا من دون مساعدتكم مدري وش اسوي

شمريه قلبوووو كيف اجيب من الحفر وتتوقعين نفس السعر

والا اغلى زواج بنت خالتي كان هناك بس شفت صورهم موشي والكوافير

مكياجها تكتل وتسريحاتهم موو حلووه اخاف اطلع مثلهم هئ والله مدري وش اعمل

اللي بتجيبينها انتي مجربتها وشغلها ناعم وحلوووو ومشكوورين اللي ردو

شفت شمريه عروس مثلي وحسيت انوو هي اللي بتساعدني

بالنسبه للخاص مدري قالو لازم مدري كم مشاركه عشان اقدر اتراسل معكم

وانا ابدا مو فاضيه عندي اختبارات وبعده تجهيز ومتورطه بمشكلة الكوافير

ياليـت تساعدوونــــــــــــــــــــــــي بأقرب وقت عشان الحجوزات

أطلبي أم أحمد من الحفر مكياج وتصوير بصراحه روعه وأنا معاك في أي شي تبينه .

فديتك ودي اساعدك بس انا مو من رفحاء

عروسه سعيده ..إن شاء الله....وش أخبارك في الإمتحانات وش مسويه.