إيه بدوي ! ! ! قصيده ولا احلى ! ! !
مساااااااكم الله بالخير
مرحباااااا للجميع هذي القصيده اعجبتني لكن المشكله من له والله اني ما اعرف
لكن حبيت انقلها لكم وانشاء الله تعجبكم .
يقووووووووووووووول فيها :
يكفي ندم يكفي زعل يكفي دموع **** تحمل اللي قلت بأول وتالي
يومك تنشدني قبل يوم واسبوع **** يومك تقول انت بدوي ما تبالي
ايه بدوي وشفيك ضايق ومفجوع **** أصلي وفصلي تاج دايم وغالي
حنا البدو بالاصل والطبع والنوع **** نذكر ونشكر من قديم الليالي
بالضيق تلقانا على المخطي جموع **** نثبت بوجهه مثل صم الجبالي
في حربنا من ضربنا الراس مقطوع **** بالسيف والشلفا ورمح الهلالي
حنا البدو فينا الكرم طبع مطبوع **** ما نجحد المعروف بأيت مجالي
نوعد ونوفي بالوفا نطلع طلوع **** نطلع مطاليع النجوم العوالي
سلم لنا ماهوب غادي ومنزوع **** متوا رثينه من عمام وخوالي
حب الشرف والعز بالقلب مزروع **** ما هوب حب بالمسلسل خيالي
نمشي على وضح النقا ما بنا روع **** ناخذ ونعطي ما نحب الجدالي
ما نشتكي من قلت المال والجوع **** نصبر على الدنيا بمر وحالي
ولا نكنز الاموال من شان مشروع **** الرزق عند الله عزيز الجلالي
صحيح ما به قلب ما دونه ضلوع **** ولا تصفق اليمنى بليا الشمالي
انا بدوي يا زين والراس مرفوع **** احيا واموت وعزتي راس مالي
وسلااااااااااااااامتكم
